🛑 श्री सावरेश्वर दशावतार नाट्यमंडळाच्या ‘श्री क्षेत्र गाणगापूर नाट्यप्रयोगाला मिळतोय प्रेक्षकांचा उदंड प्रतिसाद

🛑 अवघ्या २० दिवसात १७ प्रयोग

🎥 KOKAN LIVE BREAKING || NEWS CHANNEL

✍️ प्रतिनिधी : सहदेव राऊळ

🎴सावंतवाडी, दि-१०:- वेंगुर्ला तालुक्यातील आवेरे येथील श्री सावरेश्वर दशावतार नाट्यमंडळ (संचालक काका आकेरकर) या नाट्यमंडळाचा ‘श्री क्षेत्र गाणगापूर या दत्तभक्तीवर आधारित प्रबोधनात्मक व सध्या बहुचर्चित असलेल्या नाट्यप्रयोगाला प्रेक्षकांचा उदंड प्रतिसाद मिळत आहे. २० एप्रिल रोजी या नाट्यप्रयोगाचा पहिला प्रयोग झाला असून आतापर्यंत अवघ्या २० दिवसात १७ प्रयोग झाले आहेत.

कोकणाचा श्वास असणारी लोककला म्हणजे दशावतार. दशावतार नाटकांच्या माध्यमातून लोकांना चांगल्या आणि वाईट गोष्टींबद्दल जागृत केले जाते. या दशावतार कलेच्या माध्यमातून लोकांना प्रबोधन व आपल्या देवी-देवतांचे महत्त्वही सांगितले जाते. दशावतार नाटकातून आध्यात्मिक पौराणिक कथांच्या माध्यमातून लोकांपर्यंत या गोष्टी पोहोचविल्या जातात. दशावतार ही एक पारंपरिक कला आहे, जी आजच्या पिढीसाठी जतन करणे आवश्यक आहे. या कलेला प्रोत्साहन देऊन आपण आपल्या सांस्कृतिक इतिहासाला जपतो, असे म्हटले जाते. कोकणात अनेक दशावतार कंपनी आहेत. पूर्वी काही ठराविक कंपन्या होत्या. पण सध्या भरपूर कंपन्या दशावतार क्षेत्रात आहेत. दशावतार क्षेत्रातील अशीच एक कंपनी म्हणजे वेंगुर्ला तालुक्यातील आवेरे येथील श्री सावरेश्वर दशावतार नाट्यमंडळ. या नाट्य मंडळाचा सध्या बहुचर्चित असलेला नाट्यप्रयोग म्हणजे ‘श्री क्षेत्र गाणगापूर. या नाट्यप्रयोगाची कथा संकल्पना गुरुवर्य अजित गाडगीळ यांची त्यांच्या मार्गदर्शनाप्रमाणे याच नाट्यमंडळात कार्यरत असणारे कु. साईल तळकटकर या कलाकारने अधिक वाचन करून माहिती गोळा करून हा नाट्यप्रयोग इतर कलाकारांना समजावून सांगून सादरीकरण करण्यास सुरुवात केली. या नाट्यप्रयोगात अगदी सुरुवातीपासून ते शेवटपर्यंत रसिका प्रेक्षकांना प्रबोधन केल जात. या नाट्यप्रयोगातील पहिला प्रवेश हा या नाटकात रंगतदार ठरतो. या पहिल्या प्रवेशात या नाट्यमंडळात खलनायकाची भूमिका करणारे राहुल धुरी आणि गंधर्वाची भूमिका करणारा कु. साईल तळकटकर याचा योग्य प्रकारे पौराणिक अभ्यास लोकांना खूप आवडत आहे. संयुक्त दशावतारप्रमाणे संघर्ष पौराणिक प्रश्न उत्तर देऊन व गाणगापूर कसं निर्माण झालं हे या नाट्यप्रयोगातून रसिक प्रेक्षकांना पटवून देण्यात आले आहे. नाटकातील पहिल्या प्रवेशाने लोकांच्या मनात नाटकात पुढे काय होईल ही उत्सुकता निर्माण होते. दत्त महाराजांचा दुसरा अवतार म्हणजे श्री नृसिंहसरस्वती यांच्या जीवनावर आधारित आध्यात्मिक असा हा नाट्यप्रयोग लोकांना मनापासून आवडत आहे. प्रबोधना बरोबर योग्य असे मनोरंजन देखील करण्यात आले आहे. या नाट्यप्रयोगात शेवटच्या प्रवेशात कु. साईल तळकटकर याने गाणगापुराचे महत्व सांगून लोकांना जे प्रबोधन करण्यात येते. त्याच्या या कौशल्यामुळे त्याच्यावर कौतुकाचा वर्षाव होत असून रसिक प्रेक्षकांच्या मनपसंतीस उतरणारा दशावतारी कलाकार बनत आहे. स्त्रीने केस मोकळे का सोडू नये हे लोकांना सांगत असताना नाट्यप्रयोग पाहण्यासाठी बसलेल्या स्त्रीया हे ऐकताना आपले केस मोकळे असले तर बांधतात. गाणगापूर तीर्थक्षेत्र कसं निर्माण झाल, त्या तीर्थक्षेत्रात काय आहे, गुरुचरित्राचे महत्व, गुरुदत्तांच्या नामाचे महत्त्व हे या नाट्यप्रयोगातून रसिक प्रेक्षकांना सांगितले जाते. उत्कृष्ट अस वकृत्व असणाऱ्या साईल याने योग्य असा अभ्यास करून पौराणिक प्रबोधन करत आहे. त्याच बोलणं पूर्ण झाले की प्रेक्षकांच्या टाळ्यांचा कडकडाट होतो. त्यानंतर रंगमंचावरील श्री नृसिंहसरस्वती व श्री दत्तगुरूंच्या दर्शनासाठी होणारी गर्दी लागणाऱ्या रांगा या हा नाट्यप्रयोग लोकांना आवडला याची पोचपावती देऊन जातो. गोड आवज व स्वरबद्ध गायन करणारे काका आकेरकर नाटकात संगीत वातावरण निर्माण करतात. या संचात महेश गवंडे, काका अकेरकर, चंदू मिशाळे, कु. श्रीपाद आरोलकर, राजन नाईक, सुशील रेडकर, प्रमोद आकेरकर, कु. साईल तळकटकर, राहुल धुरी, ज्ञानेश्वर घाडी यांनी भुमिका साकारल्या आहेत. तर त्यांना हार्मोनियम-अमोल आकेरकर, तालरक्षक-कु. हर्षल शिरोडकर, पखवाज वादक-राजू शिरोडकर यांनी संगीतसाथ केली आहे. नाटकात सर्व कलाकारांचे अप्रतिम सादरीकरण नाट्य प्रयोगाच्या यशामागे कलाकारांची असणारी मेहनतही दिसून येते. तसेच दशावतार कलेचा वारसा जपला जावा व आपल्या देव संत यांच्याविषयी आजच्या युवा पिढीला माहिती मिळावी यासाठी या नाट्यप्रयोगातुन कु.साईल तळकटकर यांनी अध्यात्माची सांगड घालून जबरदस्त प्रबोधन केले आहे. सध्या लोक आवड असलेला श्री क्षेत्र गाणगापुर या नाट्यप्रयोगास नाट्य रसिकांचे भरभरून प्रेम मिळत आहे. या नाट्यप्रयोगासाठी प्रकाश आकेरकर- ७६२०७९४५८१/८९७५१२३१३६, काका आकेरकर-९६२३५८१०६०/९४२०२५८७६० व महेश गवंडे-९४२११४६८५७ यांच्याशी संपर्क साधावा, असे आवाहन करण्यात आले आहे.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_