🛑गांजा माफियांचा उच्छाद – पोलिसांची पकड ढिली, तरुणाईचा बळी!

*🛑गांजा माफियांचा उच्छाद – पोलिसांची पकड ढिली, तरुणाईचा बळी!*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ३०:-* सिंधुदुर्ग जिल्ह्यात गेल्या काही दिवसांत पुन्हा एकदा गांजा, गुटखा, अंमली पदार्थ यांचा धंदा उघड्यावर सुरू झालेला दिसतो. पोलिसांची पकड ढिली पडताच हा माफिया अक्षरशः दिवसाढवळ्या उच्छाद मांडतो आहे. गावोगावी सहजपणे गुटखा विकला जातो, तर गांजा ओढण्यासाठी लागणारे कागद दुकानदार उघड्यावर ठेवून विकत आहेत. लहान दुकानदारांना पकडले जाते, थोडेफार कागद जप्त होतात, पण दुसऱ्या दिवशी तोच दुकानदार पुन्हा उघड्यावर विक्री करताना दिसतो. हे दृश्य म्हणजे पोलिसांच्या कारवाईवर थेट थट्टा आहे.

*उदाहरणे बोलकी आहेत!*

काही मोठ्या किराणा व पानटपऱ्यांमध्ये आजही “बंदी असलेला गुटखा” अगदी “सोबत हवे का?” अशा पद्धतीने विकला जातो.

महाविद्यालयांच्या परिसरात काही “ठराविक ठिकाणी” विद्यार्थ्यांना गांजा सहज मिळतो, हे सर्वांनाच माहीत आहे, फक्त पोलिसांनाच माहीत नाही का?दुकानदारांवर खटले दाखल होतात पण न्यायालयीन पातळीवर पुरावे कमकुवत ठेवले जातात, त्यामुळे काही दिवसांनी तोच दुकानदार पुन्हा मोकळा होतो.मोठे माफिया मात्र अद्यापही “हात लावता येणार नाहीत” या भावनेने बेधडक आहेत. कारण त्यांच्या मागे कुणाचे तरी राजकीय छत्र आहे, हे उघड गुपित आहे.पोलिसांची जबाबदारी की कुचंबना?

*पोलिसांना माहिती नसेल असं कसं शक्य आहे?*

गावोगावी तरुण, दुकानदार, पत्रकार सगळ्यांनाच माहिती आहे की कुठे, कोण गांजा विकतो, गुटखा आणतो. मग पोलिसांना माहिती नसल्याचे सांगणे ही स्वतःची लाज आहे.लहानसहान दुकानदारांना पकडून आकडे दाखवले जातात, पण मुख्य पुरवठादार, घाऊक वितरक व माफिया मात्र हात लावण्याच्या पलिकडे ठेवले जातात.

काही प्रकरणात पोलिसांकडे तक्रार नेल्यावर उलट “तुम्ही पुरावे द्या, नाहीतर आम्ही काय करणार?” अशी मानसिकता दिसते. मग जनतेला प्रश्न पडतो – आम्हीच पोलीस की तुम्ही?

*समाजावर थेट परिणाम*

शाळा-महाविद्यालयांतील तरुण सहज गुटखा व गांजाच्या विळख्यात अडकतात.

व्यसनासाठी पैसे मिळवण्यासाठी चोरी, लूटमार यासारखे गुन्हे वाढतात.

आरोग्याचे प्रचंड नुकसान तर वेगळेच. गुटख्यामुळे कर्करोगाचे प्रमाण वाढते आहे.अखेर हा सर्व भार कुटुंब व समाजावर येतो, तर माफिया आणि काही बेईमान पोलिस मात्र पोटे फुगवतात.

*मोठे मासे गळाला लावा* –दुकानदार नाही, तर पुरवठादार पकडले नाहीत तर काहीही बदलणार नाही.

*गुप्त यंत्रणा कामाला लावा* महाविद्यालय परिसर, बसस्थानक, बाजारपेठेत गुप्त पोलिस पाठवा.

*राजकीय संरक्षण संपवा* कोणत्याही नेत्याचा हस्तक्षेप सहन केला जाऊ नये.

*जनतेला बळ द्या* – माहिती देणाऱ्यांना संरक्षण द्या; अन्यथा कुणी तोंड उघडणार नाही.

*थेट सवाल पोलिसांना*

जनतेकडून माहिती हवी असेल तर आम्ही देतो.तुम्ही मात्र खऱ्या माफियांना पकडून दाखवा!

*लहान दुकानदारांवर आकडे मिरवण्यापेक्षा मूळ गंगाधार गाठून दाखवा*.

जोपर्यंत पोलिसांनी गांजा-गुटखा माफियांवर निर्णायक कारवाई करून त्यांना तुरुंगात टाकले नाही, तोपर्यंत पोलिसांवरचा विश्वास तसूभरही वाढणार नाही. आणि लक्षात ठेवा – हा प्रश्न केवळ गुन्हेगारीचा नाही, तर तरुणाईच्या भविष्याचा आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_