🛑विकास आघाडी”चा खरा जनक कोण? सिंधुदुर्ग जिल्हा परिषदेत पडद्यामागचा दिग्दर्शक शोधात!

*🛑विकास आघाडी”चा खरा जनक कोण? सिंधुदुर्ग जिल्हा परिषदेत पडद्यामागचा दिग्दर्शक शोधात!*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्गनगरी, दि- १७:-* सिंधुदुर्ग जिल्हा परिषदेत सत्ताधारी भाजप–शिवसेना महायुतीच्या प्रचंड बहुमतासमोर उभी राहिलेली “सिंधुदुर्ग जिल्हा परिषद विकास आघाडी” ही केवळ नऊ सदस्यांची संघटना नसून, ती एका मोठ्या राजकीय डावाची सुरुवात असल्याची चर्चा रंगली आहे. प्रश्न एकच — या आघाडीचा खरा ‘जनक’ कोण?जिल्हा परिषद निवडणुकीत भारतीय जनता पक्ष आणि शिवसेना महायुतीने ५० पैकी ४१ जागांवर दणदणीत विजय मिळवला. ठाकरे गटाला केवळ तीन जागांवर समाधान मानावे लागले. मात्र सहा अपक्ष सदस्यांनी निकालानंतर घेतलेली भूमिका हेच सध्याच्या घडामोडींचं केंद्रबिंदू ठरलं आहे.

हे सहाही सदस्य मूळचे भाजपचे बंडखोर. पक्षातून सहा वर्षांसाठी हकालपट्टी झाल्यानंतरही त्यांनी विजय मिळवला. अपेक्षा होती की विजयाच्या बळावर त्यांना पुन्हा पक्षात सन्मानाने स्थान मिळेल. पण उलट त्यांनी शिवसेना (उद्धव बाळासाहेब ठाकरे) गटाशी हातमिळवणी करत स्वतंत्र “विकास आघाडी”ची घोषणा केली — आणि जिल्हा परिषदेत नवा राजकीय अंक सुरू झाला.

*नितीन राऊळ फक्त चेहरा, सूत्रधार दुसरा?*

इन्सुलीचे अपक्ष सदस्य नितीन राऊळ यांची सर्वसंमतीने गटनेतेपदी निवड झाली. मात्र राजकीय वर्तुळात चर्चा आहे की राऊळ हे फक्त पुढे केलेले चेहरा असून खरे सूत्र हलवणारे व्यक्तिमत्त्व वेगळेच आहे.

जिल्ह्यातील अनुभवी राजकीय रणनीतीकार, नाराज गट किंवा आगामी निवडणुकांचे गणित डोळ्यासमोर ठेवून काम करणारा एखादा ‘मास्टरमाईंड’ या आघाडीमागे असल्याची कुजबुज सुरू आहे.

*बहुमत ४१ विरुद्ध ९ — तरीही आघाडी का?*

संख्याबळ पाहता सत्ताधाऱ्यांचे वर्चस्व अबाधित आहे. अध्यक्ष, उपाध्यक्ष किंवा सभापती निवडीत कोणताही अडथळा नाही. मग नऊ सदस्यांनी वेगळी आघाडी स्थापन करण्यामागचा हेतू काय?

राजकीय विश्लेषकांचे मत स्पष्ट आहे ही केवळ सत्ता उलथवण्याची लढाई नाही; ही भविष्यातील सौदेबाजीची पायाभरणी आहे. समित्यांमध्ये प्रतिनिधित्व, निधी वाटपातील प्रभाव, स्थानिक स्तरावरील दबावगट निर्माण करणे आणि पुढील विधानसभा-लोकसभा समीकरणांसाठी ताकद दाखवणे — हा या आघाडीचा खरा उद्देश असू शकतो.

*भाजपमधील नाराजीचा ‘व्हेंटिलेशन’?*

काहींच्या मते, ही आघाडी म्हणजे भाजपमधील अंतर्गत नाराजीचे संघटित रूप आहे. बंडखोरांना बाहेर काढण्याचा निर्णय उलट पक्षालाच राजकीय आव्हान ठरत असल्याचे चित्र आहे.“दगडाखाली अडकलेले हात अलगद बाहेर काढण्याचा” प्रयत्न या माध्यमातून होत असल्याची चर्चाही रंगते आहे.

पडद्यामागचा दिग्दर्शक कोण?

सिंधुदुर्गच्या राजकारणात पूर्वीही अनेकदा पडद्यामागून सूत्र हलवण्याची परंपरा राहिली आहे. त्यामुळेच या आघाडीचा खरा जनक एखादा जिल्हास्तरीय दिग्गज, नाराज नेते की राज्यस्तरीय रणनीतीचा भाग याचा उलगडा होणे बाकी आहे.

सध्या तरी एक गोष्ट स्पष्ट आहे. —

४१ विरुद्ध ९ या संख्याबळात सत्ता निश्चित असली, तरी राजकीय अस्तित्व आणि दबावगट निर्माण करण्याच्या खेळात “विकास आघाडी”ने आपली चाल टाकली आहे.

सिंधुदुर्ग जिल्हा परिषदेत आता फक्त बहुमताचा अंक नाही, तर पडद्यामागच्या दिग्दर्शकाचा शोधही तितकाच महत्त्वाचा ठरणार आहे. पुढील काही महिन्यांतच या ‘मास्टरमाईंड’चा चेहरा समोर येणार की तो नामानिराळाच राहणार — याकडे संपूर्ण जिल्ह्याचे लक्ष लागले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_