🛑अंधारात ढकललेला सावंतवाडी विधानसभा मतदारसंघ! महावितरणच्या निष्क्रियतेचा शाप कधी संपणार?प्रशासनाच्या हलगर्जीपणामुळे पर्यटन,उद्योग आणि जनजीवन अंधारात;

*🛑अंधारात ढकललेला सावंतवाडी विधानसभा मतदारसंघ! महावितरणच्या निष्क्रियतेचा शाप कधी संपणार?प्रशासनाच्या हलगर्जीपणामुळे पर्यटन,उद्योग आणि जनजीवन अंधारात;*

 

*🛑लोकप्रतिनिधींनी आता निर्णायक लढा उभारण्याची वेळ आली!*

 

*🛑पर्यटन व्यावसायिकांसाठी स्वतंत्र यंत्रणा निर्माण करने काळाची गरज.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०८:-* सावंतवाडी, दोडामार्ग, वेंगुर्ला ,शिरोडा,आणि आंबोली चौकुळ हा परिसर केवळ सिंधुदुर्गचा नाही, तर संपूर्ण कोकणच्या पर्यटनाचा कणा आहे. सह्याद्रीच्या डोंगररांगा, धबधबे, हिरवागार निसर्ग आणि थंड हवामानामुळे हजारो पर्यटक दरवर्षी या भागाकडे आकर्षित होतात. शासनाच्या प्रत्येक व्यासपीठावर “पर्यटन वाढवा”, “स्वयंरोजगार निर्माण करा”, “ग्रामीण भाग आर्थिकदृष्ट्या सक्षम करा” अशा घोषणा दिल्या जातात. युवकांना कर्ज घ्या, हॉटेल उभारा, होमस्टे सुरू करा, रिसॉर्ट बांधा, असे आवाहन केले जाते. परंतु ज्या विजेवर हा संपूर्ण व्यवसाय उभा आहे, तीच वीज सात-सात दिवस गायब होत असेल, तर या घोषणा म्हणजे जनतेची थट्टा नाही तर काय?

आंबोली, चौकुळ आणि परिसरात सलग अनेक दिवस वीजपुरवठा खंडित राहतो. देशभरातून आलेले पर्यटक अंधारात बसतात. हॉटेलमधील फ्रीज बंद पडतात, लाखो रुपयांचे अन्नसाहित्य खराब होते, मासे कुजतात, आईस्क्रीम वितळते, ऑनलाइन बुकिंग रद्द होतात आणि पर्यटक पुन्हा कधीच न येण्याचा निर्णय घेतात. एका बाजूला पर्यटन विकासाच्या घोषणा आणि दुसऱ्या बाजूला विजेच्या अभावामुळे उद्ध्वस्त होणारा पर्यटन व्यवसाय—हा विरोधाभास प्रशासनाचा आणि लोकप्रतिनिधींच्या अपयशाचा जिवंत पुरावा आहे.

महावितरण दरवर्षी पावसाळ्यापूर्वी कोट्यवधी रुपयांच्या देखभालीचे दावे करते. झाडांच्या फांद्या छाटल्या, तारा तपासल्या, यंत्रणा सज्ज असल्याचे सांगितले जाते. मग पहिलाच मुसळधार पाऊस पडताच संपूर्ण यंत्रणा कोसळते कशी? जर देखभाल झाली असेल, तर वारंवार खंडित होणाऱ्या वीजपुरवठ्याची जबाबदारी कोण स्वीकारणार? आणि जर देखभाल झाली नसेल, तर जनतेच्या पैशांचा हिशोब कोण देणार? हा प्रश्न आता जनतेने थेट विचारण्याची वेळ आली आहे.

दर आठवड्याला “मेंटेनन्स”च्या नावाखाली तासन्‌तास वीज बंद ठेवली जाते. पण त्यानंतरही परिस्थिती ‘जैसे थे’च राहते. म्हणजे हे मेंटेनन्स नेमके कशासाठी? कागदावर अहवाल तयार करण्यासाठी, की प्रत्यक्ष काम करण्यासाठी? जनतेला आता आश्वासनांची नाही, तर परिणामांची गरज आहे.या अकार्यक्षम व्यवस्थेचा सर्वाधिक फटका ग्रामीण भागाला बसत आहे. अनेक गावे दहा-दहा, पंधरा-पंधरा दिवस अंधारात राहतात. विद्यार्थ्यांचे ऑनलाइन शिक्षण ठप्प होते. शेतकऱ्यांच्या पंपांना वीज नसते. दुकानदारांचा व्यवसाय बंद पडतो. इंटरनेट सेवा विस्कळीत होते. मोबाईल नेटवर्क बंद पडते. आजच्या डिजिटल युगात वीज हा चैनीचा विषय नाही, तर प्रत्येक नागरिकाचा मूलभूत अधिकार आहे. त्या अधिकाराची पायमल्ली होत असताना प्रशासन मात्र शांत बसले आहे.याहूनही संतापजनक बाब म्हणजे तक्रार करण्यासाठी नागरिक फोन करतात, पण अधिकारी फोन उचलत नाहीत. अनेकांचे मोबाईल बंद असतात. कार्यालयातील दूरध्वनी खंडित करून ठेवला जातो. नागरिकांनी कार्यालयात जाऊन जाब विचारला तर समाधानकारक उत्तर मिळत नाही. उलट सरकारी कामात अडथळा आणल्याचे गुन्हे दाखल करण्याची भाषा केली जाते. ही लोकसेवा आहे की लोकशाहीवर चाललेली दडपशाही?

या संपूर्ण व्यवस्थेत जर कोणी खऱ्या अर्थाने संघर्ष करत असेल, तर ते कंत्राटी कर्मचारी आहेत. अपुरे मनुष्यबळ, जुनी साधने, जीव धोक्यात घालून ते दुर्गम भागात काम करतात. त्यांच्या कष्टाबद्दल कुणालाही शंका नाही. मात्र संपूर्ण व्यवस्थाच अपुरी असेल, तर केवळ कंत्राटी कर्मचाऱ्यांवर दोष टाकून वरिष्ठ अधिकारी हात झटकू शकत नाहीत. निर्णय घेण्याची जबाबदारी अभियंते आणि वरिष्ठ अधिकाऱ्यांची आहे. त्यांनी वातानुकूलित कार्यालयात बसून अहवाल लिहिण्यापेक्षा प्रत्यक्ष दुर्गम भागात जाऊन वास्तव पाहावे.

या प्रश्नावर कुडाळ-मालवणचे आमदार निलेश राणे यांनी प्रत्येक वेळी विधानसभेत आवाज उठवला त्या खात्याचे मंत्री थातूर मातूर उत्तरे देऊन वेळ मारून नेतात व सभागृहा बरोबर जनतेची दिशाभूल करतात. आता विधानसभेत प्रश्न मांडून उपयोग नाही. प्रशासनाला जबाबदार धरणे, दोषी अधिकाऱ्यांवर कारवाई करणे, रिक्त पदे भरणे, अतिरिक्त मनुष्यबळ उपलब्ध करून देणे आणि पर्यटन क्षेत्रासाठी स्वतंत्र आपत्कालीन यंत्रणा उभी करणे ही आता शासनाची जबाबदारी आहे. अधिकारी जर लोकप्रतिनिधींचेही ऐकत नसतील, तर त्या अधिकाऱ्यांवर कठोर प्रशासकीय कारवाई झालीच पाहिजे.

सावंतवाडी विधानसभा मतदारसंघातील सर्वच लोकप्रतिनिधींनी आता पक्षीय राजकारण बाजूला ठेवून जनतेच्या प्रश्नासाठी एकत्र येण्याची गरज आहे. विजेचा प्रश्न हा कोणत्याही पक्षाचा नाही; तो प्रत्येक घराचा, प्रत्येक शेतकऱ्याचा, प्रत्येक विद्यार्थ्याचा आणि प्रत्येक उद्योजकाचा आहे. निवडणुकांच्या काळात जनतेसमोर हात जोडणारे नेते आज अंधारात बसलेल्या नागरिकांच्या दारात का दिसत नाहीत? जनतेने निवडून दिलेले प्रतिनिधी हे केवळ उद्घाटनासाठी नसतात; संकटाच्या काळात प्रशासनाला जाब विचारण्यासाठीही असतात.

महावितरणनेही आत्मपरीक्षण करण्याची वेळ आली आहे. वीजबिल भरण्यास एक दिवस उशीर झाला की मीटर तोडण्यासाठी धावणारी यंत्रणा, सात दिवस वीज नसलेल्या गावांना न्याय देण्यासाठी तितकीच तत्पर का नसते? ग्राहक हा फक्त महसूल देणारा नाही; तो या व्यवस्थेचा केंद्रबिंदू आहे. सेवा देणे ही महावितरणची कायदेशीर आणि नैतिक जबाबदारी आहे.

एप्रिल-मे महिन्यातच झाडांच्या फांद्या छाटणे, जीर्ण तारा बदलणे, अतिरिक्त ट्रान्सफॉर्मर उपलब्ध ठेवणे, रिक्त पदे भरणे, आपत्कालीन पथके तयार ठेवणे आणि पर्यटन क्षेत्रासाठी स्वतंत्र विद्युत आराखडा तयार करणे आवश्यक होते. आपत्ती आल्यानंतर बैठका घेऊन छायाचित्रे प्रसिद्ध करण्यात काहीच अर्थ नसतो.

आता सावंतवाडी मतदारसंघातील जनता शांत बसणारी नाही. दरवर्षी तोच अंधार, तीच कारणे आणि तीच निष्क्रियता सहन करण्याची मर्यादा संपली आहे. प्रशासनाने तातडीने ठोस कृती केली नाही, तर जनतेचा रोष रस्त्यावर उतरल्याशिवाय राहणार नाही. लोकशाहीत जनता हीच अंतिम मालक असते आणि तिच्या सहनशीलतेची परीक्षा वारंवार घेणाऱ्या निष्क्रिय यंत्रणेला उत्तर द्यावेच लागेल.

वीज ही सुविधा नाही; ती जीवनरेषा आहे. त्या जीवनरेषेशी खेळ करणाऱ्या निष्क्रिय प्रशासनाला आता जबाबदारीच्या कठघऱ्यात उभे करण्याची वेळ आली आहे. अन्यथा ‘पर्यटन विकास’, ‘स्वयंरोजगार’ आणि ‘ग्रामीण विकास’ या घोषणा फक्त कागदावरच राहतील, तर सावंतवाडी विधानसभा मतदारसंघ अंधाराच्या विळख्यातच अडकून राहील. जनतेला आता आश्वासने नकोत—त्यांना अखंड वीज, उत्तरदायी प्रशासन आणि कृती हवी आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_