🛑 कोकणातील समुद्र किनारी खारफुटीच्या झाडांत तसेच पाणथळ भागात आढळणाऱ्या या कुवा कोंबडीच्या संकेताला विशेष महत्त्व..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्यूरो न्यूज : कोकण लाईव्ह ब्रेकिंग

🎴सावंतवाडी, दि-०३ :- कोकण हे फार अमेझिंग आहे. कोकणातील प्रत्येक ठिकाणाला विशेष महत्त्व आहे. त्याच प्रमाणे कोकणातील समुद्र किनारी खारफुटीच्या झाडांत तसेच पाणथळ भागात आढळणाऱ्या या कुवा कोंबडीच्या संकेताला विशेष महत्त्व आहे.

दरवर्षी जून महिना आला की मान्सूनचे वेध लागतात. कोकणातील लोक मसाले, आंबा पोळी, रातांबे, फणस सुकवून पावसाची शिदोरीच जणू जमा करतात असे म्हणायला हरकत नाही. पण समुद्रकिनारी भागातील लोकांना या मान्सूनचे वेध लवकर लागतात. मान्सून कधी दाखल होणार हे हवामान खातं आणि स्कायमेट संस्था अगोदरच कळवते. पण तो नक्की कधी दाखल होणार हे माहीती नसतं. पुर्वीच्या काळी हवामान खात्याचे अंदाज कोणाला माहिती नसायचे कारण टि. व्ही व मोबाईल इंटरनेट हे त्या काळी फारशा लोकांकडे नसायचे. पण ते या कुवा कोंबडीच्या आवाजावर मान्सूनच्या आगमनाचे अंदाज लावायचे असे सांगितले जाते.

साधारण आकाशात काळे ढग दाटून आले थंडगार वारा वाहू लागला की पाऊस येणार असं वाटतं पण कोकणातील समुद्रकिनारी राहणारे लोक अजून एक अंदाज लावतात की कधी दाखल होणार याचा. समुद्रकिनारी खारफुटी कांदळवनात किंवा पाणथळ भागात आढळून येणाऱ्या कुवा कोंबडीच्या आवाजावरून. कुवा कोंबडीला पाणकोंबडी किंवा कोकरी असे म्हटले जातं. हा पक्षी मान्सूनच्या आगमनाआधी “कुवा, “कुवा,”कुवा, कुवा असे ओरडतो. मग वाटतं की आता पाऊस येणार आहे असा अंदाज लावला जातो. साधारण मान्सूनच्या आगमनाआधी कुवा कोंबडी हे पक्षी ओरडताना ऐकायला येतात. कावळ्याच्या रंगाचा पण गळ्याकडे पांढरी पट्टी असणारा हा पक्षी साधारणपणे खारफुटीच्या पाणथळ भागात संचार करताना आढळून येतो. पाण्यातील बारीकसारीक मासे, किडे असे पदार्थ खाऊन हा पक्षी राहतो. फार चपळ असा हा पक्षी आहे.