🛑 सिंधुदुर्ग जिल्ह्याची बीड शी तुलना करून जिल्ह्याचे, सामाजिक , सांस्कृतिक आर्थिक नुकसान करीत असल्याने हे पाप विरोधक कुठे फेडणार

🛑 औरंगजेबाला जसे जळी,स्थळी पाण्यात सुध्दा संताजी धनाजी दिसत होते तसे वैभव नाईक यांना नितेश राणे,निलेश राणेच सर्वत्र दिसतात

🛑 पालकमंत्री नितेश राणे व आमदार निलेश राणे यांची विकासाची गाडी सुसाट म्हणून विरोधक सैरभैर

🛑 विरोधकांचे आकावरील प्रेम अधिक ,त्यांनी बीड मध्ये जाऊन आकाचा जप करावा

🎥 KOKAN LIVE BREAKING || NEWS CHANNEL

✍️ संपादकीय: सीताराम गावडे

🎴सिंधुदुर्ग, दि-१७:– सिंधुदुर्ग जिल्ह्यात शिवसेना उबाठा, काॅग्रेस, राष्ट्रवादी, राजकीय अस्तित्वात साठी धडपडत असल्याचे दिसून येत आहे, सिंधुदुर्ग जिल्ह्याची बीड शी तुलना करुन फेक नरेटीव्ह पसरविण्याचे काम विरोधकांकडून पध्दतशीर पणे केले जात आहे, या जिल्ह्यातील आका कोण? असे प्रश्न विचारले जात आहेत,मुळात शांत, सुसंस्कृत जिल्ह्याची बीड शी तुलना करुन चांगले वातावरण दुषीत करण्याचे काम माजी आमदार वैभव नाईक करीत आहेत.

सुरवातीला,शिवपुतळा दुर्घटना, नंतर बिडवलकर खून प्रकरण आता दोन लाचलुचपत खाली पकडले गेलेले व नंतर सेवेत रुजू झालेले सर्कल यांनी मुख्यमंत्र्यांचे केलेले स्वागत यावरून पालकमंत्री नितेश राणे व बिडवलकर प्रकरणी निलेश राणे यांना घेरण्याचा प्रयत्न करून साप साप म्हणून भुई थोपटण्याचे काम माजी आमदार वैभव नाईक यांनी केले आहे. वास्तविक विचारांची लढाई विचाराने लढण्याचे सोडून ज्या गोष्टींशी राणे पुत्रांचा काडीमात्र संबंध नाही अशा गोष्टी वरून दोन्ही राणेंना घेरण्यासाठी सिंधुदुर्ग जिल्ह्याला बदनाम करण्याचे पाप उबाठाचे नेते करीत आहेत, हे सिंधुदुर्ग जिल्ह्याच्या विकासाला खीळ घालण्या सारखे आहे असे आमचे स्पष्ट मत आहे.

सिंधुदुर्ग जिल्ह्यात शिवसेना उबाठा, काॅग्रेस, राष्ट्रवादी आपल्या राजकीय अस्तित्वासाठी धडपडत आहे, प्रत्येकाला स्वतः चे अस्तित्व टीकवून ठेवण्याचा अधिकार आहे,मात्र स्वतःच्या अस्तित्वा साठी दुसऱ्याच्या अस्तित्वावर गदा आणून नव्हे.सिंधुदुर्ग जिल्ह्याची बीड शी तुलना करुन फेक नरेटीव्ह पसरविण्याचे काम विरोध पध्दतशीर पणे करीत आहेत,

सिंधुदुर्ग जिल्ह्याला आक्रमक अधिकाऱ्यांवर वचक असलेला पालकमंत्री लाभल्याने सिंधुदुर्गच्या विकासाला गती मिळेल, सर्वसामान्य जनतेचे प्रश्न सोडविले जातील असे वातावरण असताना विरोधक आपल्या अस्तित्वासाठी सिंधुदुर्ग जिल्ह्यात फेक नरेटीव्ह पसरविण्याचे काम पद्धतशीरपणे करीत आहेत, ज्या गोष्टींशी राणे कुटुंबाचा किंवा दोन्ही पुत्रांचा काडीमात्र संबंध नाही अशा गोष्टींशी त्यांचे संबंध जोडून त्यांना नाहक बदनाम करण्याचा डाव विरोधकांकडून आखला जात आहे एवढेच नाही तर त्यांच्या बदनामीसाठी आखलेल्या या डावात सिंधुदुर्ग जिल्हा मात्र नाहक बदनाम होत आहे, म्हातारी मेल्याचे दुःख नाही तर काळ सोकावतोय, जिल्ह्याचे वातावरण गढूळ करण्याचे काम विरोधक पर्यायाने माजी आमदार वैभव नाईक करीत आहे, अशा प्रकारचे आरोप करून, जिल्ह्याची बदनामी करून विकासाला खीळ घातली जात आहे. जिल्ह्यात येणारे पर्यटक विचार करू लागणार आहेत, त्यामुळे जिल्ह्यावर त्याचा विपरीत परिणाम होणार आहे.

सिंधुदुर्ग जिल्हा शांत सुसंस्कृत जिल्हा असताना त्याची बीड शी तुलना करून जिल्ह्याला एका वेगळ्या वळणावर घेऊन जाण्याचे पाप राजकारणात आपले अस्तित्व टिकण्यासाठी विरोधक करत असल्याने त्यांच्या बुद्धीची कीव करावीशी वाटते .वास्तविक विचारांची लढाई विचाराने,विकासाची लढाई विकासाने लढली जावी त्यात जो सरशी ठरेल त्याच्या बाजूने जिल्ह्यातील जनता राहिल यात शंका नाही,जनतेने आम्हाला का पराभूत केले याचे आत्मचिंतन करण्याचे सोडून औरंगजेबाला जसे संताजी धनाजी जळी स्थळी पाण्यात सुध्दा दिसत होते तशी अवस्था विरोधकांची झाली आहे, जिल्ह्यात काहीही घडले तरी त्यामागे त्यांना पालकमंत्री नितेश राणे व आमदार निलेश राणेच दिसतात.

मुख्यमंत्र्यांचे स्वागत कोणी केले हा विषय सिंधुदुर्गाच्या विकासासाच्या दृष्टीने गौण आहे, मुख्यमंत्री, उपमुख्यमंत्री आल्याने जिल्ह्याच्या विकासाला चालना मिळेल हे महत्वाचे असताना ते सोडून उध्दघाटन केली गेलीली चांगली कामे झाकण्यासाठी मुख्यमंत्र्याच्या स्वागताचा विषय पुढे केला जात आहे.

मुख्यमंत्री देवेंद्र फडणवीस जिल्ह्यात आलेत त्यांनी ज्या आमच्या राजाने हिंदुत्व शाबित ठेवले अशा हिंदवी स्वराज्याचे संस्थापक छत्रपती शिवाजी महाराजांच्या पुतळ्याचे पूजन केले ,ज्या गाईच्या उदरात 33 कोटी देव आहेत असे मानून आपण तीचे पूजन करतो त्या गोशाळेचे उद्घाटन झाले या सकारात्मक बाबी असताना नको तो फेक नरेटीव पसरून जिल्ह्याचे एकंदरीत वातावरण गढूळ करण्याचे काम विरोधक करीत आहेत.

यामागे विरोधकांचा फक्त स्वतःचे अस्तित्व टिकवणे हा एकमेव स्वार्थ असल्याचे सिद्ध होत आहे. पालकमंत्री पदाची सूत्रे आमदार नितेश राणे यांनी हातात घेतल्यानंतर जिल्ह्यातील प्रशासन गतिमान झाले.सर्वसामान्यांचे प्रश्न चुटकीसरशी सुटू लागले ,गोरगरीब जनता हक्काने पालकमंत्री यांच्याकडे जाऊन आपले गाराणे मांडू लागली व जागच्याजागी त्यांना त्यांच्या प्रश्नांची उत्तरे मिळू लागली ,भविष्यात हे असेच चालले तर आपला पक्ष व आपण अस्तित्वालाही शिल्लक राहणार नाही जिल्ह्यातील, कोकणातील राणे कुटुंबाचे वाढते अस्तित्व रोखण्यासाठी, स्वतःच्या अस्तित्वासाठी विरोधक जिल्हा वासियांना वेठीस धरू लागले आहेत.मात्र सिंधुदुर्ग जिल्ह्यातील शांत सुसंस्कृत जनता याला कदापि बळी पडणार नाहीत असा आमचा विश्वास आहे.

ज्या नारायण राणे यांनी राज्याचे नेतृत्व केले ,केंद्रात केंद्रीय मंत्री पद भूषविले अशा कुटुंबात जन्मलेले आमदार नितेश राणे व कुडाळ मतदारसंघाचे आमदार निलेश राणे यांनी अशी किरकोळ वादळे कित्येक अनुभवली व त्यातूनच त्यांनी या जिल्ह्यात एक वेगळे वलय निर्माण केले, विकास कामांचा धडाका लावला, अनेक प्रलंबित प्रश्न सुटू लागले सर्वसामान्यांचे जिव्हाळ्याच्या प्रश्नाला हात घातला जाऊ लागला व सिंधुदुर्गवासियांचा आपल्याला हक्काचा पालकमंत्री मिळाल्याचा अभिमान जागृत झाला.

विकासाची गंगा अशीच वाहू लागली तर पुढची दहा वर्षे नाही तर वीस वर्षे आपला टिकाव लागणार नाही हे विरोधकांना कळून चुकल्याने राणे कुटुंबाच्या विरोधात कुभांड रचण्याचे काम विरोधक करू लागले आहेत. जे घडलेच नाही अशा गोष्टी तयार करून फेक नरेटीव पसरण्याचे काम माजी आमदार वैभव नाईक करीत आहेत, त्यामुळे राजकारण सोडा त्यापेक्षा जिल्ह्याची बदनामी मोठ्या प्रमाणात होत आहे. विविध राज्यस्तरीय चॅनेल वरून अशा प्रकारच्या बातम्या प्रसिद्ध होऊ लागल्याने जिल्ह्याकडे येणारे पर्यटकही या जिल्ह्याची बीडशी तुलना झाल्याने इथे यायला धजावणार नाहीत, परिणामी जिल्ह्याच्या आर्थिक व्यवस्थेवर त्याचा परिणाम होईल याचा विचार करताना विरोधक दिसत नाही.

स्वतःच्या स्वार्थासाठी जिल्हावासियांना वेठीस धरण्याचे काम असेच सुरू ठेवले तर जिल्ह्यातील जनता एक दिवस यांना औषधालाही शिल्लक ठेवढार नाहीत हे संबंधितांनी ध्यानी ठेवावे.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_