🛑अहिल्याबाई होळकरांचे सांगलीशी ऋणानुबंध.

*🛑अहिल्याबाई होळकरांचे सांगलीशी ऋणानुबंध.*

 

*🛑पटवर्धन घराण्यातील व्यक्तींना केली मदत.*

 

*🛑सुखरूप घडवून आणल्या काशीयात्रा.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सिंधुदुर्ग, दि- ३१:-* मराठेशाहीतील कर्तबगार राज्यकर्त्या, महासाध्वी, पुण्यश्लोक अहिल्याबाई होळकर यांचे सांगली-मिरजेशी ऋणानुबंध होते. येथील पटवर्धन घराण्याशी त्यांचे जिव्हाळ्याचे संबध होते. पटवर्धन घराण्यातील राजस्त्रिया व सांगली-मिरज परिसरातील तत्कालीन भाविकांनी केलेल्या काशीयात्रांसाठी अहिल्याबाईंनी सर्वप्रकारे मदत केली. जिल्हय़ातील भाविकांची काशीयात्रा सुखरूप व्हावी, यासाठी त्यांना प्रसंगी संरक्षणही पुरविले. प्रसिध्द सरदार गोपाळराव पटवर्धन यांच्या पत्नी सरस्वतीबाईंनी सन 1783 मध्ये केलेल्या काशीयात्रेवेळी अहिल्याबाईंनी त्यांना हरप्रकारे मदत करून संरक्षण दिले होते. सरदार मोरो बल्लाळ पटवर्धन यांच्या मातोश्रींनाही अहिल्याबाईंनी मदत केली होती. उत्तर भारतात विविध प्रसंगी गेलेल्या येथील नागरिकांसाठी अहिल्याबाई आधारस्तंभ बनल्या होत्या.

अहिल्याबाई होळकर या मराठेशाहीतील कर्तबगार महिला होत. आपल्या कर्तृत्त्वाने, मुत्सद्देगिरीने त्यांनी तत्कालीन राजकारणावर ठसा उमटविला होता. त्या दानशूर आणि धार्मिक वृत्तीच्या होत्या. त्यांनी मंदिरे, घाट, विहीरी, अन्नछत्रे उभारली. उत्तर भारतात आपले राज्य मोठय़ा हिकमतीने करणाऱ्या अहिल्याबाईंचे सांगली-मिरज परिसरातील पटवर्धन राजघराण्याशी जिव्हाळ्याचे संबंध होते. सांगली-मिरज भागातून उत्तर भारतात जाणाऱ्या भाविकांना त्या सढळ हाताने मदत करीत.

*सरस्वतीबाईंच्या काशीयात्रेला मदत*

प्रसिध्द सरदार आणि साडेतीन रावांपैकी एक राव गोपाळराव पटवर्धन यांच्या पत्नी सरस्वतीबाई यांनी केलेली काशीयात्रा ही तत्कालीन मोठी यात्रा होती. सन 1783 च्या ऑक्टोंबर महिन्यात त्यांची यात्रा सुरू झाली. या यात्रेत सध्याच्या सांगली जिल्ह्याच्या बहुतांशी भागातून शेकडो लोक सहभागी झाले होते. गोपाळरावांसारख्या एका मोठ्या सरदाराच्या पत्नीची ही काशीयात्रा असल्याने त्यांच्याबरोबर हत्ती, घोडे, उंट, पालखी, डोल्या असा मोठा सरंजाम होता. पेशव्यांनी सरस्वतीबाईंची यात्रा सुखरूप व्हावी, यासाठी महादजी शिंदे आणि अहिल्याबाई होळकर यांना पत्रे लिहिली होती. वाटेतील निरनिराळ्या तीर्थक्षेत्रांना भेटी देत ही यात्रा महेश्वरनजीक रेवा नदीच्या तीरावर पोहचली.

*अहिल्यादेवी आणि सरस्वतीबाईंची भेट*

सरस्वतीबाई महेश्वरनजीक आल्या तेव्हा अहिल्याबाई होळकर भिल्लांच्या बंडाचा बिमोड करण्यात गुंतल्या होत्या. त्यांनी महेश्वर येथे असलेल्या अधिकाऱ्याला पत्र लिहून सरस्वतीबाई बरोबर आलेली यात्रा सुखरूप नदीपार करण्याची आज्ञा केली. त्याबरहुकुम नावा जमा करून सरस्वतीबाईंबरोबर आलेली यात्रा नदीपार करण्यात आली. त्यानंतर अहिल्याबाई स्वतः यात्रेच्या दर्शनास गेल्या. त्यावेळी तोफांचे बार करण्यात आले. दुसऱ्या दिवशी अहिल्याबाईंनी यात्रेतील ब्राम्हणास व गोरगरिबांस शिधा आणि प्रत्येकी एक रूपया दक्षिणा दिली. सरस्वतीबाईंनी 13 डिसेंबर 1783 रोजी मिरजेला आपले दीर गंगाधरराव पटवर्धन यांना लिहिलेल्या पत्रात अहिल्याबाईंच्या भेटीची हकीकत नमूद केली आहे. त्यात त्या म्हणतात, ‘अहिल्याबाई यांनी भेटीविशी फार आग्रह केला. त्याजवरून आम्ही व चिरंजीव भवानीवहिनी व चिरंजीव राजश्री सुभेदार व चिरंजीव राजश्री बळवंतराव व राजश्री गोविंदपंतनाना ऐसे भेटावयास गेलो होतो. भेट जाहली. बोलणे चालणे चार घटका जाहले. त्यांनी सांगितले की, कंगाल भारी आहेत. वाटेने हुल्लड करीतात. फार सावधपणे जावे.’

*अहिल्याबाईंनी दिले शंभर राऊतांचे पथक*

सरस्वतीबाईंच्या या काशीयात्रेवेळी उत्तर भारतातील अनेक भागात दुष्काळ पडला होता. त्यामुळे कंगाल लोकांच्या टोळ्या लुटालुट करीत फिरत होत्या.वाटेत दरोडेखोरांचा धुमाकूळ सुरू होता. त्यामुळे यात्रा महेश्वरच्या पुढे न्यावी, की नको, याबाबत सरस्वतीबाई संभ्रमात पडल्या. मात्र, पुढे उज्जैनी, भेलशापर्यंत आपलेच राज्य आहे, त्यामुळे तेथपर्यंत जावे, असा निर्णय त्यांनी घेतला. हा मनसुबा अहिल्याबाईंनाही पसंत पडला. अहिल्याबाईंनी उज्जैनीपर्यंतच्या आपल्या कमाविसदारांना आणि पुढच्या हद्दीसाठी महादजी शिंदे यांना पत्रे लिहून सरस्वतीबाईंची यात्रा सुखरूप करण्यास सांगितले. त्यांनी आपले शंभर राऊतही सरस्वतींबाईंच्या यात्रेच्या रक्षणासाठी उज्जैनीच्या हद्दीपर्यंत पाठवून दिले. अहिल्याबाई होळकर यांनी काशीयात्रेसाठी निघालेल्या सांगली जिल्ह्यातील या यात्रेसाठी सर्वप्रकारची मदत केली. अहिल्याबाईंच्या या मदतीचा कृतज्ञतापूर्वक उल्लेख सरस्वतीबाईंनी तत्कालीन पत्रात केला आहे. सांगलीहून दूर अशा प्रांतात गेलेल्या येथील यात्रेकरूंची काशीयात्रा अहिल्याबाईमुळे सुरक्षीत पार पडली.

*मोरो बल्लाळांच्या मातोश्रींची यात्रा*

सरस्वतीबाई पटवर्धन यांच्याबरोबरच मिरजेच्या मोरो बल्लाळ पटवर्धन यांच्या मातोश्रींनीही सन 1785 मध्ये काशीयात्रा केली होती. त्यासाठीही मिरज आणि सांगली परिसरातून शेकडो यात्रेकरू जमले होते. या यात्रेसाठी सवाई माधवराव पेशव्यांनी अहिल्याबाई होळकर आणि महादजी शिंदे यांना पत्रे लिहून मिरजेतील यात्रेकरूंची सोय करण्याच्या सूचना केल्या होत्या. सवाई माधवरावांनी अहिल्याबाई आणि महादजी शिंदे यांना लिहीलेली ही दोन्ही अस्सल पत्रे मिरज इतिहास संशोधन मंडळाच्या कुमठेकर संग्रहात आहेत. ही यात्राही सुमारे चार- सहा महिने चालली.

*सांगली-मिरजेशी होळकर घराण्याचा स्नेह*

सांगली-मिरजेतील तत्कालीन पटवर्धन सरदारांच्या पत्रांत अहिल्याबाईंच्या मुत्सद्दी राजकारणाचे वर्णन वारंवार येते. होळकर घराण्याचा पटवर्धन सरदारांच्या घराण्याशी असलेला स्नेहबंध पुढे संस्थानकाळात टिकून राहिला. होळकरांच्या विविध कार्यक्रमांची निमंत्रणे सांगली मिरजेतील पटवर्धन संस्थानिकांना आवर्जुन आलेली दिसतात.

*सविस्तर बातमीसाठी खालील लिंक वर क्लिक करा…….👇👇👇👇*

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_