🛑नगरपालिकेतील ‘पाणी’ किती खोल आहे? आता तळ गाठूनच हिशोब करा!

*🛑नगरपालिकेतील ‘पाणी’ किती खोल आहे? आता तळ गाठूनच हिशोब करा!*

 

*🛑दप्तर गाळल्याप्रकरणी गुन्हा दाखल; मग प्रश्न एका जोडाऱ्याचा नाही,गेल्या पाच वर्षांच्या कारभाराचा!*

 

*🛑पाणीपुरवठ्यापासून आरोग्य विभागापर्यंतच्या गेल्या पाच वर्षांच्या फायली उघडा, प्रत्येक बिल तपासा आणि ‘खतपाणी’ घालणारे हात शोधा.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- ०७:-* सावंतवाडी नगरपरिषदेतील पाणीपुरवठा विभागाचा कथित भ्रष्टाचार आता केवळ आरोप-प्रत्यारोपांच्या पातळीवर राहिलेला नाही. दप्तर गहाळ प्रकरणी जोडारी भारत लाखे यांच्यावर फौजदारी गुन्हा दाखल झाला आहे. त्यामुळे या संपूर्ण प्रकरणाची गंभीरता निश्चितच वाढली आहे. आता प्रश्न आहे तो केवळ दप्तर कोणी गहाळ केले याचा नाही; त्या दप्तरात काय होते, काय लपवायचे होते आणि त्या मागे नेमके कोणाचे हितसंबंध होते? हा शोध घेण्याची वेळ आली आहे.आणि म्हणूनच आता ‘एका व्यक्तीवर कारवाई करून प्रकरण संपविण्याचा’ प्रयत्न झाला तर तो सावंतवाडीकरांच्या डोळ्यात धूळफेक ठरेल!

*दप्तर गेले कुठे? आणि त्यात दडले काय?*

जर दप्तर गहाळ प्रकार घडला असेल, तर त्या दप्तरातील नोंदी कोणत्या होत्या? त्यामध्ये खरेदीची बिले होती का? साहित्याची नोंद होती का? कामांची कागदपत्रे होती का? देयके, स्टॉक, मोजमाप, आदेश, मंजुरी यांचा तपशील होता का?ही कागदपत्रे गायब होणे हा केवळ प्रशासकीय निष्काळजीपणा आहे की एखाद्या मोठ्या आर्थिक गैरव्यवहाराचा धागा?याचे उत्तर चौकशीतून बाहेर आलेच पाहिजे.

भारत लाखे यांनी केलेल्या आरोपांची सत्यता तपासली पाहिजे. परंतु आरोप झाले म्हणूनच कोणी दोषी ठरतो असे नाही आणि गुन्हा दाखल झाला म्हणून अंतिम दोष सिद्ध झाला असेही नाही. पण गुन्हा दाखल झाल्यामुळे चौकशीची गरज मात्र आता अधिकच तीव्र झाली आहे.

फक्त सहा महिने का? मागील पाच वर्षांचा ‘एक्स-रे’ काढा!

गेल्या काही महिन्यांतील व्यवहार तपासून थांबणे म्हणजे आजारावर मलमपट्टी करण्यासारखे होईल.

*नगरपरिषदेतील मागील पाच वर्षांचा प्रशासकीय कालखंड तपासा!*

प्रशासकांच्या काळात पाणीपुरवठा विभागात किती कोटींची अथवा लाखोंची खरेदी झाली? किती निविदा काढल्या? कोणाला कामे दिली? कोणत्या वस्तू खरेदी झाल्या? त्या प्रत्यक्षात कुठे वापरल्या? किती साहित्य स्टॉकमध्ये दाखवले? प्रत्यक्ष साठा किती आहे? कोणत्या बिलांवर पैसे अदा झाले?फाईल एक आणि प्रत्यक्ष माल दुसरा, असे काही आहे का?हा प्रश्न विचारण्याची वेळ आली आहे.पाणीपुरवठा विभागातील पाइप, पंप, मोटारी, व्हॉल्व्ह, दुरुस्ती साहित्य, विद्युत साहित्य आणि इतर उपकरणांच्या खरेदीपासून दुरुस्तीच्या कामांपर्यंत प्रत्येक व्यवहाराची तपासणी झाली पाहिजे.कागदावरची खरेदी आणि जमिनीवरचा माल—दोन्ही जुळले पाहिजेत!*

*आरोग्य विभागालाही चौकशीच्या कक्षेत आणा!*

नगरपालिकेची अंतर्गत साफसफाई करायची असेल तर फक्त पाणीपुरवठा विभागाची फाईल उघडून चालणार नाही.

आरोग्य विभागातील गेल्या पाच वर्षांतील खरेदी तपासा.

घंटागाड्या, कचरा व्यवस्थापन, कचरा डेपो, कचरा वर्गीकरण, औषध खरेदी, लोखंड-पत्रा, गांडूळ खत, कंपोस्ट खत आणि त्याची विल्हेवाट किंवा विक्री—प्रत्येक व्यवहाराचा हिशोब तपासा!

किती खरेदी झाली?किती वापरली?कुठे वापरली?

कोणी वापरली?किती शिल्लक आहे?आणि सर्वात महत्त्वाचे—पैसा कुठून आला आणि कुठे गेला?या प्रश्नांची उत्तरे कागदावर नव्हे, तर प्रत्यक्ष पडताळणीतून मिळाली पाहिजेत.

*राजीनामा मागून प्रश्न संपणार नाही; ‘बोलावता धनी’ शोधा!*

विरोधी पक्षातील शिवसेना (शिंदे गट) आणि काँग्रेसच्या नगरसेवकांनी या प्रकरणाचा आवाज उठवला आहे. माजी नगराध्यक्ष तथा विद्यमान नगरसेवक संजू परब यांनी सभागृहात हा विषय सातत्याने मांडला असून पाणीपुरवठा सभापतींच्या राजीनाम्याची मागणीही केली आहे. बाबू कडतरकर यांनीही हा मुद्दा लावून धरला.पण स्पष्ट सांगायचे तर—

एका सभापतीच्या राजीनाम्याने पाणी स्वच्छ होणार नाही!

जर गैरव्यवहार झाला असेल तर त्याची साखळी शोधावी लागेल.

निर्णय कोणी घेतले?मंजुरी कोणी दिली?बिले कोणी तपासली?

देयके कोणी अदा केली?

साहित्य कोणी स्वीकारले?

स्टॉक कोणी सांभाळला?

आणि या संपूर्ण व्यवस्थेवर देखरेख कोणाची होती?या प्रश्नांची उत्तरे मिळाली तरच या प्रकरणाचा खरा चेहरा समोर येईल.

*‘म्हातारी मेल्याचे दुःख नाही; काळ सोकावतोय!’*

आजचा खरा धोका एका दप्तराचा नाही. जर नगरपालिकेतील यंत्रणेत गैरप्रकारांना खतपाणी मिळत असेल आणि त्यावर वेळेत लगाम घातला जात नसेल, तर उद्या कोणताही विभाग त्यापासून सुरक्षित राहणार नाही.

म्हणूनच ही वेळ राजकीय आरोप-प्रत्यारोपांची नाही; नगरपालिकेच्या अंतर्गत स्वच्छतेची आहे.सावंतवाडी ही संस्थानकालीन वारसा लाभलेली नगरी. बापूसाहेब महाराजांनी उभारलेल्या या नगरपरिषदेची प्रतिमा जनतेच्या मनात आदराची आहे. अशा संस्थेच्या कारभारावर भ्रष्टाचाराच्या आरोपांचे सावट येणे ही सावंतवाडीकरांसाठी नक्कीच वेदनादायक बाब आहे.

*‘स्वच्छ सावंतवाडी’चा नारा देताना नगरपालिका स्वच्छ आहे का?*

‘स्वच्छ आणि सुंदर सावंतवाडी’ ही ओळख अभिमानाने मिरवायची असेल तर नगरपालिका प्रशासनातील प्रत्येक आर्थिक व्यवहारही तितकाच स्वच्छ असला पाहिजे.स्वच्छता फक्त रस्त्यांची नको; फायलींचीही झाली पाहिजे!

स्वच्छता फक्त कचरा डेपोची नको; व्यवहारांचीही झाली पाहिजे!

स्वच्छता फक्त शहराची नको; नगरपालिकेच्या कारभाराचीही झाली पाहिजे!आणि म्हणूनच आता स्वतंत्र, निष्पक्ष आणि सर्वंकष चौकशी झाली पाहिजे.

पालकमंत्री आणि आमदारांनी आता निर्णायक भूमिका घ्यावी!

जिल्ह्याचे पालकमंत्री नितेश राणे आणि सावंतवाडी विधानसभा मतदारसंघाचे आमदार दीपक केसरकर यांनी या प्रकरणाची गंभीरता लक्षात घेऊन आवश्यक ती पावले उचलावीत, अशी सावंतवाडीकरांची अपेक्षा आहे.

राजकीय व्यक्ती कितीही मोठी असो, अधिकारी कितीही मोठा असो किंवा कर्मचारी कितीही लहान असो—चौकशीच्या कायद्यापुढे सगळे समान असले पाहिजेत!दोषी असेल तर कारवाई झाली पाहिजे.दोषी नसेल तर त्याच्यावरचा संशयही दूर झाला पाहिजे.

पण चौकशीच झाली नाही, तर संशयाचे ढग कायम राहणार!

आता ‘दूध का दूध, पाणी का पाणी’ झालेच पाहिजे!

सावंतवाडीकरांच्या पैशातून उभी राहिलेली नगरपरिषद ही कोणाची खासगी मालमत्ता नाही. ती जनतेची संस्था आहे. त्यामुळे जनतेच्या पैशाचा एक-एक रुपया कुठे खर्च झाला, याचा हिशोब जनतेला मिळालाच पाहिजे.

दप्तर गाळल्याप्रकरणी गुन्हा दाखल झाला आहे. आता त्या गुन्ह्याची चौकशी होऊ द्या. त्याचबरोबर मागील पाच वर्षांच्या प्रशासकीय काळातील पाणीपुरवठा आणि आरोग्य विभागाचे व्यवहारही तपासा.

फाईल उघडा!बिले तपासा!

स्टॉक तपासा!साहित्य शोधा!

कामे प्रत्यक्ष पाहा!पैशाचा माग काढा!आणि शेवटी—या सगळ्या व्यवस्थेमागे नेमके कोण होते, ते जनतेसमोर आणा!

कारण—

‘दप्तर गहाळ’ हा शेवट नसून, नगरपालिकेच्या कारभारातील दडलेली पाने उघडण्याची ही सुरुवात आहे!आता चौकशी वरवरची नको; तळापर्यंत झाली पाहिजे.कारण प्रश्न फक्त पाण्याचा नाही—सावंतवाडीच्या विश्वासाचा आहे!

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_