🛑 झोळंबेत करोना बाधितांसाठी दहा बेड चे कोविड सेंटर चे संजय गांधी निराधार योजना समिती अध्यक्ष गणेशपसाद गवस यांच्या हस्ते उद्घाटन..

🛑 कोरोना नियंत्रण समितीच्या पुढाकाराने मराठी शाळा इमारती मध्ये करोना बाधितांसाठी दहा बेडचे कोविड सेंटर..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ दोडामार्ग – शंकर जाधव

🎴दोडामार्ग, दि-०२ :- देशभरामध्ये पसरलेल्या कोविड – १९  महामारीला आळा घालण्यासाठी ग्रामपंचायतीही सक्रिय बनल्या आहेत. कोरोना विषाणूचा प्रसार रोखण्यासाठी सर्व स्तरावर विविध उपाय योजना केल्या जात आहेत.त्याचबरोबर लॉकडाउनच्या नियमांचे उल्लंघन केले जावू नये,यासाठी आणि सामाजिक अंतराच्या निकषांचे काटेकोर पालन केले जावे,याची दक्षता घेतली जात आहे.

कोरोनाच्या पहिल्या व दुसऱ्या लाटेत गावपातळीवर कोरोना रुग्णांवर उपचाराची कोणतीच सोय नव्हती. परिणामी कोरोना रुग्णांची संख्या वाढण्याबरोबरच रुग्णांचे मृत्यूदेखील मोठ्या प्रमाणावर झाले होते. कोरोनासदृश्य कमी लक्षणे असलेल्या रुग्णांना कुटुंबीयांपासून अलग ठेवून  त्याच्यावर उपचार करण्यासाठी तालुक्याच्या मुख्यालयी अथवा महसुली गावात कोरोना केअर सेंटर सुरू करण्यात आले हाेते, तर काही गावांमध्ये शाळा,समाजमंदिरात संशयित रुग्णांची व्यवस्था करण्यात आली होती.मात्र देशपातळीवर कोरोनाच्या तिसऱ्या लाटेची व्यक्त होणारी शक्यता लक्षात घेता,संभाव्य रुग्णवाढीचा विचार करून शासनानेच आता ग्रामपंचायत पातळीवरच विलगीकरण केंद्र उभारण्याचा निर्णय घेतला आहे. याचाच एक भाग म्हणून दोडामार्ग तालुक्यात सर्व उपक्रमात अग्रेसर असणाऱ्या झोळंबे या गावात कोरोना नियंत्रण समितीच्या पुढाकाराने मराठी शाळा इमारती मध्ये करोना बाधित साठी दहा बेड कोविड सेंटर सुरु करण्यात आले आहे याचे उद्घाटन संजय गांधी निराधार योजना समिती अध्यक्ष गणेशपसाद गवस  यांच्या हस्ते करण्यात आले. याठिकाणी रुग्णांना सर्व आवश्यक सुविधा उपलब्ध करून दिल्या जाणार आहेत.

यावेळी उपसरपंच मानसी गवस, ग्रामपंचायत सदस्य पांडुरंग गवस, मंगेश नाटेकर, पूजा गवस, ग्रामसेवक वाघमोडे गशिक्षक संतोष गवस बंड्या राऊळ महादेव गवस प्रभाकर परब दाजी गवस उपस्थित होते.