🛑 घरात घुसून मारहाण केलेल्या प्रकरणाची स्थानिक पोलिसांनी गंभीर दखल न घेतल्याने हेत येथील साळवी कुटुबीयांनी थेट जिल्हा पोलीस अधीक्षकांकडे मागीतली दाद..

🎥 कोकण लाईव्ह बेकिंग न्यूज
अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-०१ :- घरात घुसून मारहाण केलेल्या प्रकरणाची स्थानिक पोलिसांनी गंभीर दखल न घेतल्याने हेत येथील साळवी कुटुबीयांनी थेट जिल्हा पोलीस अधीक्षकांकडे दाद मागीतली आहे. आमच्यावर अन्याय झाला असून न्याय मिळवून द्यावा अशी मागणी निवेदनाद्वारे त्यांनी केली आहे.
हेत राववाडी येथील आश्विनी साळवी यांनी जिल्हा पोलीस अधिक्षकांना निवेदन दिले आहे. या निवेदनात म्हटले आहे की, २६ मे २०२१ रोजी रात्री ८. ३० वा. रोहित कदम, आशिष सुर्वे, अशोक खानविलकर व प्रविण खानविलकर या चार इसमांनी आमच्या घरात घुसून मारहाण केली.
घराच्या प्रवेशद्वारावर लाथ मारून ते तोडून घरात प्रवेश केला. तसेच घरातील चौघांना मारहाण करून कुटुंबांतील सदस्यांना जीवे मारण्याची धमकी दिली आहे. या संदर्भात पोलीसस्थानकात तक्रार दिली होती. मात्र, याबाबत पोलीसांनी चँप्टर केस दाखल करून प्रकरण दडपण्याचा प्रकार केला आहे. असा आरोप पोलीसांवर साळवी कुटुंबीयांनी केला आहे. महिला घरात असताना रात्रीच्या वेळी घरात घुसून मारहाण करणे ही बाब गंभीर आहे.त्यामुळे संबंधित चार जणांवर गुन्हा दाखल होणे गरजेचे होते. मात्र, स्थानिक पोलिसांनी तसे केले नाही. यामुळे आमच्यावर अन्याय झाला आहे. या प्रकरणाची आपण दखल घेऊन संबधितांवर कारवाई करावी अशी मागणी आश्विनी साळवी यांनी पोलीस अधिक्षकांकडे केली आहे.