🛑 सावंतवाडी उपजिल्हा रुग्णालयातील ट्रॉमा केअर, आयसीयू आणि रक्तपेढी संदर्भात पर्यवेक्षी समिती गठीत करण्याचे आदेश..

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴कोल्हापूर, दि- ०३ :– सावंतवाडी उपजिल्हा रुग्णालयातील ट्रॉमा केअर युनिट, आयसीयू आणि रक्तपेढी यासंबंधी वस्तुस्थिती तपासून शिफारसी करण्यासाठी पर्यवेक्षी आणि शिफारस समिती (Supervisory & Recommendation Committee) गठीत करण्याचे आदेश कोल्हापूर खंडपीठाने दिले आहेत. न्यायमूर्ती एम.एस. कणिंक आणि न्यायमूर्ती शमिला देशमुख यांच्या खंडपीठाने हा महत्वाचा निर्णय दिला असून समितीला १७ ऑक्टोबर २०२५ पर्यंत अहवाल सादर करण्याचे आदेश देण्यात आले आहेत.

ही सुनावणी अभिनव फाऊंडेशन सिंधुदुर्ग तर्फे वकील महेश राऊळ यांनी दाखल केलेल्या याचिकेवर झाली. राऊळ यांनी मांडताना सावंतवाडी उपजिल्हा रुग्णालयातील दयनीय स्थिती अद्याप कायम असल्याचे न्यायालयाच्या निदर्शनास आणून दिले. वैद्यकीय अधिकाऱ्यांची पदे रिक्त असून, कंत्राटी व आयपीएचएस योजनेतील डॉक्टर पूर्णवेळ सेवा देत नाहीत. यामुळे नुकत्याच २९ सप्टेंबर रोजी झाराप येथे झालेल्या अपघातातील गंभीर जखमी मुलाला बांबुळी-गोवा येथील रुग्णालयात हलवावे लागले, असे त्यांनी सांगितले. यावेळी वकील विक्रम भांगले हे देखील फाऊंडेशनच्या वतीने न्यायालयात उपस्थित होते.

सरकारी वकिलांनी युक्तिवाद करताना रिक्त पदे भरण्याची प्रक्रिया सुरु असल्याचे सांगितले. तसेच कंत्राटी व आयपीएचएस योजनेद्वारे डॉक्टर नेमले गेले असून ते ट्रॉमा केअर युनिट आणि आयसीयूला सेवा देत असल्याचे त्यांनी स्पष्ट केले. तथापि, जाहिराती देऊनही डॉक्टर प्रत्यक्षात हजर होत नसल्याचे त्यांनी सांगितले. आवश्यकतेनुसार गंभीर रुग्णांना बांबुळी-गोवा आणि कोल्हापूर येथील सरकारी रुग्णालयात पुढील उपचारासाठी पाठवले जाते, असेही त्यांनी सांगितले.

मात्र या वेळी न्यायमूर्ती कणिंक यांनी “गोल्डन अवर” मध्ये उपचार कसे मिळतील, जेव्हा रुग्णांना बांबुळी किंवा कोल्हापूरपर्यंत पोहोचण्यासाठी दोन तासांचा प्रवास करावा लागतो? असा ठळक सवाल उपस्थित केला. त्यांनी सावंतवाडी व परिसर झपाट्याने विकसित होत असताना महामार्गावर अत्याधुनिक आरोग्य सुविधा असणे अपरिहार्य असल्याचे स्पष्ट केले.

यासाठी न्यायालयाने आरोग्य उपसंचालक कोल्हापूर, जिल्हा शल्यचिकित्सक कोल्हापूर, जिल्हा शल्यचिकित्सक सिंधुदुर्ग आणि तटस्थ सदस्य म्हणून विधिज्ञ संग्राम देसाई या चार सदस्यांची समिती गठीत करण्याचे आदेश दिले आहेत. ही समिती सावंतवाडी उपजिल्हा रुग्णालयात कोणत्या वैद्यकीय सुविधा आवश्यक आहेत याबाबत अभ्यास करून अहवाल सादर करणार आहे.

 

खंडपीठाने दिलेल्या या आदेशामुळे सावंतवाडी उपजिल्हा रुग्णालयातील आरोग्य सेवा सुधारणा आणि सुपरस्पेशालिटी सुविधा उपलब्ध होण्याच्या दृष्टीने एक महत्वाचे पाऊल उचलले गेले आहे.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_