🛑 ज्याच्या कडे बक्कळ पैसा त्याची सत्ता..सत्तेची सुत्रे बदलू लागली

🛑 सभांना, कार्यक्रमांना होणारी गर्दी, म्हणजे ५००-१००० रुपये देऊन तयार केलेला मोहजाल

🛑 बचतगटांची संकल्पना महिलांच्या सबलिकरणासाठी , त्यांचा वापर केला जातो राजकारणासाठी

🛑 ५००-१०००-रुपये देऊन सभेला गर्दी जमवणे,मते विकत घेणे यामुळे प्रामाणिक कार्यकर्ता जाणार काळाच्या पडद्याआड

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सिंधुदुर्ग , दि -०७:- ज्याच्याकडे वक्तृत्व कला त्याची सत्ता असे पूर्वी गणित मांडले जायचे. प्राचार्य प्रल्हाद केशव अत्रे ,शंकरराव चव्हाण ,प्रा मधू दंडवते, बॅरिस्टर नाथ पै,पुरुषोत्तम वालावलकर, यांची भाषणे ऐकण्यासाठी श्रोते तासान तास बसायचे, कालांतराने यामध्ये बदल होत गेला, ज्याच्या कडे बक्कळ पैसा ,मसल पाॅवर, त्याच्याकडे सत्ता, ही सत्तेची गणिते रुजू लागलीत व ही सत्ता काबीज करण्यासाठी वाट्टेल त्या मार्गाने पैसा कमवायचा व त्या पैशाच्या जोरावर मतदार विकत घ्यायचे व आपण मालक व्हायचे असा काळ आता सुरू झाला आहे,वाईट याचेच वाटते मतदार,५००-१०००-२००० साठी विकले जातात.ज्याने पैसे वाटले,जनतेने घेतले व आपले इमान विकले ..पदरी काय पडले तर दिवसाची मजुरी, त्यामुळे येणारा काळ हा धोक्याच्या वळणावर आहे, सुरेश प्रभूंनी महिलांना एकत्र करून त्यांच्या सबलीकरणासाठी मांडलेली महिला बचत गटाची संकल्पना आता वेगळे रुप धारण करीत आहे. या बचत गटांच्या महिलांना ५०० -१०००-हजार रुपये देऊन पक्ष नेते सभेला गर्दी करून आपल्या वरिष्ठांना खूश करतात व पक्ष श्रेष्ठी वरलीया रंगाला भूलून खूश होतात मात्र याच महिलांचे चेहरे पैसे वाटणाऱ्या प्रत्येक नेत्याच्या सभेला दिसतात हे आम्ही अनुभवलेले आहे.

गावातील प्रत्येक बचतगटाच्या महिलांना हाताशी धरून प्रत्येकी पाचशे रुपये देऊन सभेला आणले जाते तर निवडणुकांच्या वेळी याच महिलांना हाताशी धरून गावात पैशाचे वाटप केले जाते, घरातील गृहमंत्र्यांनी आदेश काढला की मुख्यमंत्र्यांनाही मुग गिळून गप्प बसावे लागते,मात्र हे जे काही घडत आहे ते भावी पिढी साठी धोकादायक आहे,माणसाची किंमत पैशात होऊ लागली की लाचारी बोकाळते आणि लाचारी बोकाळली तर पैसा मिळविण्यासाठी कोणत्याही मार्गाचा वापर केला जाऊ शकतो हे प्रत्येकांनी ध्यानी ठेवावे.कारण रात्र वैऱ्याची आहे, म्हातारी मेल्याचे दुःख नाही,काळ सोकावतोय याचे दुःख आहे,अवैध्य मार्गाने आलेला पैसा कधी, कसे, कुठे ,काय घडवेल हे सांगता येत नाही.

आता यापुढे प्रामाणिकपणाचे, विकासाचे ,तत्वाचे राजकारण राहणार नाही एवढे मात्र निश्चित ..ज्याच्याकडे बक्कळ पैसा आहे तो माणसे विकत घेईल, मते विकत घेईल व आपली सत्ता स्थापन करेल हे अनेक गावांच्या ग्रामपंचायत निवडणुकीत आम्ही याची डोळा पाहिले आहे, ज्यांनी गावाला विकासाच्या उंबरठ्यावर नेऊन ठेवले गावातील प्रत्येकाच्या सुखदुःखात सामील झाले, अशा ग्रामपंचायती केवळ आणि केवळ पैशामुळे हरल्या गेल्या आहेत ,लोक विकले गेली ,जी लोक दिवसाची सुरुवात त्यांच्या घरी जाऊन करायची, तीच लोकं त्या आपल्या नेत्याकडे पाठ करून चालू लागली हा सर्व पैशाचा प्रताप आहे. आणि या पैशामुळेच माणूसकी लोप पावत चालली आहे,हा घामाचा पैसा नाही तर झटपट कमावलेला पैसा आहे ,तुम्ही वर्षाचे ३६४ दिवस काय केले याचे कोणी मोज माप करीत नाही ,जे काही तुम्ही ३६५ व्या दिवशी आम्हाला देणार ते महत्त्वाचे असा विचार रुजू लागला आहे आणि हा विचारच भावी पिढीसाठी धोकादायक आहे ,मुळात पैसा घेणारा मतदार हा तसा कोणाचाच नसतो तो सगळीकडून पैसा घेत असतो आणि ती त्याला चटक लागते त्यामुळे तो सगळ्यांना फसवतो आणि तिसऱ्यालाच मत घालतो असे जरी असले तरी गावात लक्ष्मी फिरते असं म्हटल्यावर त्या लक्ष्मीची चरण कमल आपल्या घरी लागावीत असे प्रत्येकाला वाटते त्यामुळे कोणी रक्ताळलेला पैसा कोणी लुटलेला पैसा,कोणी अवैध मार्गाने मिळविलेला पैसा असे जरी सांगितले तरी लोकं तो रक्ताळलेला पैसा निरमा पावडर मध्ये घालून स्वच्छ धुऊन तो उन्हामध्ये सुकवून चलनात आणतील यात शंका नाही.

आता तत्त्वज्ञान लोकांना नको ,तुम्ही पाच वर्षे काही करू नका ,लोकांना निवडणुकीत दोन हजार रुपये ,पाच हजार रुपये वाटा विजय तुमचा आहे असे गणित यापुढे रूढ होणार आहे .काही ना तर विधानसभेची गणितच घालून ठेवली आहेत आपल्याला जिंकण्यासाठी 60,000 मतांची आवश्यकता आहे जर समोरच्या उमेदवारांनी मताला 2000 दिले तर आपण 3000 द्यायचे त्याने तीन हजार दिले तर आपण 4000 द्यायचे खर्च किती होईल 40 कोटी बाकीचा खर्च दहा कोटी पन्नास कोटी रुपयांची तयारी करून ठेवली आहे, कोणाला लढायचे असेल तर सामोरे या ,आपण लढाई नितीमत्तेची नाही ,तत्वाची नाही, ध्येय धोरणाची नाही, तर पैशाची लढाई लढू आणि कोण जिंकते ते पाहू असा प्रत्येकाने चंग बांधला आहे या लढाईत सत्य असत्य यांचे युध्द होणार आहे ,या लढाईत कोण विजयी होतो हे मतदारसंघातील सुज्ञ जनता ठरवणार आहे,

आम्ही शालेय जीवनात असताना सभांना होणारी गर्दी ही तत्त्वाची, प्रामाणिकपणाची, निष्ठेची, होती, आता सभेतील गर्दी ही पाचशे-एक हजार रुपयाची असते यात कोणतेही दुमत नाही ,कारण सभेतील लोकांच्या चेहऱ्याकडे पाहिले तर कोणाच्याही चेहऱ्यावर उत्साह दिसत नाही ,नेत्यांनी जोरदार टीका केली तर हश्या, टाळ्या ,मीळत नाहीत, त्यामुळे पैसे देऊन जमवलेली गर्दी सहज लक्षात येते. फक्त क्षणीक सुखासाठी कोणी होतो निती भ्रष्ट व भुललास काय वरलीया रंगा या अभंग ओळीप्रमाणे नेते लोक समोरच्या गर्दीला भुलून जातात त्या गर्दीच्या आत मध्ये काय आहे याचा विचारही करीत नाही,सध्याच्या राजकारणात निष्ठा, तत्व हे काहीच राहिलेली दिसत नाही .ज्याने आयुष्यभर एखाद्या नेत्याची पाठराखण केली व त्या नेत्यांने त्याला सर्वतोपरी सांभाळले ,तो त्याचा कार्यकर्ता पैशासाठी त्याच्यावर पाठ करून त्याला सोडून जातो, त्यावेळी मी हे सर्व कोणासाठी केले हा प्रश्नही समोरच्या नेत्यांसमोर उभा राहतो त्यावेळी एकच आवाज येतो ‘यह पैसा बोलता है ‘सगळी पैशाची कमाल आहे .लोक ही म्हणतात सगळी सोंग आणता येतात पण पैशाचे सोंग आणता येत नाही, त्यामुळे लोक आता लक्ष्मीच्या मागे लागलेत ,लक्ष्मी धावत राहील हे तीच्या मागे पळत राहतील ..लक्ष्मी थकणार नाही ..हे धावून धावून थकतील आणि गतप्राण होतील एवढे मात्र निश्चित ..कारण लक्ष्मी चंचल असते ती आज या घरी तर उद्या दुसऱ्याच्या घरी ज्या ठिकाणी तीला निष्ठा ,सात्विकता ,प्रेम ,दिसते त्याच ठिकाणी ती थांबते ..त्यामुळे जनतेने सुद्धा क्षणिक सुखासाठी नीती भ्रष्ट होऊ नये ..कारण ते क्षणिक सुख असते ..आपण आपल्या नेत्याबरोबर जे उभ आयुष्य घालवलं ..आपल्या सुखदुःखात जो नेता सहभागी झाला, आपले दुःख हलके केले, प्रसंगी दुःखावर मायेची फुंकर घातली अशा नेत्याला सोडून केवळ आणि केवळ स्वतःच्या स्वार्थासाठी सोडून जाणाऱ्यांची संख्या वाढल्यामुळे गद्दारीचा कलंक वाढत गेला आहे.

आणि तो कलंक कधीही पुसला जात नाही ,त्याची इतिहासात नोंद होते ती फक्त गद्दार कलंकित म्हणूनच.आणि पैशाचे हे मोहजाल जादूगार जितेंद्र रघुवीर सारखे आहे तो क्षणात पैशाचा पाऊस पाडतो तर क्षणात गायब होतो मात्र तो असा पैशाचा पाऊस पाडू शकला असता तर गावोगावी फिरून असे जादूचे प्रयोग का केले असते याचा प्रत्येकाने विचार करणे गरजेचे आहे,हे क्षणिक मोहजाल आहे जेव्हा तुम्ही भानावर याल तेव्हा तुमच्या सोबत कोणीच नसले अगदी तुम्हाला मिळालेला तो पैसाही.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_