🛑 गुहागर मतदार संघात होणार बहुरंगी लढत,संदीप फडकले लढणार अपक्ष

🎥 KOKAN LIVE BREAKING || NEWS CHANNEL

✍️ प्रतिनिधी : ओंकर रेळेकर

🎴चिपळूण , दि – ०७:– येऊ घातलेल्या विधानसभा निवडणुकीमध्ये गुहागर मतदारसंघात बहुरंगी लढत होणार असल्याचे चित्र दिसत आहे.खेड तालुक्यातील असगणी गावचे सुपुत्र व कुणबी समाजाचे कार्यकर्ते संदीप फडकले हे अपक्ष निवडणूक लढवणार असल्याची जोरदार चर्चा आहे. यामुळे कुणबी समाजाबरोबरच बहुजन समाजातील मतदारांच्या आशा पल्लवीत झालेल्या आहेत. आपणाला आता तरी आपल्या समाजाचे नेतृत्व करणारा आमदार मिळेल अशी चर्चा बहुजन समाजामध्ये चालू आहे.

कोकणातील अतिशय महत्त्वाचा असा विधानसभा मतदारसंघ म्हणजे खेड गुहागर विधानसभा मतदारसंघ. येथे विद्यमान आमदार भास्कर जाधव यांचे प्रस्थ भक्कम बसलेले आहे.मात्र तरीही मागील विधानसभेच्या वेळी कुणबी समाजाचे सहदेव बेटकर यांनी भास्कर जाधव यांना कडवी झुंज दिली होती. याचाच अर्थ या मतदारसंघात बहुजन समाजाच्या पाठीशी त्या उमेदवाराला अपेक्षा बाळगण्यास हरकत नाही, असाच अर्थ होतो.संदीप फडकले हे खेड तालुक्यातील असगाणी गावचे सुपुत्र आहेत. त्यांच्या अपक्ष लढण्याबाबतच्या चर्चांना अनुसरून त्यांना विचारले असता त्यांनी त्यांच्या आजपर्यंतच्या सामाजिक कार्याबद्दल माहिती दिली. बावीस वर्षे दुबईमध्ये नोकरी केल्यानंतर २०१६ साली नोकरी सोडून गावी आले. आल्यावर ऐंशी टक्के समाजकारण आणि वीस टक्के राजकारण हे धोरण बाळगून समाजकार्यास सुरुवात केली. सध्या ते एका पक्षाचे तालुकाप्रमुखही आहेत. त्याचबरोबर मतदार संघातील शेकडो गावांमध्ये कुणबी समाजाबरोबरच इतरही समाजातील लोकांबरोबर जनसंपर्क तयार करून आहेत. लोटे येथे औद्योगिक वसाहत असल्यामुळे पंचक्रोशीतील स्थानिक तरुणांना रोजगार मिळवून देण्यासाठी त्यांनी आपल्या ओळखीचा फायदा करून घेतला आणि कित्येक तरुणांना नोकऱ्या मिळवून दिल्या. तालुक्यातील २५ गावात सुमारे आठ लाखाचे सोलर लाईट बसविण्यासाठी कारखान्यांच्या सीएसआर फंडातून निधी मिळवून दिला. औद्योगिक वसाहतीच्या सीएसआर फंडाचा निधी तालुक्यातील गावांमध्ये पिण्याच्या पाण्याचा प्रश्न सोडविण्यासाठी आरसीसी तलाव बांधणे, आरसीसी टाक्या बांधणे, पाईपलाईन, करोना काळातील जनतेच्या गरजा,वैद्यकीय मदत ,चिपळूण मधील पूरपरिस्थिती वेळी पूरग्रस्तांना सहाय्य या कारणांसाठी मिळवून दिला. शैक्षणिक क्षेत्रातही त्यांचे कार्य उल्लेखनीय आहे, असे गावागावातील ग्रामस्थांकडून सांगण्यात येते. तालुक्यासहित मतदारसंघातील सुमारे २२ जिल्हा परिषद शाळा डिजिटल करण्यासाठी निधी मिळवून देणे, सुमारे ८० ते ९० संगणक संच शाळा महाविद्यालयांना पुरविण्यासाठी निधी मिळवून देणे तसेच दरवर्षी विद्यार्थ्यांना हजारो वह्यांचे वाटप यांच्या माध्यमातून करण्यात येते. दुबई वरून नोकरी सोडून गावी आल्यानंतर आपल्या गावातच असलेले पाच हजार वर्षांपूर्वीचे पांडवांनी बांधलेले शिवमंदिर,जे जीर्ण अवस्थेत होते, त्या मंदिराचा जीर्णोद्धार संदीप फडकले यांनी स्वखर्चाने केला आणि आज तालुक्यातूनच नव्हे तर जिल्हाभरातून हजारो भाविक येथे दर्शनाला येतात. परिसरातील विद्यालयांच्या सहलीही या ठिकाणी येतात.यावेळी त्या विद्यार्थ्यांची भोजनाची सोय संदीप फडकले हे स्वखर्चाने करतात.

कोणतेही मोठे पद जवळ नसताना केवळ समाजकार्याची आवड आणि बहुजन समाजाविषयी आपुलकी या जोरावर एखादा कार्यकर्ता जर एवढी समाजोपयोगी कामे करत असेल,तर आम्ही त्याच्या पाठीशी का उभे राहू नये? असे मत जनमानसातून तयार झाले आहे. यामुळे संदीप फडकले जर या विधानसभेला अपक्ष म्हणून आमदारकीला उभे राहिले तर प्रस्थापितांसमोर हे एक प्रकारे आव्हान असणार आहे.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_