🛑खासकीलवाडा शाळेच्या दीडशे वर्षपूर्ती निमित्त माजी विद्यार्थ्यांचा स्नेहमेळावा – माजी विद्यार्थ्यांची संघटना स्थापन, अध्यक्षपदी ज्येष्ठ पत्रकार सिताराम गावडे.

*🛑खासकीलवाडा शाळेच्या दीडशे वर्षपूर्ती निमित्त माजी विद्यार्थ्यांचा स्नेहमेळावा – माजी विद्यार्थ्यांची संघटना स्थापन, अध्यक्षपदी ज्येष्ठ पत्रकार सिताराम गावडे.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १३:-* जिल्हा परिषद पूर्ण प्राथमिक शाळा क्रमांक चार, खासकीलवाडा ही ऐतिहासिक शाळा यंदा दीडशे वर्षांची सुवर्णकामगिरी साजरी करत आहे. या अविस्मरणीय पर्वानिमित्त माजी विद्यार्थ्यांचा भव्य स्नेहमेळावा आज मोठ्या उत्साहात पार पडला. याच वेळी शाळेच्या सर्वांगीण प्रगतीसाठी माजी विद्यार्थ्यांची संघटना स्थापन करण्यात आली असून, तिच्या अध्यक्षपदी सर्वानुमते कोकण लाईव्ह ब्रेकिंग न्यूज चे संपादक व ज्येष्ठ पत्रकार श्री. सिताराम गावडे यांची निवड करण्यात आली.

उपाध्यक्षपदी डॉ. कांचन दत्ताराम विर्नोडकर, सचिवपदी श्री. सुधीर धुमे,

खजिनदारपदी माजी नगरसेवक बाबू कुडतरकर,तर 21 सदस्यीय कार्यकारिणीची घोषणा करण्यात आली.कार्यक्रमाच्या सुरुवातीला शाळेच्या मुख्याध्यापिकांनी शाळेच्या प्रगतीचा आढावा सादर केला. शाळेमध्ये राबविण्यात येणाऱ्या उपक्रमांची माहिती देताना त्यांनी माजी विद्यार्थ्यांचे योगदान महत्त्वाचे असल्याचे सांगितले.

संपूर्ण राज्यभर जिल्हा परिषद शाळा एकामागोमाग बंद पडत असताना, खासकीलवाडा येथील जिल्हा परिषद पूर्ण प्राथमिक शाळा क्रमांक चार आजही दिमाखात उभी आहे. या शाळेत आजही इयत्ता १ ली ते ७ वीपर्यंत तब्बल २०० विद्यार्थ्यांची पटसंख्या टिकून आहे, हे या शाळेचे मोठे वैशिष्ट्य आहे. शिक्षणाची घसरण होत असताना शहरी भागातील ही शाळा आपला दर्जा टिकवून ठेवतेय, ही बाब प्रत्येकासाठी प्रेरणादायी आहे.

यंदा या शाळेला दीडशे वर्षे पूर्ण झाली असून, त्यानिमित्त आयोजित माजी विद्यार्थ्यांच्या स्नेहमेळाव्यात शाळेचा इतिहास, यश आणि उज्ज्वल कामगिरीचा आविष्कार झाला.सिंधुदुर्ग,जिल्ह्यातील पहिली “पर्यटन शाळा” हा किताब खासकीलवाडा शाळेने पटकावला आहे. शासनमान्यता प्राप्त या उपक्रमामुळे शाळेला वेगळी ओळख मिळाली आहे.राज्यस्तरीय विविध स्पर्धांमध्ये शाळेने उल्लेखनीय कामगिरी करत सिंधुदुर्ग जिल्ह्याचे नाव झळकावले आहे.या शाळेतून घडलेले विद्यार्थी आज डॉक्टर, वकील, पत्रकार, प्रशासकीय अधिकारी, उद्योगपती अशा विविध क्षेत्रात आपली छाप उमटवत आहेत.

यावेळी माजी विद्यार्थी सुधीर धुमे यांनी बालपणीच्या आठवणींना उजाळा देत “या शाळेमुळेच आपण घडलेलो आहोत” असे भावनिक शब्द उच्चारले. माजी नगरसेवक उमाकांत वारंग, सुधीर पराडकर, विनायक पराडकर, तसेच अध्यक्षपदी निवड झालेले सिताराम गावडे यांनीही शालेय जीवनातील आठवणींना उजाळा देत शाळेप्रेम व्यक्त केले.

गावडे यांनी आपल्या भाषणात स्पष्ट केले की,”या शाळेतून शिकलेले विद्यार्थी आज डॉक्टर, वकील, प्रशासक, पत्रकार अशा विविध क्षेत्रात देशभरात आपले स्थान निर्माण करून बसले आहेत. आता एकत्र येऊन आपण आपल्या शाळेच्या मूलभूत गरजा पूर्ण करू, हा आमचा संकल्प आहे.”शालेय व्यवस्थापन समितीचे अध्यक्ष संतोष तळवणेकर यांनी नव्या अध्यक्षांचे पुष्पगुच्छ देऊन स्वागत केले.

नव्या कार्यकारिणीची घोषणा :

अध्यक्ष – श्री. सिताराम गावडे

उपाध्यक्ष – सौ. कांचन दत्ताराम विर्नोडकर.सचिव – श्री. सुधीर श्रीपाद धुमे.सहसचिव – श्री. संतोष तळवणेकर.खजिनदार – श्री. बाबू कुडतरकर.सदस्य – श्री. विनायक पराडकर, विलास सावंत, सुधीर सावळाराम पराडकर, नंदू विचारे, प्रशांत विनोडकर, शेखर पेडणेकर, महेश सारंग, महेश पुरब, उमाकांत वारंग, सौ. मिरा सावंत, सौ. गीला विनोद रेडकर, सौ. आरती कुंभार, सौ. प्रियांका परब, शैलेश नाईक, महेश पालव, सौ. लक्ष्मी धारगळकर, श्री. संजू परब (माजी नगराध्यक्ष).

या ऐतिहासिक क्षणी, खासकीलवाडा शाळेच्या प्रगतीसाठी माजी विद्यार्थी एकवटलेले पाहून उपस्थितांमध्ये उत्साहाचे वातावरण होते.

शाळेच्या दीडशे वर्षांच्या सुवर्ण इतिहासात हा स्नेहमेळावा नवा टप्पा ठरला असून, नव्या कार्यकारिणीच्या माध्यमातून शाळेच्या विकासाला नवी दिशा मिळणार आहे, अशी अपेक्षा व्यक्त होत आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_