🛑 सत्य मांडले म्हणून धमकावण्याचा प्रयत्न होत असेल तर लढाई अधिक ताकदीने लढणार..

🛑 कोणाच्या कोल्हे कुई ला आम्ही भीक घालत नाही ; ग्रामस्थांच्या पाठीशी या पूढेही राहू

🛑 स्थानिक भूमिपुत्रांना त्रास देण्याचा प्रयत्न झाल्यास पूर्ण ताकदीनिशी त्यांच्या मागे उभे राहू

🛑 अवैध विषारी दारू,चरस,गांजा या विरुद्ध ची लढाई लढतच राहणार..

🛑 धमक्या देणाऱ्या संशयितांची नावे ॲफीडेव्हीट करुन अधिकारी व लोकप्रतिनिधींना सुपुर्द..

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सावंतवाडी, दि-०७:– सत्य परेशान हो सकता है.. पराजित नही… गेली अनेक वर्षे अन्याया विरुद्ध ,चरस ,गांजा,अवैध दारू वाहतूक यांच्या विरुद्ध आवाज उठवत असताना अनेक प्रसंगांना सामोरे जावे लागले, रणांगणातून पळ काढणाऱ्यांची आमची अवलाद नाही, त्यामुळे कोणी कितीही कोल्हे कुई केली,माझ्या वाईटा साठी आपल्या देव्हाऱ्यातील सगळे देव पाण्यात ठेवले तरी संस्थानचा अधिपती श्री देव पाटेकर ,रयत पिलगीचा रक्षण करतात ३६५ खेड्यांचा चाळा श्री देव उपरलकर, माझी कुलदेवता आई तुळजाभवानी, माझी ग्रामदैवत श्री देवी माऊली, खांबला, यांच्या सुरक्षा कावचामुळे माझे कोणीही काही वाकडे करू शकत नाही व अशा कोल्हे कुईला मी भीक पण घालत नाही,जे माझ्या अंगावर येतील त्यातील एक दोन तर जागीच गार होतील अशी ताकद सदैव माझ्या सोबत असते या कुलीयुगात फक्त लेखणी हातात घेऊन चालत नाही सोबत इतरही शस्त्र बाळगावी लागतात हे अनेक ठिकाणी झालेल्या पत्रकारांवरील हल्ल्यातून सिध्द झाले आहे.

आंबोली हिरण्यकेशी परिसरात जी अवैध्य बांधकामे झाली त्याविरुद्ध तेथील तीन वड्यातील ग्रामस्थांनी साखळी उपोषणाला सुरुवात केली होती. या साखळी उपोषणाच्या तिसऱ्या दिवशी आंबोली ग्रामस्थांनी आमच्या प्रतिनिधी करवी आमच्या सकल मराठा समाजाचे अध्यक्ष व तुमचे संपादक सिताराम गावडे यांना आम्हाला पाठबळ देण्यासाठी पाठवा अशी विनंती केली, त्यावेळी मी माझा कॅमेरा घेऊन घटनास्थळावर पोहोचलो ,अगदी हिरण्यकेशी च्या बाजूला जी बांधकामे उभी राहिली होती व तो गावकऱ्यांचा गायरान भाग होता व बांधकामे उभी करणारी व्यक्ती ही आंबोलीतील स्थानिक नव्हती व भविष्यात अशा जागा सगळ्यांनीच बळकावल्या तर जागा वाटपाच्या वेळी आपल्याला जागा शिल्लक राहणार नाही ही भावना जागृत झाल्याने तीन वाड्यातील ग्रामस्थ उपोषणास बसले होते व त्यांचे ते उपोषण रास्त असल्याची माझी भावना झाल्याने मी त्यांना कोकण लाईव्ह ब्रेकिंग न्यूज चॅनलच्या माध्यमातून पाठिंबा दिला व तशा प्रकारचे लिखाणही केले.

हे लिखाण केल्यावर संबंधित व्यक्तीच्या एका सदस्याने मला फोन करून तुम्ही आमच्या बद्दल जे लिहिले त्यामुळे तुमचे माझे संबंध संपले असे सांगून फोन बंद केला, त्यानंतर अनेक जणांनी मला वैयक्तिक तू त्या प्रकरणात लक्ष घालू नकोस अशा सूचना केल्यात त्यात माझे जवळचे मित्र पण होते मात्र तीन वाड्यातील ग्रामस्थांना दिलेल्या पाठिंब्याचा शब्द मी फीरवू शकत नसल्यामुळे शेवटपर्यंत ग्रामस्थांच्या पाठीशी राहण्याचा निश्चय केला, त्यावेळी परिणामांची चिंताही मी केली नाही व करत नाही.आंबोली ग्रामस्थांनी जे २१ दिवस उपोषण केले त्या उपोषणाला खरी साथ दिली खासदार विनायक राऊत व मनसे जिल्हाध्यक्ष ॲडव्होकेट अनिल केसरकर यांनी, उपोषण स्थळी जाऊन उपोषण कर्त्यांना धीर दिला व तुमची बाजू रास्त असल्यामुळे ती अनधिकृत बांधकामे पाडावीच लागतील असा विश्वास दिला व एवढ्यावरही न थांबता मनसेच्या शिष्टमंडळाने जिल्हाधिकारी यांचीही भेट घेतली व त्यानंतर सगळी सूत्रे हलून वन व महसूल विभागाच्या जमिनीवर असलेले त्याचे अवैध बांधकाम पाडण्यात आले, याबाबतचा वृत्तांत ही आम्ही आमच्या प्रतिनिधी करवी केला याचा राग काही व्यक्तींनी मनात ठेवून माझ्या जवळच्या मित्रांकडे त्याला आम्ही धडा शिकवणार, संपवणारा ,रस्त्यावर आणणार ,अशा प्रकारची वक्तव्य केली माझ्या अनेक सहकाऱ्यांनी, मित्रांनी ,मला याबाबत सांगून सावध राहण्याच्या सूचना केल्या,मी गेली ३२ वर्ष पत्रकारिता करत असताना अनेक प्रस्थापिताविरुद्ध लढलो कधीच लढाई अर्ध्यावर टाकून पळालो नाही, व पळणारही नाही ,कोणी चुडत्यांचे साप करून हा कोब्रा आहे असे सांगून आम्हाला धमकावण्याचा केविलवाणा प्रयत्न करत असतील तर तो त्यांचा मूर्खपणा आहे, आम्ही आमची आक्रमकता अधीक जोमाने मांडू,आमची आक्रमकता अन्याविरुद्ध लढण्याची प्रवृत्ती कदापी सोडणार नाही हे संबंधितांनी ध्यानी ठेवावे, विषारी दारू चरस गांजा ची लढाई आम्ही अधिक तीव्र करू व सळो की पळो करुन सोडू,खोटी काम करणाऱ्या व्यक्तींचे कधीही समर्थन करणार नाही, आम्ही धमक्यांना व मरणाला घाबरलो असतो तर पत्रकारिता वीस-पंचवीस वर्षांपूर्वीच सोडली असती हे संबंधितांनी ध्यानी ठेवावे.

श्री देव पाटेकरच्या या पवित्र भूमीत आणि रयत पीलगीचा रक्षण करता उपरलकर च्या या भूमीत असे दादागिरी करणारे अनेक जण संपलेत मातीमोल झालेत, करोडपतीचे रोडपती झाले हे आम्ही आमच्या डोळ्यांनी पाहिले आहे व त्या देवावर आमचा पूर्ण विश्वास आहे. त्यामुळे संबंधितांनी कितीही आदळ आपट केली तरी आम्ही विचलित होणार नाही आम्ही आमचे कार्य अन्यायवृद्ध लढण्याची भूमिका यापुढेही तसेच कायम ठेवू

तीन वर्षापूर्वी आंबोली मध्ये हीरण्य केशीच्या परिसरात अशाच प्रकारची बांधकामे सुरू होती त्यावेळी दलित समाजाच्या लोकांनी २६ जानेवारी रोजी प्रांताधिकारी कार्यालय समोर उपोषण केले होते व त्या उपोषणाला मी जाहीर पाठिंबा देऊन त्यांची बाजू भक्कमपणे मांडली होती ,त्यावेळी ही तत्कालीन प्रांताधिकारी खांडेकर यांनी आपल्या अधिकारात ती अर्धवट असलेली बांधकामे जमीनदोस केली होती. आम्ही स्थानिक ग्रामस्थांनी एकाला दहा बंगले बांधले तरी हरकत नाही कारण तो स्थानिक आहे तिकडचा वहिवाटदार आहे त्याची ती कर्मभूमी आहे, जन्मभूमी आहे,आणि या जन्मभूमीचा व कर्मभूमीचा तो पुरेपूर उपभोग घेऊ शकतो व हा नैसर्गिक न्याय आहे त्यामुळे स्थानिकांच्या रोजगाराला बाधा येईल असे कोणतेही कृत्य मी कधीच केले नाही, मात्र एखाद्या परप्रांतियां विरुध्द ग्रामस्थांनी उठाव केला त्यावेळी त्यांच्या बाजूने ठामपणे उभा राहिलो व राहू व कोणीतरी कायद्याचा बडगा दाखवून स्थानिकांना धमकावण्याचा प्रयत्न करत असतील तर त्या स्थानिकांच्या पाठीशी आम्ही पूर्ण ताकदीनिशी उभे राहू कारण ती त्यांची जन्मभूमी आहे, मायभूमी आहे, त्यामुळे त्या भूमिचा वापर स्वतःचा उदरनिर्वाह करण्यासाठी कोण स्थानिक व्यक्ती करत असेल ती कोणत्याही जाती धर्म पंथाची असू दे आम्ही त्यांच्या पाठीशी शंभर टक्के उभे राहू कारण ती जमीन जमीन कबुलायतदार गावकर अशी नोंद असली तरी स्थानिक लोकांच्या वहिवाटीतील, वर्षानुवर्षी त्यांची घरे त्या जमिनीत असलेली आहे, त्यामुळे नैसर्गिक न्याय हा स्थानिकांच्या बाजूने जातो, त्यामुळे प्रशासन स्थानिकांना त्रास देऊ शकत नाही व तसा त्रास देण्याचा प्रशासनाने प्रयत्न केल्यास त्याची जबरी किंमत प्रशासनाला व सत्ताधाऱ्यांना मोजावी लागेल हे या निमित्त प्रशासनाने ध्यानात ठेवावे ,राहता राहिला आम्हाला येणाऱ्या धमक्यांचा प्रश्न तर आम्ही आमच्या जीविताला ज्या ज्या व्यक्तींपासून धोका आहे म्हणजे रस्त्यात अपघात घडवणे, पाण्यात बुडून आत्महत्या भासवणे ,फासावर लटकून आत्महत्या भासवणे,विष प्रयोग करणे असे प्रकार घडल्यास त्याला जी माणसे जबाबदार असतील त्यांची नावे मी माझ्या ॲफीडेव्हीट मध्ये लिहून ठेवून ते अफिडेव्हीट माझ्या जवळच्या राजकीय मित्रांना ,अधिकाऱ्यांना पाठवली आहेत,याचा अर्थ मी कोल्हे कुई करणाऱ्यांना घाबरलो असा करुन घेऊ नये ती एक भविष्यातील सुरक्षा आहे,त्यामुळे कोल्हे कुई करणाऱ्यांच्या धमक्याला मी भीक न घालता माझा अन्यायाविरुद्ध लढण्याचा लढा असाच कायम राहणार आहे याची मला संपविण्याची धमकी देणाऱ्यांनी लक्षात ठेवावे शेवटी एकच सांगतो सौ सोनार की तो एक लोहार की..

 

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_