🛑मोबाईल,इंस्टाग्राम,फेसबुक “रीलच्या जगात हरवलेले जीव.

*🛑मोबाईल,इंस्टाग्राम,फेसबुक “रीलच्या जगात हरवलेले जीव.*

 

*🛑”सावंतवाडीतील आत्महत्यांचा थरकाप उडवणारा आरसा!”*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०९:-* सावंतवाडी हादरली आहे… आणि केवळ एका घटनेने नव्हे, तर सलग घडणाऱ्या आत्महत्यांच्या मालिकेने. आज पुन्हा एका १७ वर्षीय मुलीने आयुष्य संपवलं. महिनाभरात ही सिंधुदुर्ग जिल्ह्यातील अकरावी आत्महत्या! हा केवळ आकडा नाही… ही समाजाच्या विवेकाला जागवणारी भीषण घंटा आहे.

प्रश्न एकच — आपली तरुण पिढी नेमकी कुठे चालली आहे?आजची पिढी “मोबाईलच्या स्क्रीन”मध्ये अडकून पडली आहे. सकाळपासून रात्रीपर्यंत हातात फोन, डोळ्यांसमोर रील्स, आणि मनात आभासी जग. इंस्टाग्रामवर पोस्ट, फेसबुकवर लाईक्स, फॉलोअर्सचा आकडा… यालाच यशाचं मापदंड मानणारी ही पिढी वास्तवापासून दूर जात आहे.पण या चमकदार पडद्यामागे किती काळोख दडलेला आहे, हे आपण पाहतो आहोत का?

आज एका मुलीने आत्महत्या केली… कारण काय? प्रेमभंग, अभ्यासाचा ताण, मोबाईलची नशा, की मानसिक एकटेपणा? कारण काहीही असो, शेवट एकच — मृत्यू!आणि प्रत्येक मृत्यू मागे एक प्रश्न उभा राहतो — आपण कुठे चुकतोय?मोबाईल हा साधन आहे, पण तोच आज “व्यसन” बनला आहे.

रील्स पाहताना दुसऱ्यांचे सुख, दुसऱ्यांचे दिखावे, महागड्या गाड्या, ब्रँडेड कपडे… हे सगळं पाहून आपल्या जीवनाशी तुलना सुरू होते.

“आपल्याकडे का नाही?”“आपण कमी का?”ही न्यूनगंडाची बीजं नकळत मनात पेरली जातात.

आज मुलं आई-वडिलांकडे महागड्या मोबाईलची मागणी करतात. ती पूर्ण झाली नाही तर राग, नैराश्य, आणि शेवटी टोकाचं पाऊल.

बुलेट गाडी, फटफटीचा आवाज, स्टाईल, दिखावा… या गोष्टींमध्येच आयुष्याचं समाधान शोधलं जातं.

पालकसुद्धा भीतीपोटी, “मुलाने काहीतरी करून घेऊ नये” म्हणून कर्ज काढून, स्वतःला गहाण ठेवून या गोष्टी देतात.

पण प्रश्न आहे — आपण मुलांना वस्तू देतोय, की मूल्यं?

एकेकाळी एकत्र कुटुंब पद्धती होती. आजी-आजोबा होते, त्यांचे अनुभव होते, गोष्टी होत्या, संस्कार होते.

आज ते सगळं हरवत चाललं आहे.

घरात चार माणसं असूनही संवाद नाही. प्रत्येक जण आपल्या

मोबाईलमध्ये व्यस्त.आई-वडील कामात, मुलं स्क्रीनमध्ये…संवाद संपला की नातं संपतं… आणि नातं संपलं की माणूस एकटा पडतो.

हा एकटेपणा अत्यंत घातक आहे.

सोशल मीडियावर हजारो “फ्रेंड्स” असले तरी संकटात एकही खरा मित्र पुढे येत नाही.लाईक्स मिळतात, पण आधार मिळत नाही.कॉमेंट्स येतात, पण समजून घेणारा कोणी नसतो.

एकुलता एक मुलगा किंवा मुलगी… ही सुद्धा आजची मोठी शोकांतिका ठरते आहे.

त्या एकाच लेकरावर आई-वडिलांची सर्व स्वप्नं, अपेक्षा, प्रेम… सगळं केंद्रित होतं.पण जर तोच जीव गेला, तर आई-वडिलांच्या आयुष्याचा आधारच निघून जातो.

ते उरतात फक्त आठवणी आणि आयुष्यभराची वेदना घेऊन.

मग याला जबाबदार कोण?

मोबाईल?सोशल मीडिया?

पालक?की समाज?खरं पाहिलं तर, जबाबदारी सगळ्यांची आहे.

पालकांनी मुलांना फक्त वस्तू देऊ नयेत, तर वेळ द्यावा.त्यांच्या मनात काय चाललंय, ते समजून घ्यावं.

“तुला काय हवं?” एवढंच विचारू नये, तर “तू ठीक आहेस ना?” हा प्रश्न विचारावा.शाळा आणि महाविद्यालयांनी फक्त अभ्यासावर भर न देता, विद्यार्थ्यांच्या मानसिक आरोग्यावर लक्ष द्यावं.समुपदेशनाची गरज आज अत्यंत महत्त्वाची आहे.

समाजानेसुद्धा बदलायला हवं.

यशाचं मोजमाप पैशात, गाड्यांमध्ये, किंवा सोशल मीडियाच्या

फॉलोअर्समध्ये करू नये.

तर माणूसपण, संवेदनशीलता आणि मानसिक स्वास्थ्य यांना महत्त्व द्यायला हवं.आणि सर्वात महत्त्वाचं तरुणांनी स्वतःला ओळखायला हवं.

जीवन हे इंस्टाग्रामची स्टोरी नाही, की २४ तासांत संपून जाईल.ते एक प्रवास आहे… चढ-उतारांनी भरलेला.

अपयश आलं, दुःख आलं, तर त्यातून मार्ग काढायचा असतो… शेवट नाही करायचा.

आज सावंतवाडीतील या सलग आत्महत्या केवळ घटना नाहीत, तर एक इशारा आहेत.

जर आपण अजूनही जागे झालो नाही, तर उद्या हा आकडा वाढतच जाईल… आणि आपण फक्त मोजत राहू — “आज कितवी आत्महत्या?”

वेळ अजून गेलेली नाही.संवाद सुरू करा.मुलांना समजून घ्या.त्यांना आधार द्या.कारण एक जीव वाचवणं म्हणजे एक संपूर्ण कुटुंब वाचवणं आहे…आणि आज याचीच सर्वात जास्त गरज आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_