🛑 बेकायदेशीर अतिक्रमण प्रकरणी कारवाई करा ; आंबोली येथे उपोषण

🎴आंबोली, दि-२८:- येथील राया चे भाटले येथील सर्वे क्रमांक ८२ मधील बेकायदेशीर अतिक्रमण प्रकरणी कारवाई करा तसेच ग्रामपंचायत वर कारवाई साठी साखळी उपोषण सुरु करण्यात आले आहे.

आंबोली रायाचे भाटले येथील वन जमिनीतील सर्वे क्रमांक ८२ मध्ये बाहेरच्या लोकांनी मोठ्या प्रमाणात अतिक्रमने केली आहेत. या बेकायदा इमारती वर कारवाई करा.भूमाफिया जमीन दलालावर कारवाई करा. बेकायदा घर क्रमांक देणाऱ्या अवैध अतिक्रमण जबाबदार आणि सरपंच ,सदस्य ग्रामसेवक यांच्यावर गुन्हा दाखल करा.पोलीस पाटील यांचा प्रांताधिकाऱ्यांनी राजीनामा घ्यावा,अतिक्रमन हटवल्यामुळे हित संबंधि लोकांनी दाखलं केलेले गुन्हे मागे घ्या या मागण्यासाठी गावठन वाडी,रमाई नगर, फौजदार वाडी येथील काही ग्रामस्थ यांनी साखळी उपोषण २५ जानेवारी दुपारी २ वाजल्यापासून सुरु केले आहे. आज संध्याकाळी पोलीस निरीक्षक अमोल चव्हाण यांनी भेट देऊन चर्चा केली. यावेळी उपोषण कर्ते राजा गुरव,केशव जाधव,शंकर गावडे, श्री अमृस्कर, मनोहर जाधव,तसेच हवालदार दत्ता देसाई,हवालदार दीपक शिंदे,राजेश नाईक,मनीष शिंदे,अभिजित कांबळे आदी उपस्थित होते.उपोषण दुसऱ्या दिवशी ही सुरु होते.