🛑 लॉक डाऊन च्या काळात गोव्यातील अवैध मद्याचा सिंधुदुर्गात महापूर..

🛑 राज्य उत्पादन शुल्क विभाग, व पोलीस प्रशासन चिडीचुप..

🛑 छोट्या-मोठ्या वाहनां सोबतच रुग्णसेवा देणाऱ्या काही ठराविक वाहनांमधून केली जाते दारू वाहतूक..*

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ संपादकीय : सीताराम गावडे

🎴सावंतवाडी, दि-२५ :- महाराष्ट्र शासनाने कोरोनाचे रुग्ण वाढायला लागल्यावर लाॅक डाऊन जाहीर केले,या लाॅक डाऊन च्या काळात पुन्हा एकदा दारू माफीया यांनी आपले डोके वर काढले व नेहमी प्रमाणे राज्य उत्पादन शुल्क विभाग झोपी गेले. कुंभकर्णाची झोप असलेल्या राज्य उत्पादन शुल्क विभागाला जागे करण्यासाठी कोकण लाईव्ह ब्रेकिंग न्यूज त्यांच्या कानात गरम गरम तेल ओतावे लागते व नंतरचे जागे होतात, यासारखी दुसरी शोकांतिका नाही,गेल्या वर्ष ही लाॅक डाऊन च्या काळात दारू माफियांनी वेगवेगळ्या शकला लढवून दिवसाकाठी करोडो रुपयाची दारू सिंधुदुर्गात महाराष्ट्र राज्याच्या इतरत्र जिल्ह्यात पोच केली जाते त्यावर संपादकीय सदरातून जोरदार प्रहार केल्यावर राज्य उत्पादन शुल्क खाते खडबडून जागे झाले, राज्याचे उत्पादन शुल्क आयुक्त कांतीलाल उमाप यांनी लिखाणाची दखल घेऊन विशेष पथकांची नियुक्ती केली व अवैध दारू धंद्याला मोठ्या प्रमाणात आळा बसला.

मात्र कोकण लाईव्ह ब्रेकिंग न्यूज चॅनल ची ही मोहिम थंडावली असे दिसताच दारू माफियांना मदत करणारे राज्य उत्पादन शुल्क विभागाचे अधिकारी, पोलीस खात्यातील काऊ पंट,र यांनी पुन्हा एकदा आपले खिसे भरावेत यासाठी दारु माफीयांना वाट मोकळी करून दिली,व पुन्हा एकदा मोठ्या प्रमाणात या दोन महिन्यात सिंधुदुर्गात गोव्यातील अवैध दारू येऊ लागली, अनेक ग्रामीण भागातून याबाबत तक्रारी येणे सूरु झाले व पून्हा एकदा याची दखल घेणे भाग पडले आहे.

या माफिया दारू माफीयांना सिंधुदुर्गात दारू आणण्यासाठी कोणते चोरटे मार्ग आहेत,मार्ग कोणते हे राज्य उत्पादन शुल्क अधिकाऱ्यांना चांगलेच माहिती आहे, तरी देखील आपले हात ओले झाल्याने व पोलिसांनाही मोठा हप्ता मिळत असल्याने ते मूग गिळून गप्प आहेत

आता तर कहरच केला लॉक डाऊन च्या काळात गोवा मेडिकल कॉलेज येथे व खासगी रुग्णालयात सोडण्यासाठी जाणाऱ्या वाहनांमधून सिंधुदुर्गात परत येताना अवैद्य गोवा दारू भरून आणली जात असल्याची धक्कादायक माहिती मिळाली आहे.

त्यामुळे रुग्णांना गोव्यात घेऊन जाणाऱ्या वाहणांची ती वाहने रिकामी परत येत असताना पोलीस प्रशासनाने व राज्य उत्पादन शुल्क अधिकारी यांनी करडी नजर ठेवून अशा वाहनांवर कडक कारवाई करावी अशी आमची रास्त मागणी आहे,

गोव्यातून सिंधुदुर्गात येणारी दारू छोट्या-मोठ्या वाहनांचा वापर करून आणली जाते व यात ॲक्टिवा, रिक्षा , रुग्ण सेवा करणारी काही ठराविक वाहने यांचाही वापर केला जातो, त्यामुळे पोलिसांनी यावर नजर ठेवणे गरजेचे आहे, राज्य उत्पादन शुल्क विभाग झोपी गेला आहे त्यांना जागे करण्याचे काम आम्ही करू, मात्र नागरिकांनी या बाबत सतर्क राहून पोलीस प्रशासनाला या वाहतूकीची माहिती देणे गरजेचे आहे असे आमचे मत आहे, प्रत्येक गोष्ट दुसऱ्यावर अवलंबून न राहता प्रत्येक नागरिकाने आपले हे कर्तव्य असे समजून उठाव केला तर दारूबंदी व्हायला वेळ लागणारे असे आमचे ठाम मत आहे. त्यामुळे गेंड्याची कातडी असलेल्या अधिकाऱ्यांचे कडून कोणतीही अपेक्षा न ठेवता गावागावा सुरक्षा रक्षक दल तयार करून अशाप्रकारची चोरटी दारी वाहतूक कायम स्वरुपी बंद करावी अशी आमची मागणी आहे.