🛑 मळगाव येथे देवावतारी बाळूमामा नाट्यप्रयोगाचा शतक महोत्सवी प्रयोग सादर

🛑 नाट्यप्रयोगाला रसिक प्रेक्षकांचा उदंड प्रतिसाद

🎥 KOKAN LIVE BREAKING || NEWS CHANNEL

✍️ प्रतिनिधी : सहदेव राऊळ

🎴सावंतवाडी, दि-०७:– मळगाव गावचे सुपुत्र अभिनयकुमार नितीन आसयेकर प्रस्तुत श्री देवी भूमिका दशावतार लोककला नाट्यमंडळ मळगाव सावंतवाडी यांचा श्री संत सद्गुरु देवावतारी बाळूमामा नाट्यप्रयोगाचा शतक महोत्सवी नाट्यप्रयोग मळगाव येथे पार पडला. या नाट्यप्रयोगाला रसिक प्रेक्षकांचा उदंड प्रतिसाद लाभला.

लोकमान्य मल्टिपर्पज, तरुण भारत, माई इन्स्टिटयूट ऑफ हॉटेल मॅनेजमेंट यांच्या संयुक्त विद्यमाने आयोजित केलेल्या दशरंग नाट्य व खाद्य महोत्सवात या नाट्यप्रयोगाचे आयोजन करण्यात आले होते.

नितीन आसयेकर प्रस्तुत श्री देवी भुमिका दशावतार लोककला नाट्यमंडळाने गेल्यावर्षी सुरु केलेल्या ट्रिकसीनयुक्त बाळूमामा हा नाट्यप्रयोग सावंतवाडी तालुका, सिंधुदुर्ग जिल्ह्यातील अनेक गावांसहीत गोवा, मुंबई, कोल्हापूरमध्ये सादर करण्यात आला. नितीन आसयेकर यांनी बाळूमामा ही आगळीवेगळी भूमिका साकारुन दशावतार नाट्य प्रकारात नवा अविष्कार घडवला आहे. गेल्यावर्षी या कंपनीची स्थापना झाल्यापासून एका वर्षात तब्बल ९९ प्रयोग सादर करत काल १०० प्रयोग सादर करण्याचा विक्रमही आपल्या नावावर केला आहे. आसयेकर यांनी आपल्या दशावतारी कारकिर्दीची सुरुवात पार्सेकर दशावतार मंडळातून केली. पार्सेकर दशावतार मंडळात ४ वर्ष, नाईक मोचेमाडकर दशावतार मंडळात २ वर्ष, जय हनुमान दशावतार मंडळात ३ वर्ष त्यांनी काम केले. राजकर्ता, राजपुत्र, मच्छिंद्रनाथ, कानिफनाथ अशा विविध भूमिका सादर करता करता वर्ष २०१४ ते २०२२ या अवघ्या सात वर्षात नितीन आसयेकर यांनी दशावतार क्षेत्रात आपला वेगळा ठसा उमटवला आहे. त्यांना लोकांनी अभिनयकुमार ही उपाधी सुद्धा बहाल केली. आसयेकर यांनी या कालावधीत आपल्या सुस्वर आवाजात सुमधुर गायन करताना आपल्या विनोदी, हास्य, करुण अभिनयाने दशावतार नाट्यप्रेमींना मंत्रमुग्ध केले. संयुक्त दशावतारमध्ये सुद्धा त्यांनी वेगवेगळ्या भूमिका साकारून आपली वेगळीच ओळख निर्माण केली. त्यांचा अनेक ठिकाणी, पुरस्कार व सत्कार प्रदान करून सन्मान सुद्धा करण्यात आला. काल सादर केलेल्या बाळूमामा नाट्य प्रयोगावेळीही लोकमान्य मल्टीपर्पजच्यावतीने नितीन आसयेकर यांचा शाल, पुष्पगुच्छ, श्रीफळ व सन्मानचिन्ह देऊन सत्कार करण्यात आला. गेल्यावर्षी सुरु केलेल्या श्री संत बाळूमामा या नाटकाविषयी बोलताना नितीन आसयेकर सांगतात, बाळूमामा हा प्रयोग व्हावा ही बाळूमामांचीच इच्छा होती. त्यांच्या कृपेनेच हा नाट्य प्रयोग यशस्वी होत आहे. तर आपल्या दशावतार क्षेत्रातील कारकिर्दीबाबत बोलताना ते सांगतात की, दशावतार नाटकातील खलनायक तसेच अमात्य आदी भूमिकांद्वारे सिंधुदुर्ग जिल्ह्यासहीत गोवा व मुंबई येथे ठसा उमटवलेले त्यांचे काका बाबुराव आसयेकर व वडील रामा आसयेकर यांच्याकडून दशावतार कलेचा वारसा आपल्याला मिळाला. बाळूमामा नाटकाचा शंभरावा प्रयोग माझ्या मळगाव गावातच सादर होत असल्याने मला खूपच आनंद होत आहे. आसयेकर यांनी या नाट्यमहोत्सवात आपल्याला नाट्यप्रयोग सादर करण्याची संधी दिल्याबद्दल लोकमान्य मल्टिपर्पज, तरुण भारत, माई इन्स्टिटयूट ऑफ हॉटेल मॅनेजमेंट यांचे आभार व्यक्त करत तमाम दशावतार चाहते, हितचिंतक, मित्र परिवार, नातेवाईक यांचेही आभार व्यक्त केले.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_