मुंबई – गोवा महामार्गावर हळवल फाट्या नजिकच्या वळणावर अपघात

🛑अपघातात चालक आणि क्लीनर सुदैवाने बचावले, दोघेही किरकोळ जखमी

🎥कोकण लाईव्ह ब्रेकींग न्युज

अचुक बातमी थेट हल्ला

✍️प्रतिनिधी : रविकांत जाधव

🎴कणकवली : दि. २५ मुंबई – गोवा महामार्गावर हळवल फाट्या नजिकच्या वळणावर गुजरात ते गोवा ( वेर्णा ) असा कलर वाहतुक करणारा ट्रक पटली झाला. या अपघातात चालक आणि क्लीनर सुदैवाने बचावले असुन, दोघेही किरकोळ जखमी झालेत.

सदर अपघातग्रस्त ट्रक येथील रस्त्यालगत असलेल्या शितपेय तथा भाजी विक्री स्टॉलला धडक दिल्याने, स्टाॅलचेही नुकसान झाले आहे. तसेच सदर अपघताची घटना आता काहीवेळापुर्वी रात्री १० वाजण्याच्या सुमारास घडली असुन, नगरसेवक सुशांत नाईक, शिवसेना उपतालुका प्रमुख राजू राणे, संकेत नाईक, बंड्या नाईक, अक्षय सावंत, महेंद्र पंडित, सिद्धेश सावंत, हितेश मालंडकर, सुयोग ताटे, रोहीत राणे आदिंनी जखमींना मदत केली.

त्यानंतर सदर घटनेची माहीती कणकवली पोलिसांना नागरिकांना दिल्यावर सहाय्यक पोलीस निरीक्षक सागर खंडागले, स. उप. पो. नि. बापु खरात घटनास्थळी दाखल झाले आहेत.

दरम्यान या धोकादायक वळणावर वारंवार अपघात घडतात. २ महीन्यापुर्वीही अपघात झाला होता. त्यामुळे प्रशासनाने लक्ष देवुन अपघात टाळण्यासाठी उपाय योजना कराव्यात, अशी मागणी नागरिक करत आहेत.