🛑व्यसनाच्या विळख्यात ओढली जाणारी पिढी… आणि राजकारणाची घोर बेफिकिरी!

*🛑व्यसनाच्या विळख्यात ओढली जाणारी पिढी… आणि राजकारणाची घोर बेफिकिरी!*

 

*🛑सिंधुदुर्ग पोलिसांनी मनात आणले तर खूप काही करु शकतात- मानसीकता हवी.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०१:-* सिंधुदुर्ग जिल्हा पर्यटनासाठी जगभर प्रसिद्ध… पण आज या जिल्ह्याची ओळख एका भयानक संकटाशी जोडली जात आहे – अमली पदार्थांच्या विळख्याशी. समुद्रकिनाऱ्यांवर होणारा नशेचा व्यापार, काही ठराविक हॉटेलांच्या आडून चालणारे काळे धंदे आणि यामध्ये दिवसेंदिवस अडकणारी आपलीच तरुणाई… हा दृश्यपट पाहून प्रत्येक जागरूक नागरिकाच्या डोळ्यात अश्रू आणि मनात संताप दाटतो.

*तरुणाईचा खेळ करून कोणाचे पोट भरते?*

आज महाविद्यालयीन मुलं-मुली, बेरोजगार तरुण, कामगार यांच्यात अमली पदार्थांची भयानक सवय पसरत आहे. सुरुवात “फक्त एकदा” अशी होते… पण शेवट? – शेवटी कुटुंब उद्ध्वस्त, करिअर नष्ट, गुन्हेगारीकडे ओढले जाणारे आयुष्य! आपली पिढी नष्ट होत असताना काही तथाकथित व्यावसायिक व ‘प्रभावशाली’ मंडळी पैशाच्या हव्यासापायी या विषारी धंद्याला खतपाणी घालत आहेत. एका ग्रामीण भागातील डॉक्टर महाशयांनी मला फोन करून सांगितले आपले लिखाण वाचले की अंगावर काटा उभा राहतो कारन आम्ही सह्याद्रीच्या पट्यात असल्याने हे सगळ अनुभवतोय,येणारे पर्यटक काय घेऊन येतात ते उघड्या डोळ्यांनी पाहतोय हे कुठेतरी थांबलेच पाहिजे असे वाटते पण..

*राजकीय नेते गप्प का?*

सगळ्यांना माहिती आहे – व समुद्रकिनाऱ्यांवर, हॉटेल्समध्ये, पर्यटकांच्या गाड्यांतून काय येतंय, कुठे साठवलं जातंय. पोलिसांना दिसतंय, नागरिकांना जाणवतंय, पत्रकारांनी उघड केलंय. सर्वच पक्षिय मग राजकीय नेते गप्प का? एरव्ही बारीक सारीक विषयात तुटून पडणार विरोधी पक्ष सिंधुदुर्ग जिल्ह्याला अंमली पदार्थ रुपी राक्षसाची घट्ट मिठी असताना सुशेगाद झोपला कसा,या मागचे गौडबंगाल काय? की विरोधी पक्षातील नेते मंडळीना हे दिसत नाही,की माहिती नाही ते एकदा जाहिर करुन टाकावे.यांच्या त

डोळ्यांवर पट्टी कोणी बांधलीय? की या धंद्याला गुपचूप आश्रय देणारे हात ह्याच नेत्यांचे तर नाहीत ना? असा संशय येऊ लागला आहे.जनतेच्या मताने निवडून आलेल्या नेत्यांनी जर तरुणाईच्या भवितव्याची चिंता करने गरजेचे आहे,पक्षाच्या प्रतिमेची आणि आपल्या मतांची नाही.ही चिंता जर केली गेली नाही तर ही जनता माफ करणार नाही!

*पोलिसांची धडपड पुरेशी नाही*

हो, पोलिस कधी मोठी कारवाई करतात – चरस, मेफेड्रोन, गांजा जप्त होतो. बातम्या होतात. पण मूळ राक्षस तिथेच जिवंत राहतो! काही छोटे-मोठे विक्रेते पकडले की एवढं मोठं संकट थांबणार नाही. पोलिसांना स्वातंत्र्य हवं, राजकीय पाठबळ हवे व हस्तक्षेपापासून मुक्ती हवी, आणि “मोठे मासे” पकडण्याची पोलिसांची हिंमत हवी!

*समाजाने आता उठाव केला पाहिजे!*

आज वेळ आली आहे – प्रत्येक गावाने, प्रत्येक पालकाने, प्रत्येक नागरिकाने ठामपणे सांगितलं पाहिजे : “आमच्या मुलांचा नाश करणाऱ्यांना आम्ही सहन करणार नाही!” शाळा-कॉलेजांमध्ये जागरूकता मोहीम राबवली पाहिजे. संशयास्पद हालचालींवर गावकऱ्यांनीच आवाज उठवला पाहिजे. पत्रकारांचा आवाज दाबण्याचे डाव उधळून लावले पाहिजेत.

*निष्कर्ष* :आज नाही तर उद्या खूप उशीर होईल!

सिंधुदुर्गाच्या भवितव्यासमोर हे अमली पदार्थांचे संकट भयंकर आहे. राजकीय नेत्यांनी जर आत्ताच जबाबदारी घेतली नाही, तर इतिहास त्यांना माफ करणार नाही. पोलिसांनी कारवाई केली नाही तर ही पिढी गिळंकृत होईल. आणि आपण – समाज म्हणून – गप्प बसलो तर उद्या आपली स्वतःची लेकरं या काळ्या बाजाराची शिकार होतील.म्हणूनच आज एकच गर्जना हवी : “सिंधुदुर्गात अमली पदार्थांना जागा नाही!तरुणाई वाचवा, भवितव्य वाचवा!”

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

*श्रीसृष्टी कसाल*

 

एन. ए. प्लॉट ⛳ आणि बंगलो 🏡 उपलब्ध

 

🔹 *आमची वैशिष्ट्ये* 🔹

 

कसाल बस स्टँड १. ५ किमी अंतरावर

 

बाजारपेठ १.५ किमी अंतरावर

 

मुंबई – गोवा महामार्ग १.५ किमी अंतरावर

 

पडवे कॉलेज २ किमी अंतरावर

 

सिंधुदुर्ग रेल्वेस्थानक ३ किमी अंतरावर

 

ओरोस मुख्यालय ३ किमी अंतरावर

 

मालवण ३० किमी अंतरावर

 

आंगणेवाडी ३० किमी अंतरावर

 

कणकवली १५ किमी अंतरावर

 

कुडाळ २० किमी अंतरावर

 

बाराही महिने पाणी

 

अंतर्गत डांबरी रस्ते व लाईट

 

रेडी पझेशनमध्ये बंगलो

 

📍 *आमचा पत्ता :* श्रीसृष्टी, कसाल – मालवण रोड, कसाल

 

☎️ *संपर्क :*

 

एस.पी. सामंत – 9422054923

सुजय सामंत – 7057310666

 

 

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_