११ ग्रामपंचायतींचा प्रभागनिहाय जागा आणि आरक्षण आराखडा जाहीर; कोलगांव सर्वाधिक १५ सदस्यांसह मोठी ग्रामपंचायत
११ ग्रामपंचायतींचा प्रभागनिहाय जागा आणि आरक्षण आराखडा जाहीर; कोलगांव सर्वाधिक १५ सदस्यांसह मोठी ग्रामपंचायत
सावंतवाडी:
स्थानिक स्वराज्य संस्थांच्या आगामी निवडणुकांच्या पार्श्वभूमीवर महत्त्वाच्या ११ ग्रामपंचायतींची प्रभाग रचना आणि प्रवर्गनिहाय जागांचा अधिकृत आरक्षण आराखडा प्रसिद्ध करण्यात आला आहे. यामध्ये एकूण प्रभाग, सदस्य संख्या आणि महिलांसाठी राखीव असलेल्या जागांची सविस्तर माहिती प्रशासनाने जाहीर केली आहे.
या जाहीर झालेल्या आराखड्यानुसार कोलगांव ग्रामपंचायत सर्वाधिक ५ प्रभाग आणि १५ सदस्य संख्येसह सर्वात मोठी ठरली आहे, तर दांडेली आणि आरोस (३ प्रभाग असलेली) या ग्रामपंचायती सर्वात लहान (७ सदस्य) आहेत.
ग्रामपंचायतनिहाय सविस्तर आकडेवारी खालीलप्रमाणे:
१. आरोंदा (प्रभाग ४): एकूण ११ सदस्य जागा. नागरिकांचा मागास प्रवर्ग (OBC) २, सर्वसाधारण ९ जागा. महिलांसाठी एकूण ६ जागा राखीव (OBC १, सर्वसाधारण ५).
२. डिंगणे (प्रभाग ३): एकूण ९ सदस्य जागा. अनुसूचित जाती (SC) १, OBC २, सर्वसाधारण ६ जागा. महिलांसाठी एकूण ५ जागा राखीव (SC १, OBC १, सर्वसाधारण ३).
३. आंबोली (प्रभाग ४): एकूण ११ सदस्य जागा. अनुसूचित जाती (SC) १, OBC २, सर्वसाधारण ८ जागा. महिलांसाठी एकूण ६ जागा राखीव (SC १, OBC १, सर्वसाधारण ४).
४. तळवडे (प्रभाग ५): एकूण १३ सदस्य जागा. अनुसूचित जाती (SC) १, OBC ३, सर्वसाधारण ९ जागा. महिलांसाठी एकूण ७ जागा राखीव (SC १, OBC २, सर्वसाधारण ४).
५. दांडेली (प्रभाग ३): एकूण ७ सदस्य जागा. OBC १, सर्वसाधारण ६ जागा. महिलांसाठी एकूण ४ जागा राखीव (सर्वसाधारण ४).
६. चौकुळ (प्रभाग ४): एकूण ११ सदस्य जागा. अनुसूचित जाती (SC) १, OBC २, सर्वसाधारण ८ जागा. महिलांसाठी एकूण ६ जागा राखीव (SC १, OBC १, सर्वसाधारण ४).
७. इन्सुली (प्रभाग ४): एकूण ११ सदस्य जागा. OBC २, सर्वसाधारण ९ जागा. महिलांसाठी एकूण ६ जागा राखीव (OBC १, सर्वसाधारण ५).
८. मळेवाड -कोंडुरे (प्रभाग ४): एकूण ११ सदस्य जागा. अनुसूचित जाती (SC) १, OBC २, सर्वसाधारण ८ जागा. महिलांसाठी एकूण ६ जागा राखीव (SC १, OBC १, सर्वसाधारण ४).
९. आरोस (प्रभाग ३): एकूण ७ सदस्य जागा. OBC १, सर्वसाधारण ६ जागा. महिलांसाठी एकूण ४ जागा राखीव (OBC १, सर्वसाधारण ३).
१०. मळगाव (प्रभाग ५): एकूण १३ सदस्य जागा. OBC ३, सर्वसाधारण १० जागा. महिलांसाठी एकूण ७ जागा राखीव (OBC २, सर्वसाधारण ५).
११. कोलगाव (प्रभाग ५): एकूण १५ सदस्य जागा. अनुसूचित जाती (SC) १, OBC ४, सर्वसाधारण १० जागा. महिलांसाठी एकूण ८ जागा राखीव (SC १, OBC २, सर्वसाधारण ५).
महिला आरक्षणाचा वरचश्मा
या संपूर्ण आरक्षण आराखड्याचे मुख्य वैशिष्ट्य म्हणजे सर्वच ११ ग्रामपंचायतींमध्ये महिलांना ५० टक्क्यांहून अधिक जागांवर प्रतिनिधित्व मिळाले आहे. १५ सदस्यांच्या कोलगावमध्ये ८ महिला सदस्य असतील, तर १३ सदस्यांच्या तळवडे व मळगावमध्ये प्रत्येकी ७ जागा महिलांसाठी राखीव ठेवण्यात आल्या आहेत. तसेच दांडेली आणि आरोस या लहान ग्रामपंचायतींमध्ये ७ पैकी ४ जागांवर महिलांना संधी मिळणार आहे.