🛑कुडाळ-घावनळेतील दीक्षा बागवे खून प्रकरणी SIT नेमण्याची मागणी;

*🛑कुडाळ-घावनळेतील दीक्षा बागवे खून प्रकरणी SIT नेमण्याची मागणी;*

 

*🛑निष्काळजी तपासामुळे पुरावे नष्ट – अँड. किशोर वरक यांची मुख्यमंत्रींकडे तक्रार.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्ग, दि- १०:-* कुडाळ तालुक्यातील घावनळे येथील अल्पवयीन मुलगी कु. दीक्षा तीमाजी बागवे (वय १७) हिच्या खून प्रकरणी तपासात झालेल्या गंभीर दिरंगाई आणि निष्काळजीपणामुळे प्राथमिक पुरावे नष्ट झाल्याचा आरोप करत, संबंधित पोलिस अधिकाऱ्यांवर विभागीय चौकशी व निलंबनात्मक कारवाई करावी, तसेच स्वतंत्र विशेष तपास पथक (SIT) नेमावे, अशी मागणी ॲड. किशोर वरक यांनी मुख्यमंत्री, पोलीस महासंचालक आणि राज्य महिला आयोगाध्यक्ष यांच्याकडे केली आहे.या संदर्भातील निवेदन त्यांनी जिल्हा पोलीस अधीक्षक सिंधुदुर्ग यांनाही दिले असून, कुडाळ पोलिसांवरील गंभीर आरोपांमुळे जिल्ह्यात खळबळ उडाली आहे.

*घटना पार्श्वभूमी*

दि. २ ऑगस्ट २०२५ रोजी कु. दीक्षा बागवे सावंतवाडी येथे कॉलेजसाठी घरातून निघाली. मात्र ती घरी परतली नाही. रात्री उशिरा तिची आई तनुजा बागवे यांनी कुडाळ पोलीस ठाण्यात गुन्हा नोंदविला (र.जि.क्र. ०२५२/२०२५, बीएनएस कलम १३७(२)).

एफ.आय.आर.मध्ये दीक्षा वापरत असलेले दोन मोबाईल क्रमांकही नमूद करण्यात आले होते. परंतु, पोलिसांनी त्या मोबाईल नंबरचे Call Detail Record (CDR) किंवा लोकेशन ट्रेस करण्याची आवश्यक तात्काळ कारवाई केली नाही.

*सुप्रीम कोर्ट व केंद्र शासनाचे आदेश धाब्यावर*

सर्वोच्च न्यायालयाने Bachpan Bachao Andolan v. Union of India या प्रकरणात (W.P.(C) 75/2012) दिलेल्या आदेशानुसार, १८ वर्षांखालील हरवलेल्या मुलाचे अपहरण किंवा तस्करी झाल्याचे गृहीत धरून तात्काळ एफआयआर नोंदवून प्रभावी तपास करणे बंधनकारक आहे.

त्यानुसार गृह मंत्रालयाने २५ डिसेंबर २०१६ रोजी “Standard Operating Procedure (SOP) for Missing Children” जारी केली होती. त्यात हरवलेल्या मुलाचे मोबाईलचे सीडीआर दोन ते चार तासांत प्राप्त करण्याचे निर्देश दिले आहेत मात्र, कुडाळ पोलिसांनी हे नियम पूर्णपणे धाब्यावर बसवल्याचा आरोप ॲड. वरक यांनी केला आहे.

*तपासातील निष्काळजीपणा*

निवेदनानुसार,

कुडाळ पोलिसांनी सीडीआरसाठी कोणतीही तातडीची कार्यवाही केली नाही.फिर्यादीच्या मुलीच्या बहिणीने संशय व्यक्त केलेल्या कुणाल कुंभार याची चौकशी करण्यात उशीर केला.

चार ते पाच दिवसांनंतर सीडीआर मिळूनही तपास योग्य दिशेने नेण्यात अपयश आले.

सीडीआरमध्ये दीक्षा व संशयित यांच्यात शेवटचा कॉल झाल्याचे स्पष्ट असून दोघांचे लोकेशन एकाच परिसरात असल्याचे आढळले. तरीही प्रभावी चौकशी झाली नाही.

या निष्काळजीपणामुळे दोन महिन्यांहून अधिक काळ दीक्षा हिचा कोणताही मागोवा लागला नाही. अखेर ३० सप्टेंबर २०२५ रोजी संशयित कुणाल कुंभार यास अटक करून चौकशीदरम्यान त्याने दीक्षा हिचा गळा दाबून खून केल्याची कबुली दिली. मात्र, मृतदेह अत्यंत कुजलेल्या अवस्थेत सापडल्याने postmortem अहवालात मृत्यूचे कारण व अत्याचारासंबंधी स्पष्ट निष्कर्ष निघू शकले नाहीत.

*निलंबन व SIT तपासाची मागणी*

या सर्व प्रकरणाची जबाबदारी कुडाळ पोलिस निरीक्षक राजेंद्र मगदूम व त्यांच्या तपास पथकावर येते, असे ॲड. वरक यांनी नमूद केले आहे.

त्यामुळे —संबंधित अधिकारी व कर्मचाऱ्यांवर विभागीय चौकशी व निलंबनात्मक कारवाई करण्यात यावी,

स्वतंत्र SIT नेमून संपूर्ण प्रकरणाची पुनर्तपासणी करण्यात यावी,तपासात सर्व तांत्रिक पुरावे (CDR, CCTV, लोकेशन, साक्षीदार) नव्याने पडताळले जावेत,अल्पवयीन पीडितेच्या कुटुंबास राज्य शासनाकडून आर्थिक व कायदेशीर सहाय मिळावे,तसेच सर्व पोलीस ठाण्यांना “SOP for Missing Children” चे पालन सुनिश्चित करण्याचे आदेश द्यावेत,

अशा ठोस मागण्या त्यांनी निवेदनात मांडल्या आहेत.

*स्थानिकांवर दबावाचा आरोप*

या प्रकरणात काही स्थानिक राजकीय मंडळी व पोलिसांकडून पीडित कुटुंबास “तक्रार करू नका” असा दबाव आणला जात असल्याचा गंभीर आरोपही ॲड. वरक यांनी केला आहे.

त्यामुळे, या प्रकरणाचा तपास गृहमंत्रालयाच्या थेट देखरेखीखाली पारदर्शकपणे व्हावा, अशी त्यांची मागणी आहे.

सिंधुदुर्ग जिल्ह्यातील या खून प्रकरणाने संपूर्ण कोकण हादरले असून, तपासातील पोलिसांची ढिलाई पुन्हा एकदा कायद्याच्या यंत्रणांवर प्रश्नचिन्ह निर्माण करते.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_