🛑 कोरोना महामारी आपत्कालीन परिस्थितीत जिल्ह्यातील रुग्णांना ने-आण करण्याकरिता रुग्णवाहिकांचे दर निश्चित करून जिल्हाधिकारी सिंधुदुर्ग यांनी रुग्णांच्या नातेवाईकांना दिलासा द्यावा ; आरोग्य हक्क कृती समिती

🛑 रुग्णांच्या नातेवाईकांना छळवणूक करून, रुग्णवाहिका चालक मनमानीपणे भरमसाठ भाडी आकारणी करणाऱ्या विरुद्ध आरटीओ अधिकाऱ्यांनी कायदेशीर कारवाई करावी अन्यथा जनआंदोलनाचा इशारा ; बाळासाहेब सावंत

🎥 कोकण लाईव्ह ब्रेकिंग न्यूज

अचुक बातमी थेट हल्ला

✍️ ब्यूरो न्यूज : कोकण लाईव्ह ब्रेकिंग

🎴सिंधुदुर्ग, दि-२५ :- सिंधुदुर्ग जिल्ह्यामध्ये रुग्णवाहिका चालकांनी कोरोना महामारी आपत्कालीन परिस्थितीमध्ये रुग्णांच्या नातेवाईकांना रुग्णवाहिका सेवा उपलब्ध व्हावी याकरिता जिल्हाधिकारी, सिंधुदुर्ग यांनी रुग्णवाहिकांची अधिकृतपणे नेमणूका केलेल्या आहेत. शासनाने अधिकृत केलेल्या रुग्णवाहिकांचे चालक हे त्याचा आधार घेत रुग्णवाहिकांचे भरमसाठ भाडे आकारणी करून रुग्णांच्या नातेवाईकांची लूट करून छळवणूक करीत आहेत. रुग्णवाहिका चालकांच्या या मनमानीला जिल्ह्यातील रुग्णांच्या नातेवाईकांमध्ये प्रचंड असंतोष निर्माण झालेला आहे.

सदर प्रकरणी जिल्हाधिकारी सिंधुदुर्ग यांनी उप प्रादेशिक परिवहन अधिकारी, सिंधुदुर्ग (आरटीओ) यांना शासनाने अधिकृत केलेल्या रुग्णवाहिकांचे दर निश्चित करण्याचे आदेश द्यावेत व रुग्णांच्या नातेवाईकांना दिलासा द्यावा. अन्यथा आरोग्य हक्क कृती समिती, सिंधुदुर्ग च्या पदाधिकाऱ्यांसह कायदेशीररित्या घटनात्मक पद्धतीने जनआंदोलन उभारण्यात येईल असा इशारा आरोग्य हक्क कृती समितीचे अध्यक्ष व ज्येष्ठ शेतकरी नेते श्री बाळासाहेब सावंत करणार असल्याची माहिती राजन रेडकर यांनी दिला आहे .