🛑 वैभववाडी पंचायत समितीमधील शाखा अभियंता मनोज धर्मा बांगारे यांचे अल्पशा आजाराने खोपोली येथे निधन

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-२८ :- वैभववाडी पंचायत समितीमधील शाखा अभियंता मनोज धर्मा बांगारे वय 45 यांचे अल्पशा आजाराने खोपोली येथे निधन झाले. मयत मनोज बांगारे यांचे मुळ गाव खोपोली जिल्हा रायगड हे आहे.

देवगड व वैभववाडी तालुक्यात त्यांनी बांधकाम विभागात शाखा अभियंता म्हणून तब्बल 13 वर्ष काम पाहिले होते. 7 वर्षांपूर्वी ते वैभववाडी तालुक्यात बदलीने हजर झाले होते. तालुक्यातील 14 वित्त आयोगातील बहुतांश कामे त्यांनी मार्गी लावली होती. तालुका विकासात त्यांचे योगदान होते. ते काही दिवस आजाराने त्रस्त होते. त्यांच्यावर खोपोली येथील एमजीएम या खाजगी रुग्णालयात उपचार सुरु होते.

उपचारा दरम्यान त्यांची प्राणज्योत मालवली. त्यांच्या निधनाने तालुक्‍यात हळहळ व्यक्त होत आहे. त्यांच्या पश्चात वडील, पत्नी व तीन वर्षाची मुलगी असा परिवार आहे.