🛑 “त्या” अश्लिल व्हिडिओची सखोल चौकशी व्हावी व संबंधीतांवर गुन्हे दाखल करा..

🛑 परशुराम उपरकर यांची निवेदनाद्वारे पोलीस अधिक्षकांकडे मागणी..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्यूरो न्यूज : कोकण लाईव्ह ब्रेकिंग

🎴सिंधुदूर्ग, दि-०१ :- सिंधुदुर्ग जिल्हा हा सुसंस्कृत असून महिला प्रधान आहे. अशा जिल्ह्यात सोशल मीडियावर एक बातमी प्रसिद्ध झाली होती. आजी-माजी लोकप्रतिनिधींचे अश्लिल चाळे व व्हिडिओ व्हायरल होत होती. त्या व्हिडिओमध्ये एक महिला आणि एक पुरुष चुंबन घेण्याचे अश्लिल चाळे करताना तिसऱ्या व्यक्तीने व्हिडिओ तयार केला आणि सदर व्हिडिओ करण्याकरिता आजी-माजी लोकप्रतिनिधी असलेल्या पुरुष माजी पदाधिकारी यांनी तो व्हिडिओ स्वतः करण्यास सांगितला असे त्या व्हीडीओ चित्रीकरणा वरून दिसत आहे. त्यामुळे सार्वजनिक ठिकाणी अशा प्रकारचे कृत्य करून जनतेला व जिल्ह्याच्या संस्कृतीला लाजवणारे आहे. याबाबत आपल्या महिला पोलीस अधिकाऱ्यांमार्फत चित्रीकरणामध्ये असलेल्या त्या महिलेची चौकशी करावी. त्याच प्रमाणे त्या पुरुष पदाधिकार्‍यांची चौकशी करून व्हिडीओ चित्रीकरण करणारा कोण ? व्हिडिओ व्हायरल कोणी केला याची सखोल चौकशी करून संबंधितांवर गुन्हा दाखल व्हावा अशी मागणी महाराष्ट्र नवनिर्माण सेनेचे सरचिटणीस तथा माजी आमदार परशुराम उर्फ जीजी उपरकर यांनी निवेदना द्वारे पोलीस अधिक्षक राजेंद्र दाभाडे यांच्याकडे केली आहे.

जिल्ह्यामध्ये अशा प्रकारे छोट्या मुलांपासून,महिला, पुरुष वा वृद्धांपर्यंत हा व्हिडिओ व्हायरल झाला आहे. सध्या सर्वसामान्य माणसांकडे अँड्रॉइड मोबाईल असतात आणि हा जर व्हिडिओ बघणाऱ्या नागरिक किंवा महिला राजकीय पक्षाच्या राजकारणात भाग घेताना विचार करावा लागणार आहे. कारण निवडणूक आयोगाने ५०% महिला आरक्षण केली असल्याने सर्व राजकीय पक्षांना ५०% महिला उभ्या कराव्या लागतात. आणि अशा परिस्थितीत आजी-माजी लोकप्रतिनिधींचे चाळे बघून कोणीही पुरुष आपल्या घरातील स्त्रीला किंवा महिला राजकारणात येताना विचार करतील.कारण अशा प्रकारच्या कोणत्याही चित्रपटातील फिल्म मधील असलेले सीन असल्यास तो सेंसार बोर्ड सिनेमा प्रौढांसाठी असल्याचे सादर होते. सर्वांकडे अँड्रॉइड मोबाईल असल्याने लहान मुले पालकांचा मोबाईल वापरत असल्याने त्यांच्यावर ही सामाजिक दृष्ट्या परिणाम होणार आहे असे उपरकर यांनी निवेदनात म्हटले आहे.

त्यामुळे या विषयाची सखोल चौकशी करून संबंधितांना कडक शासन करण्यात यावे अशी मागणी उपरकर यांनी निवेदनाद्वारे पोलीस अधीक्षकांकडे केली आहे.