🛑‘गणिताच्या प्रत्येक आकड्यात मी विद्यार्थ्यांचे भविष्य पाहिले’

*🛑‘गणिताच्या प्रत्येक आकड्यात मी विद्यार्थ्यांचे भविष्य पाहिले’*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १९:-* मी गणिताची शिक्षिका असल्याने गणिताच्या प्रत्येक आकड्यात मी विद्यार्थ्यांचे भविष्य पाहिले. प्रत्येक गणनेत मी त्यांचे यश मोजले. विद्यार्थी जेव्हा म्हणायचे ‘मॅडम मला गणित समजलं’, तेव्हा वाटायचं आजचा दिवस फळाला आला. शिक्षण संस्था जिने मला सेवेची संधी दिली, ती माझ्यासाठी देव ठरली आणि विद्यालय देवालय ठरले. या विद्यालयाच्या वास्तुने माझ्या घामाचे थेंब पाहिले आणि त्या थेंबाच्या सिंचनातून अनेक विद्यार्थी घडताना पाहिले. असे प्रतिपादन श्री जनता विद्यालय व कनिष्ठ महाविद्यालय तळवडेच्या ज्येष्ठ शिक्षिका सौ मीरा विलास नाईक यांनी केले.

तळवडे येथील शिक्षण प्रसारक मंडळ, तळवडे संचलित श्री जनता विद्यालय व कनिष्ठ महाविद्यालय, तळवडे येथील आपल्या सेवा निवृत्तीपर सन्मान सोहळ्या प्रसंगी सौ. मीरा विलास नाईक या सत्काराला उत्तर देताना बोलत होत्या. यावेळी व्यासपीठावर कार्यक्रमाचे अध्यक्ष तथा शिक्षण प्रसारक मंडळ, तळवडेचे खजिनदार डॉ. भालचंद्र कांडरकर, संचालक सुरेश गावडे, रविंद्र परब, प्रा.दिलीप गोडकर, संस्था सदस्य देवेश कावळे, मुख्याध्यापक प्रतापराव देसाई, पर्यवेक्षक दयानंद बांगर, पालक शिक्षक संघाचे उपाध्यक्ष उमेश पावणोजी, विद्यालयाच्या निवृत्त शिक्षिका सौ. अश्विनी कुलकर्णी, सौ रंजना सावंत, सेवानिवृत्त बँक अधिकारी विलास नाईक, मळेवाड विद्यालयाचे माजी मुख्याध्यापक जगदिश तिरपुडे माता पालक संघाच्या सदस्या सौ.संजना पेडणेकर, सौ गौरी फटनाईक आदी मान्यवर उपस्थित होते. कार्यक्रमाचे उद्घाटन डॉ. भालचंद्र कांडरकर यांच्या हस्ते श्री सरस्वती देवीच्या प्रतिमापूजनाने व दीप प्रज्वलनाने झाले.

यावेळी सौ. मीरा विलास नाईक यांचा उपस्थित मान्यवरांच्या हस्ते शाल, श्रीफळ, पुष्पगुच्छ, श्री सरस्वती देवीची मूर्ती व सन्मानपत्र देऊन सत्कार करण्यात आला. तसेच विलास नाईक यांचा शाल, श्रीफळ व पुष्पगुच्छ देऊन सत्कार करण्यात आला.

यावेळी बोलताना सौ नाईक पुढे म्हणाल्या आज मी या व्यासपीठावर उभी आहे. मनात एक गोड हूरहूर आहे. गेल्या पस्तीस वर्षांचा शिक्षिका म्हणून प्रवास आता संपला आहे. पण आठवणींचा खजिना मात्र आज नव्याने उघडला आहे. या वास्तूत मी पहिले पाऊल विद्यार्थिनी म्हणून ठवले आणि जाताना सेवानिवृत्त शिक्षिका म्हणून जात आहे याचा मला सार्थ अभिमान आहे. ११ जून १९९० मध्ये या शाळेत मी शिक्षि‌का म्हणून रुजू झाले. माझे स्वप्न शिक्षिकाच बनण्याचे होते. कारण माझे आजोबा एक आदर्श शिक्षक होते. तसेच वडील व आत्या शिक्षकच होत्या त्यामुळे आपणही शिक्षिका बनावे असे मी ठरविले होते. पण त्या काळात शिक्षक भरतीचे संपूर्ण अधिकार संस्थाचालकांकडे होते त्यावेळचे अध्यक्ष, संचालक मंडळ सदस्य तसेच तत्कालीन मुख्याध्यापक या सर्वांनी एकमताने माझी निवड केली. त्या सर्वांची मी शतशः आभारी आहे.

माझा शिक्षिका म्हणून प्रवास माझ्याच गुरुजनांच्या सहवासात सुरू झाला. त्यांचे मला आईवडीलांप्रमाणे प्रेम मिळाले, भरपूर मार्गदर्शन लाभले. माझा आवडता विषय गणित असल्याने मला लाभलेल्या सर्वच मुख्याध्यापकांनी माझ्यावर गणित अध्यापनाची जबाबदारी दिली. दरवर्षी मी माझ्यापरीने उत्तम निकाल देण्याचा प्रयत्न केला. माझ्या सहकारी शिक्षकांनी नेहमीच मला उत्तम सहकार्य केले. माझ्या सपूर्ण सेवा कालात सर्व शिक्षक, शिक्षकेतर कर्मचाऱ्यांची उत्तम साथ मला लाभली. आज सेवा संपते आहे, पण नाते नाही, नोकरी संपते, पण आपुलकी नाही. आज मी एक पाऊल मागे घेत आहे, पण या शाळेचा सुगंध माझ्या श्वासात कायम राहील.

यावेळी बोलताना मुख्याध्यापक श्री देसाई म्हणाले मीरा मॅडम यांच्याकडून मी काय शिकलो, हे जर सांगायचे झाले तर गेल्या अनेक वर्षाच्या सेवा कलावधीत मॅडम ना मी एकही दिवस बसून शिकवताना पाहिलेले नाही. एक शिक्षक म्हणून आणि एक प्रशासक म्हणून माझं असं मत आहे जो आपल्या विषयात तज्ञ असतो त्याला कधीही वर्गात बसण्याची वेळ येत नाही. मॅडम आपल्या विषयात तज्ञ होत्या, ज्ञानसंपन्न होत्या म्हणूनच त्यांच्यावर कधीही वर्गात बसण्याची वेळ आली नाही. आज या कार्यक्रमाला पावसाने हजेरी लावून सुद्धा कार्यक्रमात जरा ही व्यत्यय आला नाही. याचे कारण या सभागृहाला असलेले पक्के छप्पर. हे छप्पर ज्यांच्या दातृत्वातून निर्माण झाले, असे तीन दाते या सभागृहात उपस्थित आहेत. त्यापैकीच एक मीरा मॅडम याही आहेत. तसेच मीरा मॅडम यांनी विद्यालयात वर्षभरात साजऱ्या होणाऱ्या राष्ट्रपुरुषांच्या जयंत्या, पुण्यतिथ्या यासाठी लागणाऱ्या सर्व राष्ट्रपुरुषांच्या प्रतिमा देऊ केल्या आहेत. यातून त्यांच्या ठायी असणाऱ्या राष्ट्रपुरुषांविषयीच्या आदराचा आणि राष्ट्रभक्तीचाच प्रत्यय येतो.

यावेळी संचालक प्रा. गोडकर, पर्यवेक्षक श्री बांगर मळेवाड विद्यालय माजी मुख्याध्यापक श्री तिरपुडे, निवृत्त बँक अधिकारी श्री नाईक, निवृत्त शिक्षिका सौ कुलकर्णी, सौ सावंत, तसेच शिक्षका सौ मिलन देसाई, सुविधा जाधव, शिक्षक शांताराम गवई, विजय सोनवणे, किशोर नांदिवडेकर, अजित मसूरकर, दिलराज गावडे, प्रविण गोडकर शिक्षकेतर कर्मचारी सिताराम कोळेकर, सत्यवान परब आदी मान्यवरांनी मनोगत व्यक्त केले. तसेच अनेक विद्यार्थ्यांनी आपल्या मनोगतातून मॅडम विषयीच्या आठवणींना उजाळा दिला.

कार्यक्रमाचे प्रास्ताविक व सूत्रसंचालन शिक्षक प्रसाद आडेलकर यांनी केले आभार प्रदर्शन शिक्षक किशोर नांदिवडेकर यांनी केले.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

https://twitter.com/livekokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_