🛑 ‘याची देही याची डोळा’ ओटवणे दसरोत्सवात सुवर्ण वैभवाचे दर्शन

🛑 ओटवणे येथील संस्थानकालीन दसरोत्सवाला खंडेनवमीला थाटात प्रारंभ

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-०१:- ओटवणे येथील प्रसिद्ध संस्थानकालिन दसरोत्सवाला बुधवारी खंडेनवमीला थाटात प्रारंभ झाला. दोन दिवस चालणाऱ्या या दसरोत्सवाची सांगता गुरुवारी विजयादशमीला सायंकाळी उशिरा होणार आहे. वर्षातून एकदाच दर्शन घडणाऱ्या या देवस्थानच्या सुवर्ण अलंकारासह सुवर्ण तरंगे पाहण्यासाठी जिल्ह्यासह गोवा व कोल्हापूर परिसरातील भाविकांनी गर्दी केली होती.

गौरवशाली ऐतिहासिक परंपरा लाभलेल्या सावंतवाडी संस्थानच्या सावंत भोसले घराण्याचे ओटवणेतील रवळनाथ हे कुलदैवत असून सावंतवाडी संस्थानची न्याय देवता म्हणून विशेष महत्त्व आहे. सुमारे साडेचारशे वर्षांची परंपरा लाभलेल्या या दसरोत्सवाच्या सुवर्ण पर्वणीला हजारो भाविकानी रवळनाथ चरणी लिन होत रवळनाथाचा कृपा आशिर्वाद घेतला. तसेच या राजेशाही उत्सवात भाविकांना राजसत्ता आणि वैभवाचा साज पाहता आला.

या उत्सवासाठी सावंतवाडी कोषागारात असलेले या देवस्थानचे सुवर्ण अलंकार व तरंगाच्या मुर्त्या मंगळवारी दुपारी रवळनाथ मंदिरात आणण्यात आल्या.

त्यानंतर रवळनाथ सातेरीसह या देवस्थानच्या सर्व देवतांना भरजरी वस्त्रांसह सुवर्ण अलंकारांनी सजविण्यात आले. सायंकाळी या देवस्थानच्या सातेरी, रवळनाथ, कुळाचा पूर्वस या तिन्ही तरंगाना सप्त पितांबरीच्या वस्त्रांनी सजविण्यात आले. या देवस्थानच्या दसरोत्सवात सर्व देवतांना भरजरी वस्त्रांसह सोन्या-चांदीच्या दागिन्यांचा साज चढवण्याची प्रथा आहे. त्यामुळे दसरोत्सवात या देवस्थानचे सुवर्ण वैभव याची देही याची डोळा पाहून भाविकांच्या डोळ्यांचे पारणे फिटले.

सायंकाळी सुवर्ण तरंगासह सवाद्य पालखी मिरवणुकीस प्रारंभ झाला. शेकडो भाविकांच्या उपस्थितीत मंदिराला पाच प्रदक्षिणा घातल्यानंतर शिव लग्न सोहळ्यास सुरुवात झाली. यावेळी भाविकांनी आपट्याची पाने सोने म्हणून लुटल्यानंतर हे सोने परस्परांना दिले. त्यानंतर तिन्ही तरंग देवतांच्या साक्षीने महिलानी क्लेशपीडा परिहार्थ अग्नि स्नान केले. यालाच इंगळे न्हाणे असे म्हणतात. यासाठी महिलांची गर्दी केली होती. दसऱ्याच्या या सुवर्ण पर्वणीला विविध क्षेत्रातील मान्यवरांनी रवळनाथाचे दर्शन घेतले. दरम्यान या सोनेरी दसरोत्सवासाठी सावंतवाडी पोलीस ठाण्याच्या अधिकारी व पोलिसांसह पश्चिम महाराष्ट्र देवस्थान कमिटीच्या खाजगी सुरक्षारक्षकांचा चोख बंदोबस्त होता.

 

दसरोत्सवाची विजयादशमीला सांगता

 

गुरूवारी सायंकाळी कुळाचा पूर्वस तरंग सवाद्य ओटवणे नदी संगम येथील ऐतिहासिक माठ्यातील सावंतवाडी संस्थानच्या पहिल्या खेम सावंत यांच्या समाधीला भेट देणार आहे. त्यानंतर भाविकांना देवतांचा आशिर्वाद व रवळनाथाचा गाव रखवाल कौल या वैशिष्ट्यपूर्ण कार्यक्रमाने दोन दिवसांच्या या दसरोत्सवाची सांगता होणार आहे.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_