🛑सिंधुदुर्ग विकायला निघालेल्या जमीनसम्राटाच्या साम्राज्याची आता जयंत पाटील घेणार झाडाझडती!

*🛑सिंधुदुर्ग विकायला निघालेल्या जमीनसम्राटाच्या साम्राज्याची आता जयंत पाटील घेणार झाडाझडती!*

 

*🛑‘माझे कोणी वाकडे करू शकत नाही’ म्हणणाऱ्याच्या प्रकल्पांवर थेट आमदारांची नजर;*

 

*🛑सासोलीपासून कुडाळपर्यंतच्या जमीन व्यवहारांचा होणार पर्दाफाश?*

 

*🛑सत्ता कोणाचीही असो, जमिनींच्या व्यवहारांचा हिशेब द्यावाच लागेल!*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०४:-* सिंधुदुर्ग जिल्हा म्हणजे केवळ जमिनीचा तुकडा नाही, तर हा सह्याद्रीच्या कुशीत वसलेला, निसर्गसंपत्तीने नटलेला आणि समुद्रकिनाऱ्यांचा अनमोल ठेवा लाभलेला कोकणचा स्वाभिमान आहे. मात्र, याच स्वाभिमानाच्या भूमीवर काही धनदांडग्या जमीन दलालांनी आपल्या आर्थिक ताकदीच्या जोरावर जमिनींच्या व्यवहारांचे साम्राज्य उभे करण्याचा प्रयत्न चालविला असेल, तर त्याचा जाब विचारलाच पाहिजे!

आपला पारंपरिक व्यवसाय बाजूला ठेवून जमीन खरेदी-विक्रीच्या व्यवसायात उतरलेल्या एका बड्या इस्टेट एजंटाच्या सिंधुदुर्ग जिल्ह्यातील कथित जमीन व्यवहारांची सध्या जोरदार चर्चा सुरू आहे. दिल्ली, हरियाणा आदी परराज्यांतील गुंतवणूकदारांना सिंधुदुर्गच्या जमिनींची विक्री, स्थानिकांच्या जमिनींचे व्यवहार, सामायिक जमिनींचे हस्तांतरण आणि सासोलीसारख्या गावांमध्ये उभे राहणारे भव्य प्रकल्प या सगळ्या बाबी आता केवळ गावपातळीवरील चर्चेपुरत्या मर्यादित राहिलेल्या नाहीत. या प्रकरणाने थेट राज्याच्या राजकारणाचे आणि प्रशासनाचे लक्ष वेधले आहे.

सिंधुदुर्गातील सह्याद्रीचा पट्टा, निसर्गरम्य गावे आणि समुद्रकिनारे हे कोणाच्या वैयक्तिक मालकीचे साम्राज्य नाही. स्थानिक शेतकऱ्यांच्या पिढ्यान्‌पिढ्यांच्या कष्टातून उभ्या राहिलेल्या जमिनी कवडीमोल दराने विकत घेऊन पुढे त्याच जमिनी कोट्यवधी रुपयांच्या व्यवहारात गेल्या असतील, तर त्या व्यवहारांचा तपशील जनतेसमोर आला पाहिजे. जमिनींच्या खरेदी-विक्रीत कायदेशीर प्रक्रिया पाळली गेली का? सामायिक जमिनींचे व्यवहार कसे झाले? सर्व संबंधित जमीनधारकांची संमती होती का? परवानग्या नियमानुसार घेतल्या का? हे प्रश्न आज जिल्ह्यातील सामान्य माणसाला पडले आहेत.

*ग्रामस्थांच्या आवाजाला अखेर विधानसभेचे बळ!*

या कथित जमीन व्यवहारांविरोधात स्थानिक ग्रामस्थ, सामाजिक संस्था आणि पर्यावरणप्रेमींनी आवाज उठविण्यास सुरुवात केली. मात्र, सुरुवातीपासूनच या विषयाला केवळ स्थानिक वाद म्हणून न पाहता कोकणच्या जमिनी, शेतकरी आणि पर्यावरणाच्या अस्तित्वाचा प्रश्न म्हणून कोकण लाईव्ह ब्रेकिंग न्यूज चॅनलने आपल्या संपादकीय लेखनातून आणि व्हिडिओंच्या माध्यमातून सातत्याने वाचा फोडली.

या लढ्याची दखल घेत राष्ट्रवादी काँग्रेसचे ज्येष्ठ नेते आणि आमदार जयंत पाटील यांनी विधानसभेत हा प्रश्न उपस्थित केला. त्यानंतर महसूल मंत्री चंद्रशेखर बावनकुळे यांच्यावरही या प्रकरणाची चौकशी करण्याची वेळ आली. शासनाने चौकशी समिती गठित केली आणि समितीने आपला अहवाल शासनाकडे सादर केल्याची माहिती समोर आली आहे.

म्हणजेच, गावागावांतून उठलेला आवाज आता मंत्रालयापर्यंत पोहोचला आहे. हा स्थानिक ग्रामस्थांच्या एकजुटीचा आणि सातत्याने आवाज उठविणाऱ्या माध्यमांच्या पाठपुराव्याचा परिणाम आहे.

*आता जयंत पाटील थेट सासोलीच्या मैदानात!*

या संपूर्ण प्रकरणाला आता आणखी एक महत्त्वपूर्ण वळण मिळणार आहे. आमदार जयंत पाटील हे ४ आणि ५ नोव्हेंबर २०२६ रोजी सिंधुदुर्ग जिल्ह्याच्या दौऱ्यावर येत असून, ५ नोव्हेंबर रोजी त्यांच्या दौऱ्यात कुडाळ आणि दोडामार्ग तालुक्यातील महत्त्वाच्या ठिकाणांचा समावेश आहे.दौऱ्याच्या नियोजित कार्यक्रमानुसार सकाळी कुडाळ येथे पत्रकार परिषद होणार असून, त्यानंतर दुपारी सासोली येथे प्रत्यक्ष प्रकल्पस्थळाची पाहणी केली जाणार आहे.ही पाहणी केवळ एखाद्या प्रकल्पाला दिलेली भेट नसेल, तर स्थानिक ग्रामस्थांनी उपस्थित केलेल्या प्रश्नांची प्रत्यक्ष जागेवर जाऊन माहिती घेण्याची महत्त्वपूर्ण संधी असेल. कागदावर दाखविलेली जमीन आणि प्रत्यक्ष जमिनीवरील वस्तुस्थिती यामध्ये काही तफावत आहे का? सामायिक जमिनींच्या व्यवहारात कोणते नियम पाळले गेले? स्थानिक शेतकऱ्यांच्या तक्रारींमध्ये तथ्य आहे का? प्रकल्पाच्या परवानग्या आणि जमिनींचे हस्तांतरण नियमानुसार झाले आहे का? या प्रश्नांची उत्तरे आता शोधली गेली पाहिजेत.

विशेष म्हणजे, जयंत पाटील यांना या पाहणीतून मिळणारी प्रत्यक्ष माहिती आगामी ,हिवाळी अधिवेशनात मांडण्याची संधी मिळणार आहे. त्यामुळे या दौऱ्याकडे संपूर्ण जिल्ह्याचे लक्ष लागले आहे.

*‘माझे कोणी काही वाकडे करू शकत नाही’ हा माज की कायद्यापेक्षा मोठे असल्याचा गैरसमज?*

सिंधुदुर्गात राजकीय सत्तेच्या जवळीकतेचा फायदा घेऊन काहीजण आपले आर्थिक व्यवहार सुरक्षित असल्याचा आविर्भाव निर्माण करतात, अशी ग्रामस्थांची भावना आहे. सत्तेत कोण आहे, कोणाचा आशीर्वाद आहे आणि कोणाच्या पाठबळावर व्यवहार सुरू आहेत, यापेक्षा महत्त्वाचा प्रश्न म्हणजे कायद्याचे पालन झाले आहे की नाही?

कारण पैसा मोठा असू शकतो, राजकीय संबंध प्रभावशाली असू शकतात, प्रशासनातील ओळखी उपयोगी पडू शकतात; पण लोकशाहीत कायद्यापेक्षा कोणीही मोठे नाही!

स्थानिकांच्या तक्रारींकडे दुर्लक्ष करून, त्यांचा आवाज दाबून किंवा दबावाचे वातावरण निर्माण करून जमिनींचे व्यवहार होत असल्याचा आरोप असेल, तर त्याची स्वतंत्र आणि निष्पक्ष चौकशी झालीच पाहिजे. कोणत्याही व्यक्तीला दोषी ठरविण्यापूर्वी पुरावे तपासणे आवश्यक आहे; पण कोणताही धनदांडगा माणूस चौकशीच्या कक्षेबाहेर राहता कामा नये, हेही तितकेच खरे!

*कोकण विक्रीसाठी नाही; कोकणच्या मातीचा सौदा होऊ देणार नाही!*

आज प्रश्न केवळ सासोली गावाचा नाही. हा प्रश्न दोडामार्ग, कुडाळ, सावंतवाडी, वेंगुर्ला, मालवण आणि संपूर्ण सिंधुदुर्ग जिल्ह्याच्या भवितव्याचा आहे. आज एका गावातील जमीन व्यवहारांकडे दुर्लक्ष केले, तर उद्या दुसऱ्या गावातील डोंगर, जंगल, शेती आणि समुद्रकिनारेही अशाच व्यवहारांच्या विळख्यात सापडू शकतात.पर्यटनाच्या नावाखाली विकासाचे गोंडस चित्र दाखवून स्थानिकांच्या जमिनींचे व्यवहार होत असतील, तर पर्यटन कोणासाठी आणि विकास कोणाचा, हा प्रश्न विचारण्याची वेळ आली आहे. कोकणात प्रकल्प उभे राहावेत, रोजगार निर्माण व्हावा, उद्योग यावेत, याला कोणाचाही विरोध असण्याचे कारण नाही. मात्र, विकासाच्या नावाखाली स्थानिक शेतकरी भूमिहीन होणार असतील, पर्यावरणाची हानी होणार असेल आणि जमिनींच्या व्यवहारात नियमांना हरताळ फासला जाणार असेल, तर अशा विकासाला विरोध झालाच पाहिजे.

*आता दूध का दूध, पाणी का पाणी होऊ द्या!*

कोकण लाईव्ह ब्रेकिंग न्यूज चॅनलचे संपादक सीताराम गावडे यांनी महसूल मंत्री चंद्रशेखर बावनकुळे यांच्यासमोरही या प्रकरणातील शेतकऱ्यांच्या तक्रारी, जमीन व्यवहारांचे स्वरूप आणि उपस्थित झालेल्या गंभीर प्रश्नांकडे लक्ष वेधले होते. शेतकऱ्यांच्या जमिनी कोणत्या परिस्थितीत हस्तांतरित झाल्या, सामायिक जमिनींचे व्यवहार कसे झाले आणि या व्यवहारांमध्ये कायदेशीर त्रुटी आहेत का, याची सखोल चौकशी व्हावी, अशी भूमिका सातत्याने मांडण्यात आली आहे.

आता जयंत पाटील यांच्या प्रत्यक्ष पाहणीमुळे या विषयाला नवे राजकीय आणि प्रशासकीय बळ मिळण्याची शक्यता आहे. मात्र, केवळ पाहणी, पत्रकार परिषद आणि अधिवेशनातील भाषण एवढ्यावर हा विषय थांबता कामा नये. शासनाने चौकशी समितीच्या अहवालातील निष्कर्ष सार्वजनिक करावेत. दोष आढळल्यास संबंधितांवर कायदेशीर कारवाई करावी. शेतकऱ्यांची फसवणूक झाली असल्यास त्यांना न्याय मिळवून द्यावा आणि बेकायदेशीर व्यवहारांना संरक्षण देणाऱ्यांचीही जबाबदारी निश्चित करावी.

कारण सिंधुदुर्गची माती ही कोणाच्या कोट्यवधींच्या संपत्तीचा आकडा वाढविण्यासाठी नाही. ती इथल्या शेतकऱ्यांच्या घामाची, पूर्वजांच्या कष्टाची आणि पुढच्या पिढ्यांच्या भविष्याची ठेव आहे.

एक गोष्ट मात्र निश्चित! राजकीय पाठबळ, पैशाची ताकद आणि प्रतिष्ठेचे पांढरे आवरण यापेक्षा सत्याची ताकद मोठी असते. आजवर गावकऱ्यांनी प्रश्न विचारले, माध्यमांनी आवाज उठविला, विधानसभेत प्रश्न पोहोचला आणि आता आमदार जयंत पाटील प्रत्यक्ष सासोलीत येत आहेत.

आता पाहायचे एवढेच की, या पाहणीतून नेमके काय समोर येते आणि शासन या प्रकरणात किती कठोर भूमिका घेते!

सिंधुदुर्ग विकण्याचा बाजार मांडणाऱ्यांनी एक गोष्ट लक्षात ठेवावी—कोकणची जमीन विकत घेता येईल, पण कोकणचा स्वाभिमान विकत घेता येणार नाही!

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_