🛑 सिंधुदुर्ग रत्नागिरी लोकसभा मतदारसंघात केंद्रीय मंत्री नारायण राणेच भाजपचे उमेदवार?

🛑 राणेंच्या लोकसभा उमेदवारीच्या एन्ट्रीने लढत रंगतदार होणार ..

🛑 केंद्रीय मंत्री नारायण राणे यांचा आजही कोकणवर पगडा हे सिध्द करणारी निवडणूक

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सिंधुदुर्ग, दि-०७:- गेली 35 वर्ष सिंधुदुर्गासह कोकणावर अधिराज्य गाजवणारे मातब्बर नेते जनतेच्या मनातील राजा मनाचे राजा माणूस, केंद्रीय मंत्री नारायण राणे यांच्या वयाच्या उतरत्या काळात भाजपकडून लोकसभेची उमेदवारी मिळणार हे निश्चित झाल्याने कार्यकर्त्यांमध्ये उत्साहाचं वातावरण पसरले आहे,तसे बघायला गेले तर नारायण राणे यांची देह बोली व कार्य हे आजही युवाईला लाजवेल असे आहे,राणेंना मानणारा हा मतदारसंघ, २०१९ च्या लोकसभा निवडणुकीत माजी खासदार डॉ निलेश राणे यांनी आपल्या स्वाभिमान पक्षाकडून लढून जवळपास पावणे तीन लाख मते घेतली होती, यावरून केंद्रीय मंत्री नारायण राणे यांची या मतदारसंघावर असलेली पकड अधोरेखित होते.

सिंधुदुर्गाच्या विकासासाठी केंद्रीय मंत्री नारायण राणे यांचे योगदान काय? असे विचारणाऱ्यांनी गेल्या ३५ वर्षाचा मागोवा घेऊन त्याचे सिंहांलोकन केले की त्याचे उत्तर त्यांना आपसूकच मिळेल ,त्याचा उहापोह येथे करावा असे मला वाटत नाही, मात्र एक मराठा समाजाचा लढवय्या नेता, हवे त्याला भिडण्याची क्षमता ,कोणतेही काम हाती घेतले की ते तडीस नेण्याची क्षमता,जिद्द, चिकाटी,व जे काही असेल ते थेट लपून छपून काही नाही हे नारायण राणे यांचे जिवनातील पैलू असल्याने ते याच गुणांच्या जोरावर महाराष्ट्राच्या मुख्यमंत्र्यापासून विरोधी पक्ष नेते उद्योगमंत्री, महसूल मंत्री, केंद्रीय मंत्री अशा सर्वोच्च पदापर्यंत पोहचले,एक काळ असा होता की प्रत्यक्ष परमेश्वर जरी खाली उतरला असता तरी नारायण राणे यांना पराभूत करु शकला नसता,मात्र नारायण राणे यांच्या अवती भवती वावरणाऱ्या अष्टप्रधान मंडळाने त्यांचा घात केला व पहिला निसटता पराभव पत्करावा लागला, त्यानंतर मुंबईत दुसरा पराभव झाला, अनेक राजकीय जाणकारांनी,पत्रकारांनी नारायण राणे तुम्ही राजकीय निवृत्ती घेणार का? असा प्रश्न विचारला, मात्र जराही विचलित न होता योग्य वेळी उत्तर देईन असे सांगून टाकले व आपल्या राजकीय ताकदीच्या जोरावर केंद्रात पोहचले व केंद्रीय मंत्री झालेत अशा प्रचंड इच्छाशक्ती व काम करण्याची प्रचंड धमक असलेल्या माणसांचे अंदाज बांधणे जोखमीचे ठरू शकते तेच नारायण राणे यांच्या बाबतीत झाले व केंद्रात लघू व सूक्ष्म खात्याचे ते उद्योग मंत्री झालेत.

नारायण राणे यांना राज्यसभेवर पुन्हा संधी मिळाली नाही तेव्हाच आम्ही अंदाज बांधला की राणे आता लोकनियुक्त खासदार होणार व पुन्हा एकदा केंद्रात मंत्री होणार व आता तसेच घडण्याची लक्षणे दिसत आहेत. नारायण राणे हे सिंधुदुर्ग रत्नागिरी लोकसभा मतदार संघाचे उमेदवार जवळपास निश्चित झाल्याने व फक्त औपचारिकता बाकी असल्याने या मतदारसंघात आता खऱ्या अर्थाने लढतील रंग येणार आहे

खरे तर केंद्रीय मंत्री नारायण राणे यांनी आपल्या राजकीय कारकीर्दीत सगळी महत्त्वाची पदे भुषवली त्यामुळे त्यांना आता लोकसभा निवडणूक लढविण्यात रसही न होता मात्र वेगवेगळ्या यंत्रणेकडून मिळालेला एक्झिट पोल व पक्ष श्रेष्ठींचे आग्रही भूमिका यामुळे नारायण राणे यांना सिंधुदुर्ग रत्नागिरी लोकसभा मतदारसंघातून निवडणूक लढवणे क्रमप्राप्त ठरत आहे,नारायण राणे निवडणूक रींगणात असले की कार्यकर्ता मी स्वतः निवडणुकीत उभा आहे असे समजून झोकून देऊन काम करतो त्याचा फायदा त्यांना निवडणुकीत होतो ,माजी खासदार डॉक्टर निलेश राणे यांचा पगडा रत्नागिरी जिल्ह्यात मोठ्या प्रमाणात आहे ,त्यांना मानणारी युवा कार्यकर्त्यांची प्रचंड फौज आहे, त्यामुळे सिंधुदुर्ग जिल्ह्यात सर्व सत्तास्थाने नारायण राणे यांच्याकडे असल्याने दोन्ही जिल्ह्यात त्यांच्यासाठी जमेची बाजू आहे.

त्यामुळे भाजपने कोणत्याही परिस्थितीत ही निवडणूक जिंकायची असे ठरविले आहे त्यासाठी मातब्बर नेते केंद्रीय मंत्री नारायण राणे यांना निवडणूक रिंगणात उतरवणार आहेत, मागील दोन निवडणुका नारायण राणे हरले असले तरी त्या मागचा इतिहास वेगळा आहे व आता बरेच पाणी पुलाखालून गेले आहे, परिस्थितीही आता बदलली आहे ,सध्याचे शालेय शिक्षण व मराठी भाषा मंत्री दीपक केसरकर यांनी तर केंद्रीय मंत्री नारायण राणे यांच्यासाठी आपण संपूर्ण मतदारसंघ पिंजून काढू व मोठे मताधिक्य मिळवून देऊ असे जाहीर केले आहे, त्यामुळे दीपक केसरकर यांचे राणे यांच्याशी झालेले सख्य हे या निवडणुकीत त्यांच्या पथ्यावर पडणार आहे व लोकसभेनंतर काही महिन्यातच विधानसभेच्या निवडणुका होणार असल्याने प्रत्येकाला आपल्या भवितव्याची चिंता आहे, त्यामुळे नारायण राणे यांच्या प्रचारासाठी कोणतेही आढेवेढे न घेता आपली राजकीय कारकीर्द धोक्यात येऊ नये म्हणून प्रत्येक जण पोट तिडकिने काम करणार आहे व याचा फायदा त्या निवडणुकीत नारायण राणे यांना होणार आहे.

दुसरी बाजू पाहायला गेली तर उदय सामंत यांचे बंधू किरण सामंत यांचा रत्नागिरी जिल्ह्याचा एक मतदार संघ सोडला तर तसा इतर तालुक्यात व सिंधुदुर्ग जिल्ह्याशी दुरान्वये संबंध नाही किंवा कोणतेही सामाजिक काम त्यांनी या मतदार संघात केलेले नाही ,किरण सामंतांची ओळख सर्वसामान्य कार्यकर्त्यांना कंत्राटदार म्हणून आहे, म्हणून जर शिवसेनेकडून किरण सामंत यांना उमेदवारी मिळाली असती तर आमच्या मते ही निवडणूक विनायक राऊत यांना सोपी गेली असती मात्र भाजप पक्ष श्रेष्ठींनी बेरीज वजाबाकीची सर्व गणिते मांडून अखेर या लोकसभा मतदारसंघात भाजपकडून केंद्रीय मंत्री नारायण राणे यांचे नाव निश्चित केल्याने हे निवडणूक रंगतदार होणार एवढे मात्र निश्चित.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_