🛑 कसाल मालवण मार्गावर सार्वजनिक बांधकाम विभागांचा प्रताप

🛑 रखरखत्या उन्हात रस्ता दुतर्फा दोन्ही बाजूस झाडे लावण्याची मोहीम

🎥 KOKAN LIVE BREAKING || NEWS CHANNEL

✍️ प्रतिनिधी : सुनील आचरेकर

🎴सिंधुदुर्ग, दि-१६:– सार्वजनिक बांधकाम विभागाने आपल्या अकलेचे तारे तोडत रखरखत्या उन्हात रस्ता दुतर्फा दोन्ही बाजूस झाडे लावण्याची मोहीम कसाल मालवण मार्गावर सुरू केली आहे. शासनाच्या पैशाचा सार्वजनिक बांधकाम विभाग अपव्यय का करत आहे ?असा सवाल या निमित्ताने उपस्थित केला जात आहे. गेले पंधरा दिवस कसाल मालवण महामार्गावर दोन्ही बाजूस झाडे लावण्यासाठी सार्वजनिक बांधकाम विभागाच्या ठेकेदाराने खड्डे मारण्यास सुरुवात केली. यावेळी सुद्धा ग्रामपंचायतींना कोणतीही माहिती न देता ठेकेदाराने मशीनच्या सहाय्याने खड्डे मारून झाडे लावण्यात सुरुवात केली. सध्या तीव्र उन्हात झळा बसत असून 36°पेक्षा जास्त तापमान आहे असे असताना सार्वजनिक बांधकाम विभागाने ठेकेदाराला झाडे लावण्यासाठी कसा काय ठेका दिला असा सवाल ग्रामस्थांमधून उपस्थित केला जात आहे. याबाबत ग्रामस्थानमधून तीव्र नाराजी व्यक्त केली जात आहे. तसेच रस्त्यालगत काही ठिकाणी झाडे न लावता खड्डे तसेच ठेवण्यात आले आहेत या खड्ड्यात रस्त्या लगत या ठिकाणाहून चारण्यासाठी फिरणारी गुरे पडुन मोठी दुर्घटना होण्याची शक्यता भविष्यात नाकारता येत नाही? कसाल मालवण रस्त्याचे दोन्ही बाजू झाडे लावण्यात आली मात्र या झाडांना पाणी देखील घालण्याची या प्रशासनाची मानसिकता नाही.