🛑 गावडे काका महाराज यांच्या शुभहस्ते देण्यात आले कोविड सेंटरसाठी १० कॉट

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ, दि-०४ :- माड्याचीवाडी येथे सुरू करण्यात आलेल्या कोविड सेंटरसाठी श्री. सद्गुरु भक्त सेवा न्यासचे संस्थापक श्री श्री १०८ महंत मठाधीश गावडेकाका महाराज यांच्या सुचनेनुसार संस्थेच्यावतीने १० कॉट सरपंच गामपंचायत माड्याचीवाडी यांच्याजवळ गावडे काका महाराज यांच्या शुभहस्ते देण्यात आले.

यावेळी सरपंच सचिन गावडे, माजी सरपंच शीतल परब, दाजी गोलम, माजी उपसरपंच भाऊ गावडे, सदस्य विघ्नेश गावडे, रूपेश गावडे, संस्था अध्यक्ष एकनाथ गावडे, विश्वस्त सौ. प्रिती कुशे, पंकज कामत, गुरू गावडे विशाल जाधव, योगेश परब, संदिप परब, तलाठी सौ. गायकवाड आदी उपस्थित होते.

यावेळी मार्गदर्शन करताना श्री गावडेकाका महाराज यांनी सांगितले की, सिंधुदुर्ग जिल्ह्यात सध्या कोरोना विषाणूंचा वाढता प्रादुर्भाव लक्षात घेता शासनाने कोरोनाबाधित रूग्ण घरी न ठेवता संस्थात्मक विलगिकरणमध्ये ठेवण्याचे आदेश दिले आहेत. या आदेशानुसार माड्याचीवाडी ग्रामपंचायतीच्यावतीने पूर्ण प्राथमिक शाळा नेरूर, माड्याचीवाडी येथे कोव्हीड सेंटर चालू करण्यात आले. या कोविड सेंटरमध्ये ठेवण्यात येणाऱ्या रुग्णांसाठी कॉटची कमी होती. ही गैरसोय लक्षात घेऊन संस्थेच्यावतीने या 10 कॉट देण्यात आलेल्या आहेत.

आपला गाव लवकरात लवकर कोरोनामुक्त कसा करता येईल यासाठी आपण सर्वानी मिळून काम केले पाहिजे. शासकीय नियमाचे पालन करून आपण एकजुटीने काम करून कोरोनाला आपल्या गावातून हद्दपार करूया असेही त्यांनी यावेळी सांगितले.

सरपंच सचिन गावडे यांनी श्री सद्गुरू भक्त सेवा न्यासचे आभार मानले.