🛑”सिंधुदुर्ग विकणे आहे” – जिल्ह्याची आजची वास्तव परिस्थिती आणि दिवंगत वकील डी. डी. देसाई यांचे दूरदर्शी चिंतन.

*🛑”सिंधुदुर्ग विकणे आहे” – जिल्ह्याची आजची वास्तव परिस्थिती आणि दिवंगत वकील डी. डी. देसाई यांचे दूरदर्शी चिंतन.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- २५:-*”सिंधुदुर्ग जिल्हा विकणे आहे – घरा-दारासह, तुळशी वृंदावन सहित” अशी धक्कादायक पण वास्तवदर्शी जाहिरात काही वर्षांपूर्वी स्थानिक वृत्तपत्रांत प्रसिद्ध झाली होती. ही जाहिरात होती स्व. अॅड. डी. डी. देसाई यांची – शिवसेनेचे तत्कालीन जिल्हाप्रमुख, प्रख्यात वकील आणि खऱ्या अर्थाने जिल्ह्याच्या वेदना समजून घेणारे सजग व्यक्तिमत्व.

तेव्हा अनेकांनी त्यांच्या या जाहिरातीची खिल्ली उडवली, काहींनी टीका केली, तर काहींनी ती एक भावनिक प्रतिक्रिया मानली. परंतु आजच्या परिस्थितीकडे लक्ष दिल्यास त्यांचे दूरदृष्टीने केलेले वक्तव्य अक्षरशः सत्यात उतरले आहे. आज हा जिल्हा खऱ्या अर्थाने विकला जात आहे – एकेक तुकड्याने, एकेक डोंगर, एकेक समुद्रकिनारा, एकेक शिवार परप्रांतीयांच्या ताब्यात जात आहे आणि स्थानिक दलालांनी त्यात महत्त्वाची भूमिका बजावली आहे.

*समृद्ध कोकणाची उच्चभ्रूंच्या हाती लिलाववाटप*

सावंतवाडी, मालवण, कणकवली, कुडाळ, वेंगुर्ला, वैभववाडी ही जिल्ह्यातील महत्त्वाची शहरे – या भागातील मोक्याच्या व निसर्गरम्य जागा आता स्थानिक उच्चभ्रू दलालांनी परप्रांतीय उद्योगपती, सिने कलाकार आणि भांडवलदारांच्या गळ्यात घालून दिल्या आहेत.

हे दलाल अनेकदा उच्चशिक्षित असून, मूळ व्यवसाय किंवा नोकरी सोडून त्यांनी जमीनखरेदी-विक्रीचा व्यवहार सुरू केला आहे. काहींच्या तर महिन्यातून पाच वेळा दिल्लीवारी होत असल्याची माहिती आहे. त्यातून त्यांनी स्वतःसाठी करोडो रुपयांची मालमत्ता उभी केली आहे.

*सह्याद्रीचे डोंगर उजाड, वन्यजीव रस्त्यावर*

सिंधुदुर्गातील सह्याद्री पट्ट्यातील अनेक गावे, विशेषतः सावंतवाडी तालुक्यातील डोंगराळ भाग – झाडींनी, वनस्पतींनी समृद्ध असलेले हे डोंगर आता उजाड होऊ लागले आहेत. जमीनविक्रीच्या व्यवहारातून वन्य प्राणी घरटे गमावून रस्त्यावर आले आहेत. त्यांच्या वस्तीमध्ये मानवी अतिक्रमण वाढले असून, वन्यजीव-मानव संघर्षात वाढ होत आहे.

*चरस-गांजाचे संकट आणि परप्रांतीय लागवडीचा धोकादायक परिणाम*

केरळ व इतर राज्यांतील परप्रांतीय लोक या उजाड जागांवर शेतीच्या नावाखाली अनेक प्रकारच्या लागवडी करत आहेत. यामध्ये जांजाच्या नावाखाली चरस-गांजाच्या लागवडीचा संशय व्यक्त केला जात आहे. ही एक नव्या स्वरूपाची, पण गंभीर समस्या जिल्ह्यासमोर उभी राहत आहे.

*विक्रीतून गमावलेली पारंपरिक वारसा जागा*

वाडवडील, पूर्वजांनी जपून ठेवलेली घरे, वाडे, शिवार, देवळे – हे सर्व हलक्या किंमतीत दलालांच्या माध्यमातून विकले गेले. विक्रेत्यांच्या हाती फक्त काही हजार किंवा लाख रुपये पडले, तर दलालांच्या बँक खात्यांमध्ये कोट्यवधींची उलाढाल झाली.

ज्यांना आपली वडिलोपार्जित जमिनी विकाव्या लागल्या, त्यांच्यासाठी ही व्यवहाराची किंमत केवळ आर्थिक नाही, ती भावनिक आहे. आपल्या मातीशी असलेले नातेच जणू तुटल्याची भावना आज अनेक गावकऱ्यांच्या मनात आहे.

*आणखी किती विकायचे? – जागतिकीकरणाच्या नावे गावांची लिलाव प्रक्रिया सुरूच*

सिंधुदुर्गातील खेड्यांना पर्यटनस्थळे बनवण्याच्या नावाखाली आज भूमीव्यवस्था मोडीत निघाली आहे. विकासाच्या नावाखाली जे सुरू आहे, ते खरेच जिल्ह्याच्या विकासासाठी आहे की फक्त काही मोजक्यांच्या आर्थिक फायद्यासाठी?

या सगळ्या पार्श्वभूमीवर कै. अॅड. डी. डी. देसाई यांनी काही दशकांपूर्वी दिलेली “सिंधुदुर्ग विकणे आहे” ही जाहिरात आठवणे केवळ स्वाभाविकच नाही, तर ती आजची वास्तव परिस्थिती अधोरेखित करणारी ठरते.

जर आज ते हयात असते, तर जिल्ह्याची झालेली वाताहत पाहून ते ढसाढसा रडले असते – ही भावना जिल्ह्याच्या असंख्य सजग नागरिकांच्या मनात आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_