🛑 डॉ.उत्तम पाटील यांना एका वर्षाची मुदतवाढ..

🛑 मंगेश तळवणेकर,देव्या सूर्याजी यांच्या मागणीला यश..

🛑 तळवणेकर,सूर्याजी यांनी मानले जिल्हाधिकारी,आमदार केसरकर यांचे आभार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-३१ :- सावंतवाडी उपजिल्हा रुग्णालयाचे अधीक्षक डॉ.उत्तम पाटील यांची आज ३१मे ला कारकिर्दीची मुदत संपणार होती.मात्र जनतेतून डॉ.उत्तम पाटील यांना अजून काही दिवस कायम करण्याबाबत जनतेतून मागणी होत होती.कोरोना सारख्या कठीण कालावधीत डॉ.उत्तम पाटील यांनी चांगले काम केले होते.जिल्हाधिकाऱ्यांच्या उपजिल्हा रुग्णालय भेटीदरम्यान उपस्थितांची मागणी जिल्हाधिकाऱ्यांनी ताबडतोब मान्य केली होती,मात्र यावर आज औपचारिक रित्या शिक्कामोर्तब झाला असून संबंधीचा जीआर डॉ.पाटील यांना प्राप्त झाला आहे. यानुसार पुढच्या एक वर्षासाठी पाटील यांना मुदतवाढ मिळाली आहे.

यासंबंधीची मागणी माजी शिक्षण आरोग्य सभापती श्री.मंगेश तळवणेकर, आणि युवा रक्तदाता संघटनेचे अध्यक्ष देव्या सूर्याजी यांनी जिल्हाधिकारी,तसेच माजी पालकमंत्री, आमदार दीपक केसरकर यांच्याकडे केली होती. डॉ.उत्तम पाटील यांना मुदतवाढ मिळाल्याने जनतेतून समाधान व्यक्त होत आहे.तळवणेकर, सूर्याजी यांनी जिल्हाधिकारी के. मंजुलक्ष्मी,आमदार दीपक केसरकर यांचे आभार मानले आहेत.