🛑स्त्री हीच समाजविकासाचा केंद्रबिंदू

*🛑स्त्री हीच समाजविकासाचा केंद्रबिंदू*

 

*🛑महिला अधिवेशनातील परिसंवादात गीतांजली साळवी यांचे प्रतिपादन*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴 महाड, दि- १३:-* प्राचीन काळापासून आपण संत साहित्याचा अभ्यास केला तर स्त्री हीच समाजविकासाचा केंद्रबिंदू असल्याचे आपणास आढळेल. संत निर्मला, संत जनाबाई अशा अनेक स्त्री संतांनी सामाजिक विकासाच्या प्रक्रियेत महत्त्वपूर्ण योगदान दिले आहे. त्या काळात स्त्री-पुरुष समानता प्रस्थापित व्हावी यासाठी अनेकांनी आपल्या साहित्यातून सामाजिक प्रबोधनाचा विचार मांडला. अनेक रुढी परस्परांविरुद्ध, सती प्रथा, केशवपन, स्त्रीचे शोषण अशा पुरुषप्रधान प्रवृत्तीवर प्रहार केला. संत तुकडोजी महाराज, संत तुकाराम आदी संतांच्या नामावळीत स्त्री सुधारक महिलांचा सुद्धा उल्लेख आढळतो, असे प्रतिपादन आंबेडकरी चळवळीच्या अभ्यासक, लेखिका गीतांजली साळवी यांनी केले.

या जागतिक महिला दिनानिमित्त कास्ट्राईब शिक्षक संघटनेच्या वतीने महाड येथे आयोजित केलेल्या दुसरे राज्यस्तरीय महिला अधिवेशनात स्त्री: सामाजिक लोकशाहीची नायिका या विषयावर परिसंवाद झाला. यात श्रीमती साळवी बोलत होत्या. त्या पुढे म्हणाल्या, महात्मा फुले यांनी स्त्री शिक्षणासाठी स्वत:च्या पत्नीला आधी शिक्षण दिले म्हणूनच क्रांतीज्योती सावित्रीबाई फुले, फातिबा शेख अशा कितीतरी महान स्त्रियांनी सामाजिक चळवळीत झोकून घेतले. स्त्रियांना शिक्षणाची दारे खुली केली. संत साहित्य, लोकसाहित्य ते आजच्या आधुनिक काळापर्यंत अनेक महिलांचे सामाजिक, सांस्कृतिक आणि साहित्यिक योगदान विसरून चालणार नाही म्हणूनच स्त्री हीच खरी सामाजिक लोकशाहीची नायिका आहे असे मला वाटते. परिसंवादात बोलताना अभिनेते आणि आंबेडकरी चळवळीचे युवा व्याख्याते निलेश पवार म्हणाले, स्त्री ही सामाजिक लोकशाहीची नायिका समजून घेताना आपणास तीन टप्प्यांचा विचार करावा लागेल. स्त्री ची पारंपरिक प्रतिमा, तिचे सामाजिक योगदान आणि लोकशाहीची नायिका म्हणून तिचे महत्त्वपूर्ण कार्य डोळ्यासमोर आणावे लागेल. यासाठी डॉ.बाबासाहेब आंबेडकर यांची लोकशाही विषयक भूमिका नीट समजून घ्यावी लागेल. सामाजिक आर्थिक आणि राजकीय लोकशाही हे बाबासाहेबांच्या आयुष्याचे ध्येय होते. सामाजिक लोकशाही शिवाय राजकीय लोकशाहीला अर्थ उरणार नाही असे त्यांचे म्हणणे होते. या सामाजिक लोकशाहीचा केंद्रबिंदू भारताच्या संविधानामार्फत नागरीक म्हणजेच व्यक्ती झाला. एक मत एक मूल्य ही गोष्ट सर्वश्रेष्ठ ठरली. याच व्यक्तीला आईचेच संस्कार जास्त परिणामकारक होतात, असे त्यांनी सांगितले.

घरातील आपली आई जे संस्कार करेल त्यावरच सामाजिक लोकशाहीचे अभिसरण जास्त वेगवान आणि सुदृढ होईल. निसर्गत: स्त्रीकडे नेतृत्व आणि मॅनेजमेंट म्हणजेच व्यवस्थापन एक कौशल्य उपजतच असते. व्यवहारिक जीवनात प्रत्येक गोष्टीमध्ये स्त्रीचे नेतृत्व आणि मॅनेजमेंट दिसून येते. या सगळ्या गोष्टीचा सकारात्मक विचार केला तर खºया अर्थाने स्त्री हीच सामाजिक लोकशाहीची नायिका आहे‌. सामाजिक लोकशाही मधून बंधुत्व आणि मैत्री जास्त गतिमान होण्यासाठी स्त्री ही एक प्रभावशाली व्यक्तिमत्व आहे, असे त्यांनी सांगितले.

दुसºया सत्रात खुले चर्चा सत्र पार पडले. आंबेडकरी चळवळीत महिलांचे योगदान या विषयांवर अनेक महिलांनी आपले मुक्तपणे विचार मांडले. यामध्ये माधुरी तांबे(सिंधुदुर्ग), सुषमा मोरे (सातारा), अहिल्या कांबळे (सोलापूर), संगिता कांबळे (सांगली), वर्षा वाघमारे (यवतमाळ), हेमलता कुर्डुकर (कोल्हापूर), सुवर्णा ओंबासे (मुंबई), स्मिता तांबे (रायगड), बेबीताई जाधव (महाड), सुप्रिया शिर्के (महाड) यांचा सहभाग होता. कांचन सावंत (सातारा) यांनी काव्यवाचन करुन जागतिक महिला दिनाचे महत्त्व विशद केले.

*सविस्तर बातमीसाठी खालील लिंक वर क्लिक करा…….👇👇👇👇*

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_