🛑 वेत्ये-वरची गावकरवाडी येथील “मांडावरचा गणपती”

🛑 गावकर कुटुंबासह वाडीतील ग्रामस्थांच्या एकोप्याचे दर्शन

🎥 KOKAN LIVE BREAKING || NEWS CHANNEL

✍️ प्रतिनिधी : सहदेव राऊळ

🎴सावंतवाडी, दि-३१:– तालुक्यातील वेत्ये येथील वरची गावकरवाडी येथे “मांडावरचा गणपती” म्हणून वेत्ये गावासह पंचक्रोशीत प्रसिद्ध असलेला अकरा गावकर कुटुंबियांचा मानाचा गणपती गावकर कुटुंबासह वाडीतील ग्रामस्थ पिढ्यान पिढ्या चालत आलेली आपली रूढी परंपरा जपतानाच एकोप्याचेही दर्शन घडवितात.

वेत्ये येथील गावकर वाडीतील या गावकर कुटुंबियांचा गणपती हा सालाबी सात दिवसांचा असतो. त्यामुळे वाडीतील इतरही ५१ घरगुती गणपतींचे सुद्धा मांडावरच्या गणपतीसोबत सात दिवस मनोभावे पूजन केले जाते, हे एक या वाडीचे खास वैशिष्ट्य आहे. या वाडीत जवळजवळ २५० लोकसंख्या असून येथील कुटुंबे ही गुण्या गोविंदाने राहत दिवसेंदिवस लुप्त होत चाललेल्या चाली रिती गावातील गावकर कुटुंबीय व इतर समाजातील कुटुंबे जपत मोठ्या उत्साहात श्री गणेश चतुर्थी सण साजरा करतात.

गणेश चतुर्थी दिवशी सर्वप्रथम या वाडीतील गावकर कुटुंबीयांच्या घरी (मांडावर) श्री गणेश मूर्तीची प्रतिष्ठापना करून पूजन केले जाते. त्यानंतर वाडीतील इतर ठिकाणी घरातील मंडळी विधिवत श्री गणेशाचे मनोभावे पूजन करतात. या वाडीतील जवळजवळ ५१ घरगुती गणपतींचे पूजन केले जाते. सातही दिवस दुपारी आरती, महानैवेद्य, सायंकाळी, भजन, फुगड्या इतर सांस्कृतिक कार्यक्रम केले जातात.

गौरी पूजन (ओवसा) हा तिथीप्रमाणे पाच, सहा किंवा सातव्या दिवशी केला जातो. मात्र वेत्ये गावातील या वरची वाडीतील गावकर कुटुंबियांचा ओवसा हा गणपतीच्या “पाचव्या दिवशीच साजरा केला जातो. या दिवशी गावकर कुटुंबियांच्या व इतर समाजातील सुहासिनी महिला एकत्र येत हा सोहळा मोठ्या उत्साहात साजरा करतात. गौरी विसर्जनानंतर सायंकाळी सर्व गावकर कुटुंबासोबत इतर ५१ कुटुंबातील महिला भाकरी व शेवग्याच्या पाल्याची भाजी हा प्रसाद मांडावर एकत्र करून सर्वांना प्रसाद वाटप करतात.

सातव्या दिवशी गणपती विसर्जनवेळी मूळ मांडावर गावकर कुटुंबियांच्या घरी वाडीतील सर्व कुटुंबाकडून आपापल्या परीने थोड थोड साहित्य या मूळ (घरी) मांडावर एकत्रित करून येथे महानैवेद्य बनवून तो येथील वाडीतील घरा घरातील गणरायाला दाखविला जातो. तसेच मांडावार महाप्रसादाचे वाटप केले जाते. तसेच वाडीतील इतर कुटुंबांचा नवसाचा प्रसाद मांडावर एकत्रित करून विसर्जनानंतर सर्वांना वाटप केला जातो. विसर्जनावेळी वाडीतील कुटुंबातील सर्व गणपती एकत्र येतात. मांडावरचा मानाचा गणपती जोपर्यंत येत नाही तोपर्यंत इतर गणपती विसर्जन केले जात नाही. मानाचा गणपती आल्यावर विसर्जन कुंडाजवळ देवापुढे गाऱ्हाणे, नवस फेडणे, नवस बोलणे आदी कार्यक्रम करून एकत्रित आरती केली जाते, त्यानंतर फटाक्यांच्या आतषबाजीत गणपती बाप्पा मोरया मंगलमुर्ती मोरया, गणपती बाप्पा मोरया पुढच्या वर्षी लवकर या चा नामघोष करत मांडावरच्या गणपतीसोबत सर्व गणपतींचे विसर्जन केले जाते. विसर्जन झाल्यावर परत गावकर कुटुंबीय व वाडीतील ग्रामस्थ या मांडावर एकत्रित येऊन प्रसाद वाटप करतात. गावकर कुटुंबियांसोबत वाडीतील मंडळी आपली पूर्वापार चालत आलेली रूढी परंपरा एकत्रितपणे जोपासत ती अबाधित राखण्यासाठी प्रयत्न करत असल्याचे चित्र दिसते.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_