🛑कासार्डेतील अवैध मायनिंगचा आका कोण?

*🛑कासार्डेतील अवैध मायनिंगचा आका कोण?*

 

*🛑अवैध सिलिका उत्खनन व वाहतुकीप्रश्नी ठाकरे शिवसेनेचा प्रांताधिकाऱ्यांना सवाल.*

 

*🛑प्रांताधिकारी कार्यालयासमोर धरणे आंदोलन.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कणकवली, दि- २१:-* कासार्डेतील अवैध सिलिका उत्खनन व वाहतुकीबाबत तक्रार करून संबंधितांवर कारवाई होत नसल्याने शिवसेना उबाठा पक्षाच्या नेतेमंडळींनी प्रांताधिकारी जगदिश कातकर यांच्यावर प्रश्नांचा भडिमार करीत जाब विचारला. महसूल यंत्रणा पालकमंत्र्यांच्या दबावाखाली काम करीत आहे का? महसूल यंत्रणेचा अवैध सिलिका उत्खनन व वाहतूक रोखण्यासाठी खरच कंट्रोल आहे का? सिलिका उत्खनन करणारी एमएमसी कंपनीला महसूल विभागाचे अभय आहे का? कासार्डेतील अवैध मायनिंगचा आका कोण? असे सवाल करीत प्रांताधिकाऱ्यांना नेतेमंडळींनी धारेवर धरले. कासार्डे परिसरात अवैधरीत्या सिलिका उत्खनन व वाहतूक होत नाही, अशा आशयाचे लेखीपत्र आम्हाला द्यावे, तोपर्यंत आम्ही आपल्या दालनातून हलणार नाही, असा पवित्रा घेतला. यावर नागसावंतवाडी परिसराची मी १ मे रोजी पाहणी केली आहे. पाहणीदरम्यान मला अवैध सिलिका उत्खनन होत नसल्याचे आढळून आलेले नाही. अवैध सिलिका उत्खनन व वाहतूक प्रश्नी महसूल यंत्रणेकडून चौकशी सुरू आहे. चौकशीचा अहवाल तहसीलदारांकडून आल्यानंतर त्याची माहिती येत्या ८ दिवसांत आपणास दिली जाईल, असे आश्वासन श्री. कातकर यांनी दिले. ८ दिवसांत सिलिका उत्खनन व वाहतूक करणाऱ्यांवर कारवाई न झाल्यास पुन्हा आपली भेट घेणार असल्याचे सांगून शिवसैनिकांनी धरणे आंदोलन मागे घेतले. आंदोलनदरम्यान पोलीस बंदोबस्त होता.

कासार्डे परिसरातील अवैध सिलिका उत्खनन व वाहतूक प्रश्नावरून शिवसेना उबाठा पक्षाच्यावतीने प्रांताधिकारी कार्यासमोर धरणे आंदोलन छेडले. ‘बेकायदेशीर खाण उत्खनन करणाऱ्या एमएमसी कंपनीची चौकशी झाले पाहिजे’, कासार्डे मायनिंगला पाठीशी घालणाऱ्या अधिकाऱ्यांचा जाहीर निषेध असो’, ‘कासार्डे येथील अवैध मायनिंगचा आका कोण’, ‘शासनाच्या महसूल बुडविणाऱ्या अधिकाऱ्यांचा जाहीर निषेध असो’, ‘शिवसेना उबाठा पक्षाचा विजय असो, ‘अवैध सिलिका उत्खनन व वाहतूक प्रश्नी हप्ते घेणे बंद करा बंद करा’, ‘शिवसेनाप्रमुख बाळासाहेब ठाकरे यांचा विजय असो, ‘उद्धव ठाकरे तुम्ह आगे बढो हम तुम्हारे साथ है’, अशी घोषणाबाजी करत शिवसेनेच्या नेते, पदाधिकारी, शिवसैनिकांनी कार्यालयावर धडक देण्यासाठी आले असता पोलिसांनी त्यांना गेटबाहेर रोखले. यावरून संतप्त झालेल्या शिवसैनिकांनी चर्चेसाठी प्रांताधिकाऱ्यांना कार्यालयाबाहेर बोलवा, अशी भूमिका घेतली. अखेर पोलीस निरीक्षक मारुती जगताप यांनी प्रांताधिकारी जगदीश कातकर यांच्याशी चर्चा केली. चर्चेअंती कातकर यांनी शिवसेनेच्या नेते, पदाधिकाऱ्यांना चर्चेसाठी आपल्या दालनात बोलून घेतले. यावेळी माजी आमदार परशुराम उपरकर, राजन तेली, वैभव नाईक, माजी जि.प.अध्यक्ष सतीश सावंत, युवसेनेचे जिल्हाप्रमुख सुशांत नाईक, तालुकाप्रमुख डाॅ. प्रथमेश सावंत, युवासेनेचे तालुका समन्वयक तेजस राणे, रुपेश आमडोसकर, राजू राठोड, माधवी दळवी, वैदही गुडेकर, धनश्री मेस्त्री, प्रतिभा अवसरे, सिद्धेश रावराणे, विलास गुडेकर, वैभव मालंडकर, अजित काणेकर आदी यांच्यासह शिवसैनिक उपस्थित होते.

*सविस्तर बातमीसाठी खालील लिंक वर क्लिक करा…….👇👇👇👇*

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_