🛑 दोडामार्गात हिंदूंचा ‘एल्गार’ ; हिंदू रक्षा समितीच्या महा रॅलीत मोठ्या संख्येने हिंदू बांधवांची उपस्थिती

🛑 संयम जर आमचा सुटला तर हिंदू कुणाच्याही काबूत राहत नाही हा इतिहास आहे ; सुभाष वेलंगीकर

🛑 राज्याचे मुख्यमंत्री देवेंद्र फडणवीस यांची भेट घालून द्यावी ; गणेश गावडे

🛑 पोलिसांनी केलेल्या हिंदू बांधवांवरील कारवाईचा केला निषेध

🎥 KOKAN LIVE BREAKING || NEWS CHANNEL

✍️ प्रतिनिधी : प्रतिक राणे

🎴दोडामार्ग, दि-१२:- तालुक्यातील गोमांस वाहतूक प्रकरणी हिंदू बांधवांवर पोलिसांनी केलेल्या कारवाईमुळे संतप्त झालेल्या हिंदू समाजाच्या भावना दुखावल्या आहेत. या निषेधार्थ आणि गोमातेच्या रक्षणार्थ हिंदू रक्षा समितीच्या वतीने विविध “हिंदूरक्षा महारॅली” चे आयोजन करण्यात आले होते. या रॅलीत मोठ्या संख्येने हिंदू बांधव, महिला, युवक सहभागी झाले होते.
रॅलीची सुरुवात सावंतवाडा येथील राष्ट्रोळी मंदिरात गोमातेची पूजा करून व राष्ट्रोळीच्या चरणी नतमस्तक होऊन करण्यात आली. त्यानंतर घोषणाबाजीच्या गजरात रॅली शहरातील प्रमुख मार्गावरुन निघाली. त्यानंतर दोडामार्ग चौकात येत छत्रपती शिवाजी महाराजांच्या स्मारकाला वंदन करून हिंदू संघटनांचे पदाधिकारी व कार्यकर्त्यांनी उपस्थितांना मार्गदर्शन करत गोमातेच्या रक्षणासाठी एकजुटीचा निर्धार व्यक्त केला.
रॅलीतून हिंदू समाजाची ताकद दाखवून देत गोमातेच्या रक्षणासाठी व हिंदू धर्माच्या सन्मानासाठी एकजुटीचा संदेश देण्यात आला. या रॅलीत हिंदू महा समितीचे तसेच विविध हिंदू संघटनांचे पदाधिकारी, कार्यकर्ते, नागरिक मोठ्या संख्येने उपस्थित होते. महिलांची उपस्थिती देखील उल्लेखनीय होती.

संयम जर आमचा सुटला तर हिंदू कुणाच्याही काबूत राहत नाहीत हा इतिहास ; सुभाष वेलंगीकर

हा देश हिंदू राष्ट्र आहे, हिंदू रक्षा महासमितीचे मी अभिनंदन करतो कारण दोडामार्ग हे सिंधुदुर्ग चे प्रवेशद्वार आहे आणि या प्रवेश द्वाराचे रक्षण करण्याचे काम दोडामार्ग ने उचलले आहे. सिंधुदुर्गकर आणि गोमंतक हे भावनिक दृष्ट्या एकचआहेत असे उद्गार भारत माता की जय संघ गोवा राज्य चे संस्थापक संघचालक सुभाष वेलंगीकर यांनी बोलताना काढले.
पुढे ते म्हणाले की, जेवढ्या लवकर एखाद्या मोठ्या गुन्हेगारांवर आरोपपत्र तयार होत नाही तेवढ्या जलद गतीने इथे यांना अटक केल्यावर लावली जाणारी कलमे निश्चित करण्यात आली याच्या मागे एक मोठा डाव आहे असा आरोप त्यांनी केला, तर आमच्या संयमाचा अंत तुम्ही पाहू नकोत संयम जर आमचा सुटला तर हिंदू कुणाच्याही काबूत राहत नाहीत हा इतिहास आहे असे देखील प्रशासनाला ठणकावून सांगितले.

यापुढे आम्ही नाही इथल्या माता भगिनी रस्त्यावर उतरतील ; गणेश गावडे यांचे इशारा

ज्या आमच्या १६ हिंदू बांधवांना एका रात्रीच अटक केली तेच धाडस जर अनेक गुन्ह्यांमध्ये केले असते तर आम्ही तुम्हाला हार तुरे घातले असते,आमचे अनेक हिंदू बांधव रस्त्यावर उतरतात आणि तुमचेच काम करतात, पुन्हा एकदा सांगतो हे कांड परत जर घडलं तर सर्वस्वी पोलिस खात जबाबदार आहे, असे उद्गार भारत माता की जय संघटनेचे गणेश गावडे यांनी बोलताना काढले .
पुढे ते म्हणाले की,ज्या गो मातेला राज्य माता म्हणून घोषित केली तीच रक्षण करण्यासाठी तुम्ही जर कमी पडत असाल तर यापुढे आम्ही नाही इथल्या माता भगिनी रस्त्यावर उतरतील असा इशारा त्यांनी प्रशासनाला दिला.
तर केंद्रे चेक पोस्ट वर पकडलेली गाडी कोनाळकट्टा पर्यंत कशी आली? गाडीचा चेक पोस्ट वर पंचनामा का झाला नाही? आणि ती गाडी पोलिस कसा काय चालवू शकतो? असा अनेक प्रश्नाचा भडीमार त्यांनी केला,तर हे चुकीच्या पद्धतीने प्रकरण हाताळला गेल याला सर्वस्वी जबाबदार पोलिस खात आहे असा आरोप त्यांनी केला . तर गुन्हे दाखल करून न्यायालयीन कोठडीत असलेल्या त्या १६ ही हिंदू कार्यकर्त्यांच्या पाठीशी आम्ही सर्व हिंदू रक्षा समिती पाठीशी आहोत.
पुढे गणेश गावडे म्हणाले की, या सर्व विषयासाठी पालकमंत्री नितेश राणे, प्रदेश अध्यक्ष रवींद्र चव्हाण, यांनी आम्हाला भेट द्यावी, सत्य परिस्थिती काय आहे ती जाणून घ्यावी व आमच्या हिंदू बांधवांच्या काही मागण्या आहेत त्या मांडण्यासाठी राज्याचे मुख्यमंत्री देवेंद्र फडणवीस यांची भेट घालून द्यावी. आमची भेट घालून दिली नाही तर दोडामार्गमध्ये सर्व माता-भगिनी, सर्व हिंदू बांधव मिळून भव्य आंदोलन उभे करणार आहेत. त्यावेळी सर्व जबाबदारी प्रशासनाची राहील.

माझ्या आईचे प्राण वाचविण्यासाठी जीव गेला तरी बेहत्तर ; श्री शिव प्रतिष्ठान हिंदुस्थान जिल्हा अध्यक्ष मंगेश पाटील

“घाबरले असं म्हणू नका. आमच्या हिंदू कार्यकर्त्यांनी केलेल्या कृत्याचा आम्हाला अभिमान आहे. कोणीही घाबरले नाहीत.“लक्षात ठेवा आज ना उद्या कधीतरी गाडी येईल. येणार नाही यासाठी आम्ही आहोत. मात्र आली तर परत हाच प्रसंग असेल.” त्यांच्या या वक्तव्यातून त्यांनी धाडसी इशाराही दिला आहे.
ते म्हणाले की, “माझ्या आईचे प्राण वाचविण्यासाठी जीव गेला तरी बेहत्तर, लांडग्यांसकट गाडीला जाळणार. आता मोर्चा थांबणार नाही, ही सुरुवात झाली आहे.” असा इशारा त्यांनी दिला आहे.

“त्या” महिलेचे अश्रू अनावर, वातावरण गहिवरले

हिंदुत्वासाठी आवाज उठवणाऱ्या कार्यकर्त्यांवर झालेल्या कारवाईनंतर काल दोडामार्ग-पिंपळेश्वर चौक येथे आयोजित महारॅलीदरम्यान भावनिक क्षण घडला. पोलिसांनी गुन्हे दाखल केलेल्या एका कार्यकर्त्याची पत्नी सौ.वेदिका रेडकर मनोगत व्यक्त करताना अश्रूंवर नियंत्रण ठेवू शकली नाही. तिचे अश्रू पाहून संपूर्ण उपस्थित महिलाही गहिवरल्या.
सौ.वेदिका म्हणाल्या, “माझे पती व सर्व हिंदू बांधव गेले १७ दिवस हिंदुत्वासाठी न्यायालयीन कोठडीत आहेत. हिंदू धर्माच्या रक्षणासाठी त्यांनी स्वतःवर गुन्हे दाखल करून घेतले, याचा मला अभिमान आहे.”
त्या क्षणी संपूर्ण चौकात टाळ्यांचा कडकडाट झाला, आणि “जय श्रीराम” च्या घोषणा घुमू लागल्या. महिलांच्या डोळ्यांत अश्रू आणि मनात अभिमान अशा भावनिक वातावरणात ही रॅली अधिक ऊर्जित झाली.