🛑 कारिवडे येथील सिद्धमहापुरूष भंडारा उत्सव

✍️ विशेष लेख

लेखक – प्रा.भाऊसाहेब गोसावी
कारिवडे, ता.सावंतवाडी
जि.सिंधुदुर्ग

🎴सावंतवाडी, दि-०९:- कारिवडे, गोसावीवाडी येथे डोंगराच्या निसर्गरम्य अशा परिसरात सिद्धमहापुरूष यांचा समाधीमठ असून नाथपरंपरेनुसार प्रतिवर्षी येथे देवाचा भंडारा उत्सव होत असतो. यावर्षीचा हा भंडारा ११ फेब्रुवारीला असून रत्नागिरी गोवा, बेळगाव अशा अनेक ठिकाणाहून येथे भक्त, भाविक मोठ्या संख्येने येत आहेत. येथील महापुरष देवाच्या डोंगरातील मुबलक पाणी आणि वनसंपत्तीने संपन्न अशा भूमीत वसलेल्या या मठाला ऐतिहासिक महत्त्व प्राप्त झाले आहे.
कारिवडे म्हणजे करिवट्टी. डोंगराळ, झाडाझुडपाचा घनदाट भाग. पुर्वी इथे कलबिस येथील पास्ते यांचे शेत होते. जंगलझाडी, कवळे तोडून ते नाचणी, वरी, उडीद अशी हंगामी पिके घेत असत. शेत राखण करीत असत. या नाथपंथी गोसावी बुवांचे येथून जाणे येणे असे. अशावेळी या योगीपुरूषाचे दर्शन त्यांना झाले. चराठा, ओटवणे, सातोळी, बावळाट या परिसरात हे गोसावी बुवा जात असायचे. नाथपंथाची दिक्षा घेवून गावोगावी भटकणे, पंथाचा प्रसार करून लोकांना धर्मज्ञान देणे, गुरू देणे. लोकांचे आजार बरे करणे, वनऔषधी देणे, भिक्षा मागून, धर्म पालन करून जगणे हे त्यांचे कार्य होते.
एक आख्यायिका अशीही आहे. एकदा या गोसावी बुवानी या शेतकऱ्याकडे दुपारचे जेवण मागितले. सगळी जेवण करून विश्रांती घेत होती. भाताची मडकी रिकामी होती. अन्नाचे कणभर काहिच शिल्लक नव्हते.
‘बाबा जेवण संपले’
एकाने त्यांना सांगितले.
तेव्हा ते बुवा म्हणाले, ‘मडके तर पहा. थोडेफार असेल.’
आश्चर्य म्हणजे
त्यावेळी रिकामी मडके भाताने भरलेले दिसले.
या चमत्काराने पास्ते कुटुंब भारावून गेले. त्यांनी या बुवाना या शेताचे, भूमीचे रखवालदार मानले, व त्यांची गुरूसेवा सुरू केली.
पुढे त्या योगीबुवांनी इथे समाधी घेतली असे सांगितले जाते. काही काळानी पास्ते शिष्यही निवर्तले. त्यांचीही समाधी इथे गुरूच्या जवळ बांधण्यात आली.
आजही अनेक नाथपंथीय एकत्र येवून ही विधीवत पूजा करीत आहेत. येथे मातीचे भलेमोठे वारूळ निर्माण झाले आहे. पुर्वी येथे वास्तव्य करणा-या योगी सत्पुरषाने येथे समाधी घेतली म्हणून या मठाला, देवस्थानाला महत्त्व प्राप्त झाले आहे. कारिवडे गावची
नवसाला पावणारी व संकटकाळी भक्ताचे रक्षण करणारी काळकाई ही इथली ग्रामदेवता आहे. काळकाई व सिद्धयोगी महापुरष यांचे भावा बहिणीचे गुरूतुल्य अतुट नाते आहे. या भेटीची कथाही सांगितली जाते.
देवाचा भंडारा या दिवशी ही बहिण भावाला तरंग, पालखीसह भेटावयास येते. हा भेटीचा अनुपम सोहळा पहाण्यासारखा असतो.
गोसावी समाजाचा हा भंडारा नाथपंथीय परंपरेनुसार होत असला तरी एक सांस्कृतिक परंपरा इथे जोपासली जाते.
रात्रौ आठच्या सुमारास मठाजवळ विधीनुसार मांड घालून मंत्रतंत्र म्हणून शिवपूजा केली जाते. घटस्थापना केली जाते. सालाबाद प्रमाणे देवाला कोंबड्याचा नवस देवून रखवालीचे गाऱ्हाणे घातले जाते. मठात देवपूजा, गाऱ्हाणे, नवस बोलणे, नवस फेडणे, ओटी भरणे, गा-हाणे, सांदणी प्रसाद असा रिवाज असतो.
ओटवणेकर नाट्य मंडळीचे दशावतार नाटक असते.
कोकणातील नाथपरंपरेशी जोडलेला हा भंडारा सावंतवाडी संस्थानाशी ऐतिहासिक संदर्भाने जोडलेला आहे. इथल्या प्रसादाची सांदणी पुर्वापार राजवाड्यात देण्याची प्रथा आहे. राजसत्ता आणि पुरूमाग याला जोडणारे गावमर्यादेचे हे देवस्थान सिद्धयोगी महापुरूषाची पवित्र, पावन भूमी आहे.
देवाचा जागर दिवस म्हणून हा भंडारा उत्सव केला जातो. इथल्या उत्सवाचा भाविकांनी निश्चितच लाभ घेतला पाहिजे..

*………….सविस्तर बातमीसाठी खालील लिंक वर क्लिक करा…….👇👇👇👇*

 

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/G0QkRHSM8pVG6G6esWNkkp

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*
_*अचूक बातमी थेट हल्ला*_

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*

*♦ब्युरो चीफ : विशाल पित्रे*
*📱संपर्क : +919405475712*

*▪️मुख्य कार्यालय*
*कोकण लाईव्ह ब्रेकिंग*
आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे
ता.सावंतवाडी, जि. सिंधुदुर्ग
——————————–
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_