🛑मटका चालवणारा आका शोधा, टपरीवाल्यांवर टार्गेट नको!

*🛑मटका चालवणारा आका शोधा, टपरीवाल्यांवर टार्गेट नको!*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- १०:-* कोकणात, सिंधुदुर्गात आणि महाराष्ट्राच्या कानाकोपऱ्यात मटका-जुगार हा समाजाला पोखरणारा कर्करोग बनला आहे. पोटाची खळगी भरण्यासाठी एखाद्या टपरीवर चहा विकणारा, भाजी विकणारा, छोटासा धंदा करणारा माणूस पोलिसांच्या कारवाईला बळी पडतो; पण खरा आका मात्र दारूच्या ग्लासात किंवा मोठ्या हॉटेलच्या एसी रूममध्ये बसून राजरोस धंदा चालवतो. ही कारवाई म्हणजे फांद्या तोडण्याची थापा – मुळावर कुणीच घाव घालत नाही. म्हणून सांगतो वृक्षाच्या मुळाशी घाव घाला, फांद्या आपोआप खाली येतील.

 

*फांद्या तोडण्याचा दिखावा*

दर आठवड्याला पोलीस कारवाई करतात. एखादा टपरीवाला, दोन एजंट पकडतात, बातम्यांमध्ये मोठा गाजावाजा होतो. “मटका कारवाई” अशी हेडलाईन वाचून जनता खूष होते की पोलिसांनी काम केले. पण दुसऱ्याच दिवशी तोच धंदा पुन्हा सुरू! म्हणजे काय? ही कारवाई म्हणजे ढगांना गोळ्या झाडल्यासारखी. मूळ जिवंत असताना फांद्या तोडून उपयोग नाही.

 

*आकाचा खेळ*

मटका आक्याशिवाय धंदा चालतो का? गावोगाव, गल्लीगल्लीत नंबर घेणारे छोटे एजंट म्हणजे प्यादे. या प्याद्यांचा वापर करून आका लाखो-करोडोंची उलाढाल करतो. तो आकडा घेतो, पैसे जमवतो, खिशात टाकतो आणि पोलिसांचा हात केवळ प्याद्यांवरच फिरतो.आक्याला कधी गजाआड टाकलेले तुम्ही पाहिलेत का?आक्याच्या घरावर, बंगल्यावर, बँक खात्यावर कधी छापा पडतो का?

आक्याचे नाव प्रेस नोटीत कधी झळकते का?उत्तर आहे – नाही! कारण आक्यांच्या डोक्यावर राजकीय आशीर्वाद असतात. ही जनतेला नवीन गोष्ट नाही.

*राजकारणाची छत्री*

जुगार आक्यांना राजकीय आश्रय मिळाल्याशिवाय ते एवढ्या उघडपणे धंदा करू शकतात का? समाजात सर्वांना माहित आहे की कोणाचा आका कोणत्या राजकीय नेत्यानं “हाताशी घेतलाय”. पोलिसांना माहीत आहे, प्रशासनाला माहीत आहे, पण कुणाकडे धाडस नाही. कारण आक्याची नोटबंदी होत नाही, उलट नोटांनी सगळ्यांचे तोंड बुजवले जाते.

 

*जनतेचा आक्रोश*

 

जनता विचारतेभाजी विकणारा, गाडा लावणारा, टपरी चालवणारा सहज टार्गेट का?खरे माफिया, जुगार आका पोलिसांच्या जाळ्यात कधी सापडणार?सत्ताधारी व पोलीस प्रशासन आक्यांच्या छत्रीखाली राहणार की समाजाला वाचवणार?

लोकांच्या डोळ्यांवर आता पडदा राहिलेला नाही. लोकांना खरे आकडे, खरे आक्यांची नावे, त्यांचे राजकीय संबंध सगळे ठाऊक आहेत.

*मुळावर घाव घाला*

जुगारमुक्त समाज हवा असेल तर एकच उपाय – मुळं उपटून टाका.

आक्यांना अटक करा.त्यांच्या बँक खात्यांवर, प्रॉपर्टीवर कारवाई करा.

राजकीय छत्री उघडी करा.सामान्य लोकांना त्रास देण्यापेक्षा मोठ्या माशांवर टाच द्या.

*पोलिस यंत्रणेने ठरवले तर आकाचे आका पण जिल्हा सोडून जातील*

पोलिसांना फक्त राजकीय दबाव नसेल तर पोलीस खाते दोन दिवसात मटका जिल्ह्याबाहेर करू शकतात …त्यामुळे कारवाई राजकीय वाह वाह मिळण्यासाठी दिखावू नसावी,पोलीस यंत्रणेने ठरवले तर आका चे आका पण जिल्हा सोडून जातील,आज समाजाने सतर्क राहण्याची गरज आहे गावात चालू असलेले मटका, गांजा अमली पदार्थ बंद करायचे असेल तर माहिती देणाऱ्याला बक्षीस जाहीर करा,जनताच अवैध धंदे बंद करायला पोलिसांना मदत करतील पण पोलीस यंत्रणेने मात्र प्रामाणिक काम केले तर आणि तरच हे शक्य आहे …..

*पोलिसांना एकच संदेश* – वृक्षाच्या फांद्या तोडून उपयोग नाही. मुळावर घाव घाला. नाहीतर फांद्या पुन्हा फुटतात, झाड अजून दाट होतं, आणि समाजाची नासाडी सुरूच राहते.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_