🛑चाकाच्या खुर्चीवरून उभारलेली “स्वप्ननगरी” – डॉ. नसिमा दिदींच्या ७५व्या वाढदिवशी नवे स्वप्न साकार.

*🛑चाकाच्या खुर्चीवरून उभारलेली “स्वप्ननगरी” – डॉ. नसिमा दिदींच्या ७५व्या वाढदिवशी नवे स्वप्न साकार.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कोल्हापूर, दि- ३०:-*“आपण दिव्यांग आहोत म्हणून खचायचं नाही, तर हजारो दिव्यांगांच्या चेहऱ्यावर हास्य फुलवायचं” – या विचाराने गेली पाच दशके संघर्ष करत, दिव्यांग बांधवांना नवी दिशा देणाऱ्या डॉ. नसिमा हुरजूक (दिदी) यांचा ७५वा वाढदिवस २ सप्टेंबर रोजी एक ऐतिहासिक पर्व ठरणार आहे.

केवळ सोळाव्या वर्षी पॅराप्लेजिक आजाराने तीन चाकांच्या खुर्चीला खिळलेल्या नसिमा दिदींनी स्वतःच्या वेदना विसरून, समाजातील दिव्यांगांसाठी स्वप्ननगरी उभी केली. ‘हेल्पर्स ऑफ द हॅण्डिकॅप’ या संस्थेच्या माध्यमातून कुडाळ तालुक्यातील मोरे येथे वसतीगृह, प्रशिक्षण केंद्रे, काजू प्रक्रिया उद्योग यांसारख्या प्रकल्पांद्वारे शेकडो दिव्यांगांचे पुनर्वसन घडवले. आज या संस्थेमुळे दोनशेहून अधिक दिव्यांग आत्मनिर्भर झाले आहेत.

कोरोना काळात काजू प्रक्रिया प्रकल्प अडचणीत आला; मात्र बजाज उद्योग समूहाच्या CSR निधीतून तब्बल २ कोटी २६ लाखांची मदत मिळाल्याने हा प्रकल्प पुन्हा नव्या जोमाने सुरू झाला.

नसिमा दिदींच्या कार्याचा गौरव माजी राष्ट्रपती डॉ. ए.पी.जे. अब्दुल कलाम, माजी पंतप्रधान अटल बिहारी वाजपेयी, डॉ. मनमोहन सिंग, स्व. बाळासाहेब ठाकरे, लता मंगेशकर, अभिनेते आमिर खान, नाना पाटेकर आदी मान्यवरांच्या हस्ते झाला आहे.

*दिदींच्या ७५व्या वाढदिवशी नवे स्वप्न*

या वाढदिवसाच्या दिवशीच कोल्हापूर जिल्ह्यातील कागल तालुक्यातील करनूर येथे २० हजार चौ.फुट बांधकाम असलेले दिव्यांग पुनर्वसन संकुल उभारणीस सुरुवात होणार आहे. तब्बल १० कोटी रुपयांच्या या प्रकल्पाचे भूमिपूजन खासदार शाहू महाराज छत्रपती यांच्या अध्यक्षतेखाली, तर प्रमुख अतिथी म्हणून मंत्री चंद्रकांत पाटील, हसन मुश्रीफ, प्रकाश आंबिटकर तसेच खासदार धनंजय महाडिक व धैर्यशील माने यांच्या उपस्थितीत होणार आहे.

दिव्यांगांच्या वेदनांना आपल्या कार्यातून बळ देणाऱ्या नसिमा दिदींविषयी साहस कोल्हापूरचे विश्वस्त ॲड. नकुल पार्सेकर म्हणाले

“धडधाकट माणसांना जे जमणार नाही ते कार्य नसिमा दिदी गेली ५५ वर्षे करत आहेत. चाकाच्या खुर्चीला खिळूनही त्यांनी हजारो दिव्यांगांच्या पंखात उडण्याची ताकद दिली. त्यांच्या ७५व्या वाढदिवशी नव्या प्रकल्पाचे भूमिपूजन म्हणजेच दिव्यांग जगतासाठी खऱ्या अर्थाने एक उत्सवच आहे.”

दिव्यांगांच्या चेहऱ्यावरचे हास्य हेच आपले खरे बळ मानणाऱ्या डॉ. नसिमा दिदींना ७५व्या वाढदिवसानिमित्त मनःपूर्वक शुभेच्छा!

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_