🛑 अन्यथा ‘ते’ खड्डे माती घालून आम्ही बुजवू..

🛑 ठाकरे शिवसेनेचे कार्यकर्ते आशिष सुभेदार यांचा इशारा

🎥 KOKAN LIVE BREAKING || NEWS CHANNEL

✍️ प्रतिनिधी : प्रशांत मोरजकर

🎴सावंतवाडी, दि-०३:– शहरातील मुख्य रस्ते आणि शहरातून जाणाऱ्या मुंबई-गोवा महामार्गावर मोठे खड्डे पडले आहेत. ते येत्या आठ दिवसात तात्काळ बुजवा, अन्यथा ते माती घालून आम्ही बुजवू, असा इशारा ठाकरे शिवसेनेचे कार्यकर्ते आशिष सुभेदार यांनी दिला आहे. पावसाळा संपला तरी आतापर्यंत ते रस्ते खड्डेमय आहेत. त्याकडे स्थानिक प्रशासन आणि आमदार दीपक केसरकर यांचे लक्ष नाही. त्यामुळे आता ठेकेदाराचे लाड नको, असा इशारा त्यांनी दिला आहे. याबाबत त्यांनी प्रसिद्धी पत्रक दिले आहे.
त्यात त्यांनी असे म्हटले आहे की, सावंतवाडी शहर आणि उपरलकर स्मशानभूमी ते बसस्थानक गरड येथून बांद्याकडे जाणाऱ्या मुख्य रस्त्याला खड्डे पडले आहेत. त्यामुळे अपघाताची संख्या वाढली आहे. गाड्यांचे नुकसान होत आहे. नागरिकांची मागणी लक्षात घेता हे खड्डे तात्काळ बुजवण्यात यावेत. शहरातील बाजारपेठेत खड्ड्यांचे प्रमाण मोठे आहे. काही ठिकाणी सिमेंट घालून हे खड्डे तात्पुरते बुजवण्यात आले आहेत. तर अनेक खड्डे तसेच आहेत. वर्षभरापूर्वी करण्यात आलेले डांबरीकरण वाहून गेल्यामुळे ही परिस्थिती निर्माण झाली आहे. त्यामुळे ठेकेदाराचे पालिका प्रशासनाकडून लाड सुरू असल्याचे दिसत आहे.
तर उपरलकर देवस्थान येथून गरड परिसरात जाणारा जुना महामार्ग खड्डेमय झाला आहे. याबाबत वारंवार लक्ष वेधून सुद्धा बांधकाम विभागाची यंत्रणा लक्ष द्यायला तयार नाह. स्थानिक आमदार दीपक केसरकर यांचे याकडे लक्ष नाही. त्यामुळे येत्या आठ दिवसात हे रस्ते न बुजवल्यास आम्ही ठाकरे शिवसेनेच्या माध्यमातून माती घालून बुजवू असा इशारा शिवसेनेचे आशिष तो यांनी दिला आहे.