🛑 सिंधुदुर्गातील कोरोना काळात ढासळलेली आरोग्य यंत्रणा, जिल्हा शल्य चिकित्सक, डॉक्टर, परिचारिका व स्टाफ यांची रिक्त पदांवर २० जून पूर्वी नियुक्ती न केल्यास सतर्क पोलीस टाईम्स व आरोग्य हक्क कृती समिती, सिंधुदुर्ग यांच्यावतीने आत्मक्लेश उपोषणाचा इशारा..

🛑 मुख्यमंत्री व आरोग्य मंत्र्यांना निवेदन सादर, जिल्ह्यातील सर्व पत्रकारबंधु व मीडिया यांना पाठिंबा देण्याचे जाहीर आवाहन ; राजन रेडकर

🛑 आरोग्य हक्क कृती समिती सिंधुदुर्गचा बेमुदत आत्मक्लेश उपोषणास जाहीर पाठिंबा ; अध्यक्ष बाळासाहेब सावंत

🎥 कोकण लाईव्ह ब्रेकिंग न्यूज
अचुक बातमी थेट हल्ला

✍️ ब्यूरो न्यूज : कोकण लाईव्ह ब्रेकिंग

🎴सिंधुदुर्ग, दि-०४ :- सिंधुदुर्ग जिल्ह्यात कोरोना महामारीच्या काळात रुग्णांची वाढती संख्या, कोरोना रुग्णांचे वाढते मृत्युचे प्रमाण व ढासळलेली आरोग्य यंत्रणा यामुळे सिंधुदुर्ग जिल्हा राज्यात टॉपवर आला असून कोरोना रुग्णांचा पॉझिटिव्ह रेट सुद्धा राज्यात प्रथम क्रमांकाचा आला आहे. त्यामुळे जिल्ह्यात कोरोना प्रादुर्भाव वाढला असल्याने जिल्हावासीयांची चिंता वाढली आहे.
राज्य सरकारच्या सार्वजनिक आरोग्य विभागाने तसेच जिल्हा प्रशासनाने जिल्ह्यातील जिल्हा शल्य चिकित्सक, डॉक्टर, परिचारिका स्टाफ यांची रिक्त पदे असतांना महामारीच्या काळात जिल्हा शल्य चिकित्सकवींना जिल्ह्यातील आरोग्य यंत्रणेचा कारभार हाकला जात आहे. सदर बाब ही गंभीर असल्याने, अपुऱ्या वैद्यकीय सोई सुविधांमुळे जिल्हा रेड झोन मध्ये गेला आहे. त्याचा परिणाम सामान्य नागरिकांवर होत आहे.
सिंधुदुर्गातील कोरोना काळातील महामारीचा वाढता प्रादुर्भाव व कोरोना मूळे मोठ्या प्रमाणात झालेली जीवितहानी यापुढे रोखण्यासाठी प्रमुख जिल्हा शल्य चिकित्सक तसेच प्रशिक्षित डॉक्टर, परिचारिका व स्टाफ यांची रिक्त पदे २० जून पूर्वी भरण्यात यावीत अन्यथा सतर्क पोलीस टाईम्स वृत्तपत्र समूह व आरोग्य हक्क कृती समिती, सिंधुदुर्ग च्या माध्यमातून जनभावनेचा आदर करत संयुक्तपणे दिनांक २०जून २०२१ रोजी नंतर जिल्ह्यातील महिला व पुरुष अश्या १५ सदस्यांना घेऊन जिल्हाधिकारी कार्यालय ओरोस येथे जनहितार्थ ” बेमुदत आत्मक्लेश उपोषण” करण्यात येणार असल्याची माहिती सतर्क पोलीस टाईम्स सल्लागार संपादक राजन रेडकर यांनी दिली. उपोषणाबाबतचे निवेदन राज्यपाल, मुख्यमंत्री, आरोग्य मंत्री, मुख्य सचिव, आरोग्य सचिव, विभागीय आयुक्त, जिल्हाधिकारी व जिल्हा पोलिस अधीक्षक यांना देण्यात आले आहे.
म्युकर मायकोसिस ब्लॅक व व्हाइट फंगस सदृश आजाराचे रुग्ण जिल्ह्यात सापडण्यास सुरवात झाली असून या तीनही आजारावर जिल्ह्यात पुरेशी औषध उपलब्ध नाहीत. त्यामुळे कोरोना आणि म्युकर मायकोसिस या आजारांना अपुऱ्या वैद्यकीय उपचारा अभावी जिल्हा आरोग्य प्रशासन कसे तोंड देणार, असे मत समिती सदस्य व सतर्क पोलीस टाईम्स कोकण प्रतिनिधी प्रसाद गावडे यांनी मांडले.
जिल्ह्यातील कोरोना आजाराचा वाढत असलेला प्रादुर्भाव व कोरोनामुळे झालेल्या मृत्युचे प्रमाण यामुळे जिल्ह्यातील भययुक्त वातावरण पाहता जिल्हावासीयांनी बेसावध राहणे म्हणजे आजारपणास आमंत्रण दिल्यासारखे आहे. जिल्ह्यातील कोरोनाचा पॉझिटिव्ह रेट वाढू नये याकरिता आरोग्य यंत्रणेतील त्रुटी जिल्हा प्रशासनाने सुधारावी असे मत समिती सदस्य व सतर्क पोलीस टाईम्स चे सावंतवाडी प्रतिनिधी आशिष सुभेदार यांनी मांडले.
जिल्ह्यातील सामान्य नागरिकांना राज्य शासनाच्या आरोग्य विभाग व जिल्हा प्रशासनाने कोरोना प्रादुर्भाव रोखण्यासाठी व कोरोनामुळे होणारे मृत्यू थांबवण्यासाठी वैद्यकीय मूलभूत सोई सुविधा उपलब्ध करून द्याव्यात तसेच जिल्हा शल्य चिकित्सक व डॉक्टर, परिचारिका व स्टाफ यांची पटलावरील रिक्त पद भरून तात्काळ नव्याने नियुक्ती करण्यात यावी या मागणीकरिता सिंधुदुर्ग जिल्ह्यातील सर्व मीडिया व पत्रकारबंधु यांना जिल्ह्यातील नागरिकांच्या आरोग्याच्या प्रश्नावर लक्ष वेधून, करण्यात येणाऱ्या बेमुदत आत्मक्लेश उपोषणास पाठिंबा द्यावा याकरिता राजन रेडकर यांनी विनंतीपूर्वक जाहीर आवाहन केले आहे.
आरोग्य हक्क कृती समितीचे अध्यक्ष बाळासाहेब सावंत यांनी या उपोषणाला जाहीर पाठिंबा दिला असून हे उपोषण कोरोना काळातील शासनाच्या व जिल्हा प्रशासनाच्या नियमावली प्रमाणे कायदा व सुव्यवस्थेचे पालन करून संविधानीक पद्धतीने करण्यात येणार आहे.