🛑 अवकाळी पावसाच्या तडाख्याने विद्युत वितरण कंपनीचे अधिकारी तोंडावर पडले..बत्तीशी निखळली, तरी रूबाब नाही गेला

🛑 ग्राहकांना लुबाडणारी ही तर इंग्रजांनी स्थापन केलेली ईस्ट इंडिया कंपनी

🛑 उंटावरुन शेळ्या हाकणारे अधिकारी जिल्ह्याला लाभल्याने विद्यूत वितरणचे वाजले तीन तेरा

🛑 गोर-गरीब ग्राहकांना वेठीस धरणारे राक्षे नव्हे तर राक्षस अधिकारी नाॅट रिचेबल

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सिंधुदुर्ग,दि-२१:- विद्युत वितरण महामंडळाचे खाजगीकरण केले तेव्हा अटी आणि शर्ती विद्यूत वितरण कंपनीला घालून करार केला गेला.त्या करारातील अटी आणि शर्ती चे तंतोतंत सोडाच तंतू भर तरी पालन झालेले कुठेच दिसून येत नाही. ही विद्युत वितरण कंपनी म्हणजे इंग्रज राजवटीत ग्राहकांना लुबाडण्यासाठी स्थापन केलेली ईस्ट इंडिया कंपनी आहे असेच म्हणावे लागेल, कारण नको ते अधिभार ग्राहकांच्या माती मारून ते त्यांच्याकडून वसूल करून घेण्यात हे अधिकारी तरबेज असतात ,प्रसंगी एखाद्या गरीब ग्राहकाचे विज बिल भरायचे राहिले तर त्याला कोणतीही पूर्वकल्पना न देता त्याचा विद्युत पुरवठा कापला जातो व तो पुन्हा जोडण्यासाठी सर्व चार्ज लावून तो सुरू केला जातो याचाच अर्थ ग्राहकांची आर्थिक लुबाडणूक करण्यासाठी इंग्रज राजवटी प्रमाणे ही विद्यूत वितरण कंपनीच्या नावाखाली शासनाने पुन्हा एकदा ईस्ट इंडिया कंपनी स्थापन केली आहे.

दिवसाला एक ,दोन तास विद्युत पुरवठा नेहमीच खंडित होत असतोच मात्र त्यात कोणतीही सुधारणा न करता प्रत्येक सोमवारी किरकोळ दुरुस्तीच्या नावाखाली विद्युत पुरवठा खंडित केला जातो .सोमवार हा विद्युत वितरण कंपनीचा वाढदिवसाचा दिवस म्हणून त्या दिवशी जोडणी ,दुरुस्ती वैगरे असते म्हणून ग्राहक गप्प बसतात.मात्र विद्यूत वितरण कंपनीचे अधिकारी फक्त चेंबरमध्ये बसून उंटावरून शेळ्या हाकण्याचे काम करतात ,त्यामुळे पावसाळ्यापूर्वी विद्युत वाहिन्यांची जी खबरदारी घ्यायला पाहिजे ती घेतली जात नाही,कुठचे विद्युत खांब धोकादायक आहेत,कुठच्या विद्युत खांबावर झाडांचा धोका आहे, याचा कुठेही सर्वे केला जात नाही फक्त हा सर्व्हे कागदोपत्री दाखवून विद्युत पुरवठा करणाऱ्या लाइन वरील झाडे तोडल्याचे दाखवून संबंधित ठेकेदारांना हाताशी धरून हा पैसा हडप केला जातो, त्यामुळे पहिल्याच पावसात विद्युत वितरण कंपनीचे अधिकारी दरवर्षी नाकावर आपटतात.

ज्या अधिकाऱ्यांना या जिल्ह्याच्या जनतेशी काहीही देणेघेणे सोयरसुतक नाही असे अधिकारी या जिल्ह्यात असल्याने आपले इच्छित साध्य करायचे व ठेकेदारांकडून मलीदा लुटायची एवढेच काम हे विद्यूत वितरण कंपनीचे अधिकारी करत असतात असा आमचा स्पष्ट आरोप आहे. रस्त्यावर लोंबकळणाऱ्या विद्युत तारा धोकादाय स्थितीत आहेत अशा वारंवार तक्रारी करूनही त्याची दखल घेतली जात नाही व याच विद्यूत तारा कोसळून अनेकांचे बळी घेतले गेले आहेत,अनेक मुक्या प्राण्यांचे बळी गेले आहेत, तरी निर्ढावलेले हे गेंड्याच्या कातडीचे अधिकारी सोकावलेले आहेत,मस्तावलेल्या रान डुक्करा सारखे खाऊन पिऊन लोळत आहेत यांना जनतेच्या, व्यापाऱ्यांच्या सुखदुःखाशी काही देणे घेणे नाही.

विद्यूत वितरण कंपनीशी सरकारने करार करताना ज्या अटी आणि शर्ती घातल्या आहेत त्याचे तंतोतंत पालन केले जाते का? ही कंपनी टोल नाक्या प्रमाणे ग्राहकांना लुबाडत आहे,याकडे कोणाचेच लक्ष नाही किंवा संबंधित खात्याचे मंत्री ही मुग गिळून गप्प बसले आहेत.वास्तवीक नियमाप्रमाणे विद्यूत पुरवठा अर्ध्या तासाच्या वर खंडीत राहिला तर विद्यूत वितरण कंपनीला पुढच्या प्रत्येक तासाला दंडाची रक्कम आकारली जाते ,मात्र ही रक्कम आज पर्यंत किती ग्राहकांनी वसूल केली हा ही एक संशोधनाचा विषय आहे.

विद्यूत पोलापासून जी आपल्या मिटर पर्यंत सर्व्हिस लाईन येते ती खराब झाली, तुटून पडली तर विनामुल्य विद्यूत वितरण कंपनीने ती ग्राहकाला जोडून द्यायला हवी ती द्यायचे सोडाच ..ग्राहकांना ती विकत आणायला लावून ती जोडण्याचा सर्विस चार्ज भरल्यानंतरच घरातील विद्यूत पुरवठा सुरू होतो, म्हणजे कंपनीशी करार करताना ज्या अटी शर्ती घातल्या गेल्यात त्या कशा धुळीस मिळविल्या जातात त्याचे हे जिवंत उदाहरण आहे,असा आजतागायत किती पैसा या ईस्ट इंडिया कंपनीने ग्राहकांकडून ओरबाडून घेतला असेल,अशा अधिकाऱ्यांची खेटरानेच पूजा केली पाहिजे असे आमचे स्पष्ट मत आहे.

ग्राहक हे दैवत आहे, त्यांच्या बिलातून अधिकाऱ्यांचा पगार घातला जातो मात्र हेच ग्राहक त्यांच्या देण्यात येणाऱ्या सेवेबद्दल जाब विचारायला गेले तर त्यांच्यावर सरकारी कामात अडथळा केला म्हणून गुन्हा दाखल केला जातो. सरकारने कंपनीशी करार केला म्हणून ती कंपनी सरकारी होते का? एखाद्या कंपनीला शासनाचे नियम लावायचे असतील तर ती कंपनी शासनाने घालून दिलेल्या नियमांचे पालन करते का?हा ही संशोधनाचा विषय आहे. मात्र ग्राहकांच्या सहनशीलतेचा अंत झाला की उद्रेक होतो व आंदोलने होतात त्यातून तोडफोड होते आणि ज्या ग्राहकांच्या वीज बिलातून या अधिकाऱ्यांचे पगार व कंपनीचे लाड पुरविले जातात त्याच ग्राहकांना आरोपी केली जाते. म्हणजे या लोकशाहीमध्ये दाद मागणे हा सुद्धा गुन्हा आहे,दाद मागायला गेल्यानंतर त्याच्यावर खटला दाखल केला जातो म्हणजे ही हुकूमशाही नाही का? मग ती हुकूमशाही कोणी निर्माण केली ?त्याला कोणी खत पाणी घातले? आणि हे सर्व कोण? कोणासाठी करतो? हा ही संशोधनाचा विषय आहे. विद्युत वितरण कंपनीचे लागेबांधे खाली पासून वर पर्यंत आहेत ,सर्वजण याला जबाबदार आहेत .फक्त तू मारल्यासारखे कर मी रडल्यासारखे करतो असे नाटक शासन व कंपनी करत असतात व त्या नाटकाला ग्राहक मात्र बिचारा बळी पडतो एवढे मात्र निश्चित.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_