🛑 वैविध्यपूर्ण बोली भाषांमुळे मराठी भाषा समृद्ध ; सरिता पवार

🛑 फोंडाघाट महाविद्यालयात मराठी भाषा गौरव दिन साजरा

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴कणकवली, दि-०२:- मराठी भाषा ही आपली जीवनसाथी आहे. ती माय आहे. त्यामुळे तिच्यावर आपले निस्सीम प्रेम असले पाहिजे. ज्या भाषेच्या बोली जास्त आहेत ती भाषा समृद्ध असते. जशी कोणतीही नदी जिला जास्त उपनद्या मिळतात आणि ती मोठी होते. तशीच मराठी सुद्धा मोठी झाली आहे, तिला असणाऱ्या बोलीमुळे. भाषा समृद्ध होण्यासाठी इतिहासाने मोठे योगदान दिले आहे, असे प्रतिपादन कवयित्री सरिता पवार यांनी केले.

फोंडाघाट येथील कला आणि वाणिज्य महाविद्यालय फोंडाघाटमध्ये मराठी भाषा गौरव दिन साजरा करण्यात आला. या कार्यक्रमाला प्रसिद्ध कवयित्री सरिता पवार प्रमुख पाहुण्या म्हणून उपस्थित होत्या. या प्रसंगी त्या बोलत होत्या. यावेळी प्राचार्य डॉ. पुरंधर नारे, मराठी विभागप्रमुख डॉ. सतीश कामत आदी मान्यवर आहे.

पवार म्हणाल्या, आपल्या समाजात प्रत्येक पुढची पिढी मागच्या पिढीला नाव ठेवत असते. परंतु प्रत्येक पिढी ही आधुनिक विचाराने चालते हे वास्तव आहे. या आधुनिक विचाराला वाचनाची जोड मिळाली तर आपले आयुष्य ज्ञानमय होऊन जाते आणि परिवर्तनवादी पिढी निर्माण होते. भाषेच्या बाबतीत असेच आहे. आपल्या भाषेतून बोलले पाहिजे, वाचले पाहिजे, लिहिले पाहिजे आणि त्याचबरोबर अन्य भाषांचाही आपण आदर केला पाहिजे. तरच आपली भाषा वाढेल आणि समृद्ध होईल.

डॉ. पुरंधर नारे म्हणाले की, जागतिक स्तरावर मराठीचे भवितव्य उज्ज्वल आहे. आता सर्व शिक्षणाचे माध्यम हे प्रादेशिक भाषांचे असणार आहे. उच्च शिक्षणाचे ज्ञान आपल्या मुलांना आता आपल्या भाषेत मिळणार असून राज्य भाषेला ज्ञानभाषा बनवण्याचे शासनाचे धोरण अतिशय महत्त्वाचे आहे.

डॉ. सतीश कामत म्हणाले, कवीश्रेष्ठ कुसुमाग्रजांचा जन्मदिवस आपण जागतिक मराठी भाषा दिन म्हणून साजरा करतो. आपल्या मराठी भाषेला अभिजात भाषेचा दर्जा मिळाल्यानंतर हा पहिलाच जागतिक मराठी भाषा दिन आहे. आज महाराष्ट्रासह संपूर्ण जगभरात अनेक ठिकाणी विविध कार्यक्रम साजरे केले जात आहेत. परंतु केवळ उत्सवी कार्यक्रम साजरे करून आपण थांबता कामा नये तर मराठी भाषेचा नित्य वापर आपण केला पाहिजे. मराठी भाषेला ही फार मोठी परंपरा असल्यानेच ती अभिजात ठरली आहे. त्यामुळे मराठी भाषा टिकेल का? जगेल का? हे प्रश्न निरर्थक ठरतात. तसेच मराठी भाषा निश्चितपणे टिकणार आणि वैश्विक स्तरावर आगळावेगळा ठसा उमटवणार आहे, यात तीळमात्र शंका नाही असे डॉ. कामत यांनी सांगितले. आरंभी ज्ञानपीठ विजेते कुसामग्रज यांच्या प्रतिमेला मान्यवरांनी पुष्पहार अर्पण करून अभिवादन केले. त्यानंतर जागतिक मराठी भाषा दिनाच्यानिमित्ताने यावेळी मराठी विभागाच्या वतीने लोकसाहित्य व संस्कृतीला वाहिलेले भित्तिपत्रक प्रकाशित करण्यात आले. पाहुण्यांची ओळख शिवानी राणे हिने केले. सूत्रसंचालन नीता धुरी हिने केले. आभार प्रा. जगदीश राणे यांनी मानले. यावेळी कर्मचारी वर्ग व विद्यार्थी उपस्थित होते.

 

*……….सविस्तर बातमी साठी खालील लिंक वर क्लिक करा..👇👇*

 

 

 

*👨🏻‍🎓इंजिनिअर 🧑🏻‍⚕️डॉक्टर होण्याची 🤩सुवर्णसंधी…🥰*

 

*🎥KOKAN LIVE BREAKING || ADVT*

 

*⚜️इंद्रायणी शिक्षण प्रसारक मंडळ संचलित पुष्पसेन सावंत सायन्स ज्युनिअर कॉलेज⚜️*

 

🔰 सिंधुदुर्ग ॲकॅडमी 🔰

 

*▪️आमची वैशिष्ट्ये:-*

🏫हवेशीर वर्ग असणारी उत्कृष्ट इमारत

🧑🏻‍🏫 उच्चशिक्षित व अनुभवी शिक्षक

💁🏻‍♂️ मर्यादित विद्यार्थी संख्या

❄️ वातानुकूलित वर्गखोल्या

🚌 बस आणि वसतिगृहाची सोय

💻 संगणकीय प्रयोगशाळा

📙 ग्रंथालयाची सुविधा

🧪 सुसज्ज प्रयोगशाळा

⭕ विद्यार्थी – पालक – शिक्षक संवाद

🗒️ यशस्वी निकालाची परंपरा

▪️ Interactive Pannel Board For Modern टीचिंग

⚡हैद्राबाद चेन्नई मुंबई कोटा येथील तज्ञ प्राध्यापकांचे मार्गदर्शन

🏆 6 वर्षांची यशस्वी परंपरा

🎓आमच्या संस्थेतून 82 विद्यार्थ्याना मेडिकल 134 विद्यार्थ्यांना इंजिनियरींग ला प्रवेश

👨‍🎓 32 विद्यार्थी 95 % पेक्षा जास्त गुणांनी उत्तीर्ण

👨‍🎓 66 विद्यार्थी 90 % पेक्षा जास्त गुणांनी उत्तीर्ण

👨‍🎓83 विद्यार्थी 80 % पेक्षा जास्त गुणांनी उत्तीर्ण

 

 

*🔖 आजच आपला प्रवेश घ्या आणि निश्चिंत व्हा…*

 

*📍 आमचा पत्ता :* पुष्पसेन सावंत, ज्यु. कॉलेज, वाडीहुमरमळा, मुंबई – गोवा हायवे, ओरोस

 

☎️ संपर्क :

9158788345

8788101853

9405238763

 

*👇🏻जाहिरात लिंक👇🏻*

ADVT || सिंधुदुर्ग ॲकॅडमी

________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp