🛑 ओटवणे तलाठी भक्ती सावंत यांच्याकडून सरमळे शितपवाडी येथील कोरोना रुग्ण व त्याच्या कुटुंबीयांसाठी मास्क व सॅनिटायझर चे वाटप..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-३१ :- ओटवणे तलाठी भक्ती सावंत यांच्याकडून सरमळे शितपवाडी येथील कोरोना रुग्ण व त्याच्या कुटुंबीयांसाठी मास्क व सॅनिटायझर चे वाटप करण्यात आले.

दिवसेंदिवस कोरोना रुग्णांच्या संख्येत वाढ असल्याने आता कोरोना साखळी तोडण्यासाठी प्रशासन आणखीन सतर्क झाले असून प्रशासकीय अधिकारी,कर्मचारी, लोकप्रतिनिधी,सामाजिक कार्यकर्ते खूप मेहनत घेत आहेत. सावंतवाडी तालुक्यातील कोरोना रुग्णांची वाढती संख्या लक्षात घेऊन सावंतवाडी तहसीलदार राजाराम म्हात्रे यांनी दहा दिवसाचा कडक लॉक डाऊन तालुक्यात जाहीर केला असून कोरोना साखळी तोडण्यासाठी तहसीलदार म्हात्रे हे वेगवेगळ्या उपायोजना करत आहेत.तसेच तालुक्यातील अधिकारी, कर्मचारी, लोकप्रतिनिधी, सरपंच यांना तालुक्यातील कोरोना साखळी तोडण्यासाठी योग्य त्या उपाययोजना करा असे आवाहन केले होते. या आवाहनाला तालुक्यातून चांगला प्रतिसाद मिळत आहे.सावंतवाडी तहसीलदार म्हात्रे हे रोखण्यासाठी पुढे सरसावले असताना,त्याच्या या कार्यात महसूल विभागातील काही कर्मचारी पुढे सरसावल्या चे चित्र पाहायला मिळते. ओटवणे तलाठी भक्ती सावंत यांनी सरमळे शितपवाडी येथील अतिदुर्गम भागात जाऊन त्या ठिकाणच्या 15 कोरोना रुग्णांना व त्याच्या नातेवाईकांना भेट देऊन त्यांची विचारपूस केली. तसेच त्यांच्या कुटुंबियांना मास्क व सँनीटायझर वाटप केले. तहसीलदार म्हात्रे कोरोना रोखण्यासाठी प्रयत्न करत असताना तलाठी सावंत यांनी केलेले कार्य हे कौतुकास्पद आहे.