🛑 बांदा लकरकोट येथील श्री दत्त मंदिर पुर्नप्रतिष्ठापना व कलशारोहण सोहळा उत्साहात

🛑 चार दिवस चालला भक्तीमय सोहळा ; पं.अजित कडकडेंच्या गायनाने रसिक मंत्रमुग्ध

🎥 KOKAN LIVE BREAKING || NEWS CHANNEL

✍️ प्रतिनिधी : शैलेश गवस

🎴बांदा, दि-११:- बांदा शहरातील एकमेव असलेल्या तसेच समस्त भक्तांचे श्रद्धास्थान असलेल्या लकरकोट येथील श्री दत्त मंदिराचा पुर्नप्रतिष्ठापना व कलशा रोहण सोहळा सोमवार दि ५ मे ते गुरुवार दि. ८ मे २०२५ या कालावधित मोठ्या उत्साहात आणि भक्तीमय वातावरणात संपन्न झाला.श्री देव बांदेश्वर भुमिका पंचायतन मर्याददार, सिमधडे,यजमान, बाम्हणवृंद व समस्त ग्रामस्थांसह हजारो भाविकांच्या उपस्थितीत संपन्न झालेल्या या सोहळ्यानिमित्त सलग चार दिवस विविध धार्मिक कार्यक्रमांचे आयोजन करण्यात आले आहे.तसेच गुरुवारी पंडीत अजित कडकडे यांच्या सुश्राव्य गायनाने रसिक मंत्रमुग्ध झाले.तसेच सोहळ्या दरम्यान दररोज विविध मंडळांची भजने सादर झाली.

मुख्य पुरोहित हेमंत धुपकर यांच्या मार्गदर्शनाखाली ब्राह्मण वृंदाने या सोहळ्याचे पौरोहित्य केले. स्थापित श्री गणपती आदी देवता पुजन, शिखर कलश स्थापना विधी,श्री दत्तमुर्ती स्थापना विधी,श्री औदुंबर पुजन,श्री महापुरुष पुजन आदी अनुक्रमे राजेंद्र कुबल,भाऊ वाळके,सुशांत पांगम,दर्पण आळवे व अण्णा आळवे यांनी सपत्नीक केले.

सोमवारी श्री दत्त महाराजांच्या नुतन मूर्तीचे नामस्मरणाच्या गजरात भव्य मंगलमय मिरवणुकीने आगमन झाले.

सोमवारी बांदा कट्टाकॉर्नर येथुन या मिरवणुकीला आरंभ झाला.श्री बांदेश्वर मंदिर मार्गे ही मिरवणूक लकरकोट येथे आली.श्री गणपती,श्री दत्तगुरु तसेच शिखरकलश हे सजविलेल्या रथात ठेवण्यात आले.त्यापुढे श्री दत्तनामाचा गजर व भजन करीत भाविक चालले होते.मंगल कलश घेऊन पारंपरिक वेशभूषा करून महीला मोठ्या संख्येने सहभागी झाल्या होत्या. मिरवणूक मंदिरात पोहोचताच वंदन करून मुर्ती व शिखरकलश धान्याधिवासात ठेवण्यात आले. मंगळवारी विविध धार्मिक विधी करून मुर्ती व कलश जलाधिवासात ठेवण्यात आले.

बुधवार दिनांक ७ मे रोजी सकाळी ठिक ८.०० वा. स्थापितदेवता पूजन अग्निस्थापना, नवग्रहहोम, वास्तूहोम, ब्रम्हादीमंडल होम, वास्तू स्थापना, मुख्यदेवता हवन करून त्यानंतर सकाळी ठिक ११.३० वा. कलशारोहण झाले.

रात्री नितीन आसयेकर प्रस्तुत श्री देवी भुमिका दशावतार लोककला नाट्य मंडळ,मळगांव – सावंतवाडी यांचा “अलख निरंजन अर्थात दत्त महिमा ” हा ट्रिकसीनयुक्त नाट्यप्रयोग सादर झाला. गुरुवारी सकाळी स्थापितदेवता पूजन करून सकाळी ठिक १० वा.२२ मि. मंत्रोच्चाराचे पठण आणि सनई , ढोलताशांच्या गजरात मंगलमय वातावरणात मूर्तीस्थापना झाली. तत्वहोम प्राण प्रतिष्ठा पूर्वक महापूजा,बलीदान, पूर्णाहूती,आदी विधी होऊन. दुपारी महाआरती करून महाप्रसाद आरंभ झाला.रात्रौ प्रसिध्द गायक पंडित अजित कडकडे यांचा सुमधुर गायनाचा कार्यक्रम झाला.

भाविकांनी मोठ्या संख्येने या संपूर्ण सोहळ्याचा लाभ घेतला. अध्यक्ष सुशांत पांगम आणि उपाध्यक्ष शुभम साळगांवकर यांच्यासह श्री दत्तप्रसाद

कला क्रिडा मंडळ लकरकोट बांदाचे सर्व सदस्य व सर्व श्री दत्तभक्त भाविकांनी या सोहळ्याचे उत्तम नियोजन केले होते.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_