🛑सिंधुदुर्ग विकला जातोय – आणि आपण गप्प का आहोत?”

*🛑सिंधुदुर्ग विकला जातोय – आणि आपण गप्प का आहोत?”*

 

*🛑केळी आणि अननसच्या लागवडी खाली होतेय गांजाची लागवड व सापाच्या विषाची तस्करी.*

 

*🛑विकणारे स्थानिक उच्चभ्रू व उच्चविद्याविभूषित पण दलाल.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०४:-* कधी नव्हे तो सुवर्णकाळ – आणि आज विक्रीचा गाळ सिंधुदुर्ग! ज्याचं नाव घेताच डोळ्यांसमोर उभं राहतं – खोल निळा समुद्र, हिरवाईने नटलेला सह्याद्री, आणि मातीतून उगवलेली माणसं.

पण आज, हाच समुद्रकिनारा, हीच सह्याद्रीची डोंगररांग आणि हीच निसर्गसंपदा ‘विक्रीस उपलब्ध’ झालेली आहे.कोकणात जे घडतंय, ते केवळ जमिनीच्या विक्रीपुरतं नाही;

ते एका संस्कृतीच्या, एका अस्मितेच्या, आणि संपूर्ण पिढीच्या भविष्याच्या होळीत टाकण्यासारखं आहे.

*शेतकरी शेतात नाही – आता शहरात मजूर*

एक काळ होता – जिथे सिंधुदुर्गात शेतकऱ्याचं वर्चस्व होतं.

आज तोच शेतकरी आपल्या जमिनीवर नाही, तर शहरात इमारतींच्या बांधकामावर विटा उचलतोय.कधी एका गुंडाळीच्या बदल्यात विकलेली जमीन, आता कोट्यवधींच्या व्यवहारात नोंदली जाते पण त्या व्यवहारात शेतकऱ्याचं नावही नसतं.कौलारू घरातली स्वप्नं बाळगणारा शेतकरी, आज इमारतीत पाहुणा झालाय.

*दलालीची ‘क्रांती’ – स्थानिकांनीच केली सुरुवात*

काहींनी जमिनीवरचं प्रेम गहाण ठेवलं आणि जमिनीचं मूल्य पाहून मोहरलं.

पैशाच्या मोहात, दलालीची चव चाखली.सुरुवातीला ‘चपराशी ते सरपंच’ भूमिकेत असलेले काहीजण आता “विमान प्रवास करणारे जमिनदार” बनले.परंतु हे दलाल कोण? हे परप्रांतीय नाहीत… हे आपलेच.

कोणीतरी नात्यातला मामा, वर्गातला मित्र, किंवा गावातला भावकीतला.

*जमिनीचा व्यवहार की फसवणूक?* – ‘रुपयाच्या जागेवर दहा’दलालांनी हळूहळू ‘शेतीचे भूखंड’, ‘होमस्टे प्रोजेक्ट’, ‘रीट्रीट व्हिलेज’, ‘सेकंड होम्स’ अशा मोहक शब्दांत समुद्रकिनारे आणि डोंगर विकले.

बाबांनी जोपासलेली २ एकर शेती, एका ब्रोकर्सच्या नोटबुकात ४ प्लॉट्समध्ये विभागली गेली.

आणि एवढं करूनही आज त्या जमिनीवर ना प्रकल्प उभा राहिला, ना रोजगार मिळाला –मात्र तिथला शेतकरी बेघर झालाय.

*अननस-केळी’च्या आडून गांज्याची झाडं* – कोकणातली नवीन वाळवंटं सह्याद्रीच्या कुशीत आज हिरवाई कमी, धोकादायक हरितकृत्यं वाढली आहेत.केरळमधून आलेल्या गुंतवणूकदारांनी “जैविक शेती”च्या नावाखाली गांज्याची शेती सुरु केली.

जिल्ह्याच्या आतल्या भागातल्या काही भागांत – अनधिकृत गांजाची शेती मोठ्या प्रमाणावर होत असल्याची माहिती आता बाहेर येतेय.

तसंच या गांज्याचं जाळं आता महाविद्यालयांपर्यंत पोहोचलंय.

कॉलेजमधील युवक-युवतींचं आयुष्य मुळापासून उध्वस्त होण्याच्या मार्गावर आहे.

*पोलिस, प्रशासन आणि राजकारणी – एकत्रच गप्प*

या सगळ्यावर लक्ष ठेवणं ज्या संस्थांचं कर्तव्य आहे, त्या डोळ्यावर पट्टी बांधून गप्प बसल्या आहेत.

पोलिसांनी कारवाई केली, पण ती केवळ फोटोसाठी.प्रशासनाकडे तक्रारी गेल्या, पण त्यांना ‘दडपून टाका’ हे आदेश कुठून तरी मिळालेले.राजकारणी तर या व्यवहारात “मूक सहभाग” घेत आहेत, हे आता उघड गुपित झालंय.

*कोकण विकलं जातंय, आणि त्याचं संकल्पनात्मक पितळ उघडं पडतंय*

आजच्या कोकणात असं एक “शक्तिशाली नेटवर्क” तयार झालंय*

विक्री करणारे आपलेच,खरेदी करणारे बाहेरचे.एजंट आपल्या ओळखीचे

फायदे खिशात भरणारे बाहेरचे जमीन गेल्यावरच शुद्धीवर आलेली माणसं, आता त्या जमिनीवर बेकायदेशीर बांधकाम झालंय म्हणून उपोषण करतात.पण खरं कारण – तीच जमीन पुन्हा परत मिळवून, पुन्हा विकता येईल का? ही आशा.

*आता तरी थांबा! – शिल्लक जमिनीचं रक्षण करा*

ज्यांच्याकडे अजूनही थोडी जमीन उरली आहे, त्यांनी ती फक्त पैशाच्या झगमगाटासाठी विकू नये.

कारण – जमीन गेली की स्वतंत्रता जाते, ओळख जाते, आणि मातीवरचा हक्कही जातो.जमीन फक्त पिढ्यानं पिढ्याला मिळणारी मालमत्ता नाही – ती संस्कृती आहे.

*कोकणात जागे होणं आवश्यक* आहे!तुमच्या गावातल्या जमिनींबाबत कोण काय व्यवहार करतंय, यावर लक्ष ठेवा.जमीन विक्रीसाठी येणाऱ्या प्रत्येक एजंटवर प्रश्न विचारा.

स्थानिक स्वराज्य संस्थांनी आणि ग्रामपंचायतींनी अशा व्यवहारांना सशक्त विरोध केला पाहिजे.

नवीन पिढीने जमिनीच्या किमतीपेक्षा तिचं अस्तित्व समजून घेतलं पाहिजे.

*शेवटचा आग्रह* – कोकण वाचवा

जमिनीची रक्षा करा, निसर्गाची रक्षा करा, आणि संस्कृतीची रक्षा करा.

कारण ज्याचं काही उरलेलं नाही, त्याला जगण्याचा अधिकार उरत नाही.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_