🛑 वादळी वाऱ्याने क्षणात केले होत्याचे नव्हते ; केळी बागायतींचे लाखोंचे नुकसान ; शेतकऱ्यांना दुःख अनावर

🛑 नुकसानीची पाहणी करून तात्काळ नुकसान भरपाई द्यावी ; बाबुराव धुरी

🎥 KOKAN LIVE BREAKING || NEWS CHANNEL

✍️ प्रतिनिधी : प्रतिक राणे

🎴दोडामार्ग, दि-२४:- तालुक्यात काल संध्याकाळी सोसाट्याच्या वाऱ्यासह झालेल्या पावसामुळे तालुक्यातील घाटगे, परमे, वायंगणतड या गावातील शेतकऱ्यांचे मोठ्या प्रमाणावर नुकसान झाले.यात ४५ हजारांहून अधिक केळी जमीनदोस्त झाल्या.यामुळे शेतकऱ्यांचे ७० लाखाहून अधिक नुकसान झाले.
घोटगे गावातील अनेक युवकांचा ओघ केळी बागायती कडे होता. अनेक युवक नोकऱ्या सोडून केळी बागायत करून शेती व्यवसाया कडे वळले होते. मात्र काल झालेल्या अचानक सोसाट्याच्या वाऱ्या सह पावसामुळे घोटगे गावातील शेतकऱ्यांच्या केळी बागायती जमीनदोस्त झाल्या.
नुकसान झालेल्या शेतकऱ्यां मध्ये अनेक शेतकऱ्यांनी जमिनी भाडे तत्त्वाच्या करारावर घेतल्या होत्या, यात रक्ताच पाणी करून उभी केलेली केळी बागायत क्षणात जमीनदोस्त झाली आहे.या शेतकऱ्यांचा उदरनिर्वाह हा केळी बागायती वर होता. मात्र केळी बागायती जमीनदोस्त झाल्या मुळे त्यांच्यावर आता उपास मारिची वेळ आली आहे. शेतकऱ्यांना दुःख अनावर झाले आहे. त्यामुळे शासनाने याची तत्काळ दखल घेत नुकसानीचे पंचनामे करावे अशी मागणी नुकसानग्रस्त शेतकऱ्यांनी केली आहे. तात्काळ पंचनामे न केल्यास घोटगे गाव रस्त्यावर उतरून चक्का जाम आंदोलन करणार असल्याचा इशारा शेतकऱ्यांनी दिला आहे.

शेतकऱ्यांच्या नुकसान झालेल्या केळी बागायतीचे तत्काळ पंचनामे करावे ; शिवसेना जिल्हा प्रमुख बाबुराव धुरी

काल अचानक झालेल्या सोसाट्याचा वारा व पावसामुळे घोटगे, परमे वायंगणतड येथील शेतकऱ्यांच्या केळी बागायतींचे मोठ्या प्रमाणावर नुकसान झाले आहे. याची शासनाने तात्काळ दखल घेत पंचनामे करावेत अशी मागणी उद्धव बाळासाहेब ठाकरे शिवसेनेचे जिल्हा प्रमुख बाबुराव धुरी यांनी केली आहे. तत्काळ नुकसानीचे पंचनामे न केल्यास आम्हाला संबंधित विभागाच्या विरोधात आक्रमक भूमिका घ्यावी लागेल असे देखील त्यांनी बोलताना सांगितले आहे.