🛑 स्वराज्य भूमीत ‘दिल्ली लॉबी’चा शिरकाव, भविष्यासाठी धोक्याची घंटा.

*🛑 स्वराज्य भूमीत ‘दिल्ली लॉबी’चा शिरकाव, भविष्यासाठी धोक्याची घंटा.*

 

*🛑 स्थानिक शेतकरी होणार भूमिहीन,परप्रांतीय होणार स्थानिकांच्या जमिनीचे मालक.*

 

*🛑 स्वराज्य निर्माण करण्याऱ्यांसाठी तरी परप्रांतियांना जमिनी विकणे थांबवा.*

 

*🎥 KOKAN LIVE BREAKING ||NEWS CHANNEL*

 

*✍ शिवजयंतीपर विशेष लेख : प्रतिक राणे*

 

*🎴सिंधुदुर्ग, दि-१९:-* संपूर्ण महाराष्ट्रात छत्रपती शिवाजी महाराज यांची जयंती साजरी होत असताना, आपण एका गंभीर प्रश्नाला सामोरे जात आहोत.ज्या भूमीत स्वराज्य उभे राहिले, ज्या मातीत रयतेचे राज्य रुजले, तीच भूमी आज स्थानिकांच्या हातातून निसटत चालली आहे.छत्रपती शिवाजी महाराजांनी दिल्लीतील बादशाही सत्तेला आव्हान देत ‘रयतेचे राज्य’ ही संकल्पना प्रत्यक्षात आणली. त्यानंतर छत्रपती संभाजी महाराज यांनी ते स्वराज्य अधिक बळकट केले. स्वराज्य म्हणजे केवळ सत्ता नव्हे, तर स्वाभिमान, स्वत्व आणि आपल्या मातीतल्या माणसाचे हक्क यांची हमी. पण, आजच्या परिस्थितीकडे पाहिले, तर स्वराज्याच्या भूमीत परप्रांतातून येणाऱ्या धनाढ्यांसमोर स्थानिक शेतकरी आणि भूमिपुत्र अगतिक होताना दिसतो.

जिल्ह्यात, विशेषतः दोडामार्ग तालुक्यात मोठ्या प्रमाणावर बाहेरील गुंतवणूकदारांकडून जमिनी खरेदी केल्या जात आहेत.स्थानिक शेतकरी तात्पुरत्या आर्थिक गरजेसाठी किंवा आकर्षक मोबदल्याच्या आमिषाला बळी पडून आपली पिढ्यानपिढ्यांची जमीन विकत आहेत. याचे दूरगामी परिणाम काय असतील, याचा गांभीर्याने विचार होताना दिसत नाही. आज काही लाखांत विकलेली जमीन काही दिवसांनी रिसेल होत कोट्यवधींच्या व्यवहारात जाते. मूळ मालक मात्र कायमचा भूमिहीन होतो. त्याची जमीन कवडीमोलाने विकली गेलेली असते.जमीन विकल्यानंतर काही वर्षांतच स्थानिकांना आपल्या गावातच दुय्यम स्थान मिळू लागते, अशी उदाहरणे समोर येत आहेत. काही ठिकाणी जमिनीच्या हद्दी, रस्ते, पाण्याचे हक्क यांवरून वाद निर्माण होत असल्याचे सांगितले जाते. ही केवळ व्यक्तिगत प्रकरणे नसून सामाजिक असमतोल व आपणच ओढवून घेतलेल्या संघर्षाची बीजे आहेत.

गुंतवणूक आणि विकास याला कोणी विरोध करत नाही. रोजगार, पायाभूत सुविधा आणि बाजारपेठ यामुळे परिसर प्रगत होतो. परंतु विकासाच्या नावाखाली स्थानिकांना त्यांच्या हक्काच्या जमिनीत जाण्यासाठी अडथळे निर्माण होत असतील, तर तो विकास नव्हे,तो वर्चस्वाचा व दंडेलशाहीचा संकेत आहे. दोडामार्ग व साटेली-भेडशी परिसरात अशा तक्रारी समोर येत असतील, तर प्रशासनाने त्याची दखल घेणे गरजेचे आहे. कायद्याने प्रत्येक भूमिपुत्राला त्याचे मूलभूत हक्क आणि जगण्याचा नैसर्गिक अधिकार योग्यवेळी मिळायलाच हवा.

छत्रपती संभाजी महाराज यांनी स्वराज्य वाढवले, टिकविले. त्या परंपरेचा वारसा आपण घेतला आहे. स्वराज्य म्हणजे परप्रांतातून आलेल्यांविषयी द्वेष नव्हे , तर आपल्या हक्कांचे भान आणि संरक्षण होय. महाराष्ट्राची संस्कृती समन्वयाची आणि स्वाभिमानाचीही आहे.

शिवजयंतीच्या निमित्ताने केवळ मिरवणुका, घोषणाबाजी आणि अभिवादन पुरेसे नाही. खरी शिवभक्ती म्हणजे स्वराज्य रक्षकांनी घालून दिलेल्या मूल्यांचे जतन. जमीन विकणे हा प्रत्येकाचा वैयक्तिक अधिकार आहे.पण, त्या निर्णयाचे सामाजिक परिणामही तितकेच महत्त्वाचे आहेत.

आपल्या पुढच्या पिढीसाठी स्वाभिमानाची भूमी ठेवायची असेल,तर दूरदृष्टीने निर्णय घ्यावे लागतील. स्वराज्य म्हणजे स्वार्थ नव्हे,तर सामूहिक हित.

शेवटी शिवजयंतीचा खरा संकल्प,आपली माती,आपला हक्क आणि विकासात स्थानिकांना प्रथम प्राधान्य ‘ असाच असावा.हीच स्वराज्याला आणि स्वराज्य निर्मात्यांना खरी मानवंदना ठरेल.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_